5
Hoofstuk 5
Daar is bevestig dat beide die NOPO en die NAMPO Kongresse ʼn mandaat verleen
het om voort te gaan met ʼn gesprek oor eenwording. Een van die eerste stappe
in hierdie proses van eenwording was die integrasie van NAMPO en NOPO se
tydskrifte vanaf Julie 1998. Daarna het slegs
Mielies/Maize
verskyn, met NOPO-
nuus se insette wat daarin vervat was.
Spesialisbediening
Vir die Dagbestuur van NOPO was dit noodsaaklik dat, binne die model van
samewerking, die beginsel van spesialisbediening vir die onderskeie graangewas-
se behou word. In NAMPO se geval was die fokus slegs op wit- en geelmielies.
Binne die NOPO verwysingsraamwerk is egter drie bedrywe, naamlik sonneblom,
sojabone en grondbone, bedien.
Die Hoofbestuur van NOPO het besluit dat ewewigtige bediening vir al drie
oliesade moet plaasvind. Die NOPO Kongres het ook die praktyk gevestig dat af-
sonderlike wegbreekgroepe vir sonneblom, sojabone en grondbone tydens die
jaarlikse kongresse plaasvind, sodat bedryfspesifieke sake met fokus hanteer kon
word. Vir NOPO was dit dus ʼn kernelement van die gesprek oor eenwording dat
oliesade steeds per gewas bedien sou word.
Binne die Grondwet wat uiteindelik deur Graan SA aanvaar is, is ook spesifiek voor-
siening gemaak vir Spesialiswerkgroepe binne Graan SA en dat kundigheid in die
Hoofbestuur gekoöpteer kon word, indien daar nie voldoende kundigheid vir ’n
bedryfsektor onder verkose Hoofbestuurslede bestaan het nie.
Aanwysiging van Stuurkomitee
Tydens ʼn vergadering wat op 19 Augustus 1998 gehou is, het die Dagbesture van
NAMPO en NOPO besluit dat ʼn Stuurkomitee saamgestel word om die samevoe
ging van die twee organisasies en gevolglike stigting van ʼn nuwe graanprodu
sente-organisasie te beplan en te rig. Die Stuurkomitee het bestaan uit mnre Japie
Grobler, Gert Pretorius, Giel van Zyl en Nico Vermaak.
Benewens die aanstelling van die Stuurkomitee is besluit dat die proses van een-
wording so gou as moontlik afgehandel en bekendgestel moet word. Daar is ook
besluit dat voortgegaan word met beplanning om NAMPO en NOPO se besig-
heidsplanne te integreer en dat ʼn deeglike ondersoek oor die finansiering van die
eenwordingsproses gedoen moes word.
Van Zyl, NAMPO se Hoofbestuurder, sou as waarnemende Hoofbestuurder van die
te stigte organisasie aangestel word. Hy is versoek om weer eens met die WPO
en SPO in gesprek te tree oor hulle moontlike inskakeling by die beoogde nuwe
produsente-organisasie.
Vele grane maak ligte werk. Dié spotprent van 1998 spreek van eenwording van die
onderskeie produsente-organisasies rakende grane en oliesade.