NAMPO KOM KAAP TOE

Graan SA en Bredasdorp Mega Park NPC het ‘n samewerkingsooreenkoms geteken om ‘n landbou en nywerheidstentoonstelling te Mega Park in Bredasdorp aan te bied van 12 tot 15 September 2018.

Dié handel en vee ekspo gaan noop om iets vir elkeen in landbou te bied en het ten doel om die basis te vestig as landbou-inligtingverskaffer, markplek, netwerkgeleentheid en bymekaarkomplek vir almal wat belang het by landbou.

Landbouers in die Kaap word ʼn uitstekende geleentheid gebied om prys en gehalte van trekkers en ander landboutoerusting gelyktydig op een terrein te vergelyk. Die landbouskou gaan ʼn platform vestig om boerdery wenke uit te ruil en van nuwe bewerkings en verbeterde boerderymetodes kennis te neem.

Graan SA moedig potensiële uitstallers aan om vroegtydig uitstalruimte te bespreek en nie dié Kaapse landbou hoogtepunt te mis nie. Aansoeke sal van 1 Maart 2018 op die Graan SA & NAMPO webtuistes (www.grainsa.co.za | www.nampo.co.za) beskikbaar wees.

Jannie de Villiers, HUB van Graan SA, het in Pretoria gesê dat Graan SA graag hulle kundigheid met Bredasdorp Mega Park NPC wil deel om ‘n bydrae tot landbou in die Wes-Kaap te maak.

Einde

Uitgereik deur:
Graan SA Kommunikasie

Verdere navrae:
Toit Wessels, Assistent Bestuurder: NAMPO & Bemarking, Graan SA
086 004 7246 | toit@grainsa.co.za | www.grainsa.co.za