ႇ
HOOFSTUK 3
Klankgreep: Die vestiging van Safex het binne
’
n
paar jaar beslag gekry – mnr Jannie de Villiers.
Op 7 Maart 1995 is ’n konsepwet ter vervanging van die 1968-Bemarkingswet ge-
publiseer. Dit was grootliks op die aanbevelings van die LBBEK-verslag gebaseer
en het hewige kritiek van teenstanders van die 1968-wet ontlok, omdat dit baie van
die beginsels van die 1968-wet behou het en na die kritici se mening steeds baie
in die guns van die produsente opgestel was. Ook is gemeen dat die Wetsontwerp
dit vir partye met gevestigde belange moontlik sou maak om die regering se beleid
te beïnvloed, terwyl statutêre inmenging in die mark steeds toegelaat is sonder
dat enige kriteria bepaal is waarvolgens sodanige inmenging oorweeg moes word.
Gedurende Julie 1995 het Minister Van Niekerk, wat op daardie stadium nog deur
die Nasionale Party (NP) in die Nasionale Eenheidsregering aangestel is, ’n Witskrif
vir Landbou bekendgestel. Dit is met inagneming van die interim Grondwet van
Suid-Afrika, asook die Regering se Heropbou- en Ontwikkelingsprogram opgestel.
Die Minister het by die bekendstelling daarvan daarop gewys dat die veranderde
politieke en sosiale bestel in die land en die gepaardgaande doelwitte, sowel as
Suid-Afrika se toetrede tot die internasionale markte, ook vir landbouprodusente
groot uitdagings sal meebring, sowel ten opsigte van die binnelandse as die inter-
nasionale markte.
Veranderings aan die mieliebemarking-
stelsel is onafwendbaar, het NAMPO se
lede tydens ’n buitengewone Kongres op
26 Augustus 1993 besef.
Aan die vooraand van 1994 het een feit vir
produsente soos ’n paal bo water gestaan,
naamlik dat niks weer dieselfde gaan wees
nie.
Mielies/Maize
1993.