7 / 33
7
Hoofstuk 5
se bates te gelde gemaak en die opbrengs daarvan binne die nuwe organisasie
aangewend sou word.
Gedurende die tydperk Januarie tot April 1999 het die besluitnemingstrukture van
die onderskeie organisasies ingevolge hulle konstitusionele vereistes goedkeuring
en finale mandate verleen dat met die eenwordingsproses voortgegaan kan word.
STIGTING VAN GRAAN SA
Stigtingskongres
Daar is besluit dat die stigtingskongres van die nuwe organisasie op 10 Junie 1999
gehou sou word. Dit sou voorafgegaan word deur die ontbindingskongresse van
NAMPO, NOPO, die WPO en die SPO op 9 Junie 1999.
Kennis van die stigting van die nuwe organisasie is teen einde Maart 1999 aan
al die lede van NAMPO, NOPO, die SPO en WPO gegee. Kennisgewings van die
afsluitingskongresse van die vier organisasies is aan elke organisasies se eie lede
gestuur. NAMPO en NOPO se afsluitingskongresse is by NAMPO Park naby Botha
ville gehou en dié van die WPO en SPO te Pretoria.
Al die afgevaardigdes na die onderskeie organisasies se afsluitingskongresse
was uitgenooi om die nuwe organisasie se stigtingskongres op 10 Junie 1999 as
waarnemers by te woon. Elkeen van die organisasies het ook die geleentheid ge-
had om ʼn aantal eregaste en waarnemers te benoem wat daarheen uitgenooi is.
Die Kongres is saamgestel uit afgevaardigdes wat op ʼn streeksbasis benoem is,
gebaseer op die produksiebasis van die onderskeie kommoditeite. ’n Beginsel
is ook aanvaar dat ʼn onafhanklike persoon sal optree om die verrigtinge tydens
die stigtingskongres op 10 Junie 1999 te koördineer. Mnr Peet van Zyl van die
prokureursfirma Hofmeyr Herbstein is daarna aangewys om as onafhanklike Voor-
sitter van die Kongres op te tree totdat die Kongres behoorlik gekonstitueer en ʼn
Voorsitter en Ondervoorsitter vir die nuwe organisasie verkies is.
Die Stigtingskongres het, soos beplan, op 10 Junie 1999 by NAMPO Park plaasgevind.
Tydens die Kongres is die volgende ampsdraers verkies:
• Mnr Japie Grobler (onbestrede) – Voorsitter
• Mnr Bully Botma (na verkiesing) – Visevoorsitter
Mnr Weyni Deysel, spotprenttekenaar vir
meer as 23 jaar vir
Mielies/Maize
en later
SA Graan/Grain
, het die gees van eenwor
ding in die graanbedryf skerp raakgevat in
hierdie spotprent wat in November 1999
verskyn het. Mnre Pieter Morkel (SPO), Gert
Pretorius (NOPO), Andries Beyers (WPO) en
Japie Grobler (NAMPO) vat hande.
Mnr Peet van Zyl, wat as onafhanklike
Voorsitter van die GPO se eerste kongres
opgetree het totdat dit behoorlik gekon-
stitueer is en nuwe leierskap verkies is.