ႃႃ
HOOFSTUK 4
’n Aksiekomitee is aangewys en daar is besluit dat die stigtingskongres van die
nuwe organisasie gedurende Maart 1977 sou plaasvind. Die datum vir verkiesing
van afgevaardigdes na die stigtingskongres is op 31 Januarie 1977 vasgestel.
AKSIEKOMITEE
Die Aksiekomitee was saamgestel uit die Dagbestuurslede van SAMPI en die
Bestuurskomitee van SAMSO, te wete:
SAMPI
: Fanie Ferreira, Hennie de Jager, Hannes de Kock en Crawford von Abo.
SAMSO
: Ben Wilkens, Thys van der Hoven, Faan Basson, Andries Beyers en
Japie van Eeden.
Wilkens is as Voorsitter en Ferreira as Ondervoorsitter van die Aksiekomitee
aangewys, met mnr Danie Venter, SAMPI se Direkteur op daardie stadium, as
die Sekretaris.
Terwyl SAMPI alles in die stryd gewerp het om die Kongres te laat voortgaan,
het mnr Danie Venter, die Direkteur van SAMPI, en die ander personeellede van
SAMPI hulle by SAMSO geskaar. Dit was duidelik deel van SAMSO se strategie,
want Venter het weens die posisie wat hy by SAMPI beklee het, eerstehandse
kennis van SAMPI se strategie, sterkpunte, swakpunte, ensovoorts gehad en hy
het selfs SAMPI se ledelys vir SAMSO se leiersfigure gegee. Venter het aktief
begin om SAMPI op verskeie wyses te benadeel.
SAMPI was verplig om ’n hofbevel te verkry om Venter uit sy kantoor te sit,
omdat hy hardnekkig geweier het om dit te doen. Die hofbevel is verkry,
maar Venter het SAMPI se ledelys en die sirkulasielys van SAMPI se lyf-
blad met hom saamgeneem en SAMPI sonder die inligting gelaat. Volgens
mnr Crawford von Abo het SAMPI na hierdie konflik slegs oor twee perso-
neellede beskik om administratiewe steun te bied.
Video: SAMPI begin ʼn eie tydskrif as mondstuk
van die organisasie.