ႇ
HOOFSTUK 8
gepubliseer. Die reaksie was entoesiasties en het die gretigheid van ontwikkelende
boere getoon om meer te leer en hulle vaardighede te verbeter.
Dit was duidelik dat verdere ondersteuningstrukture by studiegroepe geves-
tig moes word sodat die boere se probleme hanteer kon word. Die visie vir die
program het 1) die ontwikkeling van ’n stel bestuursriglyne oor die verskillende
gewasse, en 2) die aanbied van kursusse oor plaasbestuur ingesluit, maar die
NAMPO-personeel was onder druk om op die behoefte te reageer. Die begeerte
was daar om ontwikkelende mielieboere te help, maar die uitdaging was om
voldoende kapasiteit te kry om hierdie ontwikkelingsprojek te bestuur.
AMALGAMASIE: DIE ONTSTAAN VAN GRAAN SA SE
ONTWIKKELENDE LANDBOUPROGRAM
Transformasie was besig om in die wêreld van georganiseerde landbou plaas te
vind. Die verskillende produsente-organisasies, NAMPO, NOPO, SPO en WPO, het
in 1999 saamgesmelt om ’n enkele graanprodusente-organisasie te vorm, wat ons
as Graan SA ken. Sover dit die ontwikkelende landbou-inisiatiewe betref wat reeds
in die ou strukture geïmplementeer is, het die benadering in die nuwe organisasie
positief gebly. Boere was entoesiasties oor groter betrokkenheid by ontwikkelende
landbou-aktiwiteite, en die gekombineerde kragte van die onderskeie kommodi-
teitsgroepe het reeds aansienlike insig en kundigheid beskikbaar gehad.
Na voorleggings oor die potensiaal van ’n ontwikkelende landbouprogram in
Graan SA was ondersteuning van die onderskeie trusts – wat na die land se de-
regulering van landboubemarking gevorm is – bemoedigend, en van die begin
van Graan SA se OLP af was hierdie steun ’n noodsaaklike komponent van die
voortsetting en dinamiese uitbreiding van die program. Graan SA het steeds
die steun van die LNR-Instituut vir Graangewasse geniet en het nou ook waarde-
volle vennote in die trusts gekry.
STEUN VAN DIE TRUSTS: TOE EN NOU
Die verskillende trustfondse – die Mielietrust, Wintergraantrust, die OPOT en Sor-
ghumtrust – het almal ’n kritieke rol in die groei van Graan SA se ontwikkelende
landbouprogram gespeel en die basis verskaf vir sy sukses deur ’n stewige fonda-
sie te vorm waarop dit gebou kan word. Hulle was van die begin af betrokke, en is
vandag steeds in ’n groter of kleiner mate betrokke.
Die Mielietrust was verreweg die grootste bydraer en het ’n rol gespeel in die uit-
breiding van die program sodat dit in ’n posisie is om boere in die meeste van die
primêre graanverbouende streke van die land te ondersteun. “Alleen kan ons so min
doen; saam kan ons so baie doen.” Mnr Leon du Plessis, administrateur van die
Mielietrust, verduidelik dat die trust vennote soek wat hulle sal help om die mie-
liebedryf te dien en hulle missie te vervul om die deurlopende verbetering van die
hele mieliebedryf in Suid-Afrika te fasiliteer. As gevolg hiervan, het die Mielietrust
sedert die instelling van Graan SA se program met hulle daarop saamgewerk. Hier-
die belegging het vrugte afgewerp, aangesien die getal suksesvolle kommersiële
boere jaarliks toeneem.
Die hoofdoelstelling van die OPOT is die bevordering en ontwikkeling van die olie-
sadebedryf in Suid-Afrika. Die doelwitte was om huishoudelike en nasionale voed-
selsekerheid te hanteer, landelike welvaart te verbeter en daarop te fokus om die
individuele boer te bemagtig om onafhanklik te word. Kursusmateriaal soos ’n in-
leiding tot sonneblomproduksie, gevorderde sonneblomproduksie en bemarking,
vaardigheidsontwikkelingsaspekte soos stellings en kalibrering en ’n inleiding tot
sojaproduksie is ontwikkel, terwyl demonstrasieproefnemings beste praktyk getoon
het. Die OPOT het ook bygedra tot boeredae, asook vier bladsye in die
Pula Imvula
-
tydskrif elke kwartaal.
Die Sorghumtrust se bydrae het vir die befondsing van demonstrasieproefne-
minglanderye, boeredae, die ontwikkeling van handleidings en ’n opleidings-
kursus gesorg.
Teen 2008 het die Wintergraantrust ontwikkelende boere deur middel van die werk
van Graan SA aktief ondersteun. Hulle het gerapporteer dat vordering gesien kon