ႃႅ
HOOFSTUK 6
gedoen het en Dappies Venter wat bykans al die staalstrukture van geboue opgerig
het – weliswaar teen vergoeding maar met besondere lojaliteit teenoor die Oesdag.
Van Zyl se visie om ’n groot saal wat 127 uitstallers kan huisves en nagenoeg
3 600 m
2
beslaan, is verwesenlik toe die NAMPO Saal tydens die 1998-Oesdag in
gebruik geneem is. Hierdie moderne toevoeging tot die onderdak uitstalruimte is
afgerond toe dit toegerus is met matte en professionele uitstalhokkies. Die uit-
stalmetode, wat deur mnr Johan Loxton ingestel is, is sedertdien na elkeen van
die sale op die terrein uitgebrei.
Video: Mnr Giel van Zyl vertel hoe ’n dame
van Mpumalanga oor die foon vir NAMPO Park
water aangewys het.
Die NAMPO Oesdag-handelsmerk was nog
in gebruik tot met Graan SA se stigting in
1999. Hoewel die naam behoue gebly het,
staan die skou sedertdien amptelik bekend
as Graan SA se NAMPO Oesdag.
Drie van die harde werkers in die Fanie Ferreira-saal. Van links verskyn Petra Kruger,
Annatjie van Zyl en Theresa Jordaan. Hier is hulle in druk gesprek besig om ’n ernstige pro-
bleem wat opgeduik het, op te los. Petra was teen 1991 in beheer van die spyseniering en
Annatjie in beheer van die ontbytsessies.
Die mense stroom die Fanie Ferreria-saal binne en dit moet hier vat, daar vat en raak vat!
Soos dit maar elke jaar die geval is, het al die vrywillige helpers en helpsters uur na uur
die aanslag van honger mae getrotseer. Dank gaan aan al die vroue wat op dié wyse hul
plekke oor jare vol gestaan het.
’n Toneel wat spreek van ’n miernes van bedrywighede tydens die tweede dag van die 1985 NAMPO Oesdag.