DIE
GRAAN- EN OLIESADEBEDRYF
VAN SUID-AFRIKA – ‘N REIS DEUR TYD
ႄႂ
• ’n Ekonomiese impakstudie wat in 2008 deur die Vrystaatse Universiteit uitgevoer
is, het aangedui dat die spandering deur besoekers aan Bothaville sowat R7 miljoen
tydens die Oesdag beloop terwyl uitstallers se spandering R3,5 miljoen bedra het.
• ’n Opknappingsprojek van die beeskompleks se voorste gedeelte het in 2011
afgeskop en is teen 2015 voltooi.
• ’n Ploegkompetisie, wat as kwalifiseerder vir die Wêreld Ploegkompetisie gedien
het, is tussen 2013 en 2015 tydens die Oesdag deur Graan SA in samewerking
met Tubestone aangebied.
• ’n Afslaerskompetisie word sedert 2015 in samewerking met die tydskrif,
Vee-
plaas,
en Toyota in die veilingskompleks aangebied.
• Die eerste fase van die 8 000 m
2
-uitbreiding van uitstalruimtes op die ou suide-
like parkeerarea – asook die skep van ’n nuwe parkeerarea aan die suidekant van
die terrein – is gedurende die Oesdag van 2013 in gebruik geneem.
• Die gewilde Nasie in gesprek-gesprekforum – waarin Graan SA, Senwes en an-
der maatskappye vennote is – betrek sedert 2013 denkende leiers uit verskeie
affiliasies, politieke agtergronde en die besigheidsektor om tydens die Oesdag
dialoog te voer oor landbousake van nasionale belang en oplossings te vind om
die landboubedryf se toekoms en lewensvatbaarheid te verseker.
• Na die bywoning van die Damesprogram oor tyd afgeneem het, het die SAMPI-saal
sedert 2015 plek gemaak vir ’n wyer verskeidenheid van damesgerigte uitstallers.
• Verskeie saadmaatskappye neem deel aan saadplotte wat in 2015 op die nuwe
deel van die terrein gevestig is. Die toevoeging gee oesdaggangers die geleent-
heid om verskaffers se kultivars in praktiese produksieomstandighede te bekyk
en te vergelyk.
NAMPO se veetentoonstellings is ver-
teenwoordigend van die meerderheid van
rasgenootskappe in die land.
’n Gratis trekker-en-waentjie-vervoerstelsel is ingestel vir individue wat minder mobiel
is...en vir voete wat moeg ge-NAMPO is.
Spesiale voorsiening word vir lede van die plaaslike en oorsese media gemaak by
Graan SA se mediasentrum.