ႄႉ
HOOFSTUK 6
M
nr Jan Combrink, nog een van Graan SA se lede met
jare se diens by die Oesdag, het ’n hele paar snaakse
stories daar uit die “buighuis” se omgewing, soos die ou wat
hulle laataand toe hulle gaan seker maak dat alle voertuie
weg is van die terrein af, kry waar hy handeviervoet in die
parkeerplek rondkruip op soek na sy kar. Dis ’n Citroen, be-
duie hy, maar hulle kry nie so ’n kar nie. ’n Hele ruk later
kom hulle op sy vriende af wat ook naarstiglik maar taamlik
onbeholpe weens oormatige inname na hom soek. Hulle ry
toe ’n Cortina! “Ek moes seker nie daar onder regs gedraai
het nie,” het die man wat toe al eintlik agt rye spore geloop
het, verduidelik.
E
n mnr Vic Mouton, eertydse Oesdagvoorsitter, vertel ook
van een van sy goeie vriende wat hulle laatmiddag na ’n
lang gekuier na sy “wit kar” help soek het – en toe hulle die
kar uiteindelik kry, is dit ’n bloue!
K
lub 200 is die eetplek waar belangrike gaste gewoonlik
onthaal is. So kort na 1994 se verkiesing is die destydse
premier van die Vrystaat, mnr Mosiuoa Lekota, deur die
komitee daar onthaal toe die krag afgaan. Mense wat die plek
ken sal weet dat as die krag afgaan, is dit nie net stikdonker
nie, maar die waaiers wat die braairoosters se rook uitrek
gaan staan en die lokaal is gou dik van die rook. Toe dit ge-
beur bars Lekota se lyfwagte die plek binne – goed paraat met
oorgehaalde wapens en al. Dinge kon skeef geloop het, vertel
mnr Jub Jubelius, oudvoorsitter van die Oesdagkomitee, as
dit nie was vir sy vrou nie wat hard deur die donkerte en die
rook geskreeu het dat dit net die krag is wat af is en die mense
net rustig moet word. “Dit kon lelik gewees het, maar vandag
kan ons net lag oor die lyfwagte wat so vinnig was om wild en
wakker te skiet.”
Hy vertel ook die staaltjie van een van die lede van die
Dameskomitee wat ’n aankondiging oor die Damesprogram
moes doen. Deftig uitgevat, met perfekte haredos, stap sy
op haar hoë polvye vorentoe, maar by die verhoog struikel
sy oor ’n deftige handsak in die paadjie en sy slaan daar neer
dat ’n mens kan sien of sy daardie dag al haar klere mooi
aangetrek het! Maar sy het beslis nie op haar mond geval
nie. “Dan val ek nou maar sommer met die deur in die huis...”
het sy haar aankondiging begin.
2016