die
graan- en oliesadebedryf
van suid-afrika – ‘n reis deur tyd
4
Daar is ook besluit dat voortgegaan word met die rasionalisering van kantore, toe-
rusting en personeel te Pretoria, en dat met die oog op die gebruik van raadsaal-
geriewe in die ou Mielieraadgebou, voorkeur aan die verkryging van kantore in
daardie gebou gegee sal word. Die NOPO-Hoofkantoor sal dus steeds in Pretoria
gehuisves word.
’n Volledige besigheidsplan met kostestrukture sal tydens die komende kongresse
van NOPO en NAMPO aan produsente vir goedkeuring voorgelê word.”
Beide Grobler en Pretorius het hul tevredenheid uitgespreek met die besluite wat
deur die onderskeie Hoofbesture geneem is en die vertroue uitgespreek dat die
nuwe bedeling daartoe sal lei dat ʼn meer effektiewe en kostedoeltreffende diens
aan produsente gelewer kan word.
Besluitneming en mandate vir eenwording
Tydens die NOPO Kongres in Februarie 1998, is ʼn mandaat aan die Hoofbestuur
van NOPO verleen, om voort te gaan met samesprekings met NAMPO en ander
bedryfsorganisasies, met die doel om ʼn enkel-bedieningstruktuur vir graanpro-
dusente te vestig. Die Dagbesture van NOPO en NAMPO het op 19 Augustus 1998
te Bothaville ontmoet, waartydens besin is oor sleutelelemente om die eenwor
dingsproses te laat slaag.
Die NOPO Dagbestuur is verteenwoordig deur:
• Mnr Gert Pretorius (Voorsitter)
• Mnr Lourie Bosman (Visevoorsitter)
• Mnr Adriaan Ferreira (Voorsitter: Grondbone)
• Mnr Jan Grobler (Voorsitter: Sonneblom)
• Mnr Frans Potgieter (Voorsitter: Sojabone)
Die NAMPO Voorsitterskomitee is verteenwoordig deur:
• Mnr Japie Grobler (Voorsitter: NAMPO)
• Mnr Bully Botma (Visevoorsitter: NAMPO)
• Mnr Neels Ferreira
• Mnr Jub Jubelius
• Mnr Kevin Starke
• Mnr WH van Zyl
• Mnr JA Barnard
Die NAMPO Voorsitterskomitee afgeneem tydens die afsluitingskongres. Van links:
mnre Japie Grobler, Jub Jubelius, Neels Ferreira, Kevin Starke, WH van Zyl, Apie Barnard
en Bully Botma.