67 / 76
Navorsing is kwaliteit – en prioriteit
D
ie MBFi-inligtingsdae het vanjaar vir die tweede jaar op
toer gegaan en verskeie streke in die graanverbouingsge-
bied bedien. Dié reeks van vier afsonderlike dae is op
Bethlehem, Bethal, Frankfort en Delmas gehou. Sodoende
kan grootskaalse proewe in elke streek in die verskillende grondtipes
en klimaattoestande gedoen word.
Volgens mnr Jonathan Etherington (hoof uitvoerende beampte:
MBFi) het hulle hul Agricultural Excellence Centres gevestig om
te verseker dat die maatskappy se navorsing deurlopend van
uitstekende gehalte is.
Op die Delmas-perseel, wat ook die hoofkantoor van MBFi is, is
daar 1 248 statistiese blokke met 312 verskillende behandelings
van produkte en 36 sy-aan-sy-proewe. “Dit verseker dat ons deur-
lopend groei en as landbouers volhoubaar bly,” het hy tydens die
Delmas-inligtingsdag genoem. Hy het ook die toestande waarin die
gewasse geplant is, bespreek – wat onder meer bestaan uit vier
verskillende grondtipes en 21 verskillende gronddieptes.
Van die proewe wat tydens die dag vertoon en gedemonstreer is,
is biologiese swamdoders, blaarvoeding en bio-stimulante, ‘n nuwe
tipe bakterieë vir mielies, ‘n nuwe generasie kunsmis, watergehalte-
verbeteraars, stikstofbestuur en ‘n verskeidenheid entstowwe.
Tydens die proefbesoeke het mnr Alejandro Lehmann van Rizobacter
‘n kort voorlegging oor entstowwe gedoen. Hy het genoem dat
sojabone ‘n veeleisende gewas is wat stikstof betref, aangesien
dit ‘n peulgewas is en hoë vlakke van proteïen bevat. Hy het ook
die stelling gemaak dat hoe meer stikstof beskikbaar is, hoe hoër
is die opbrengs – daar is dus ‘n direkte verhouding tussen stikstof
en opbrengs.
Die verskil in die vraag na stikstof se aanpassing by die seisoene
is ook bespreek, asook die feit dat plante verskillende bronne
van stikstof kan gebruik en dat stikstofbinding baie energie van die
plant verg. Stikstofbinding kan op sy eie genoeg stikstof vir sojabone
verskaf om in die plant se stikstofbehoefte (met die oog op hoë
opbrengs) te voldoen.
By ‘n ander proefpunt het mnr Christo Kritzinger (Navorsing en
Ontwikkeling: MBFi) genoem dat proewe jaarliks gedoen word en
dat die maatskappy oor ‘n wye verskeidenheid kennis en inligting
beskik wat prakties en toepasbaar oorgedra moet word.
“Ons bevraagteken alles – ons wil weet waarom kry ons reaksie
uit plante met sekere produkte. As ons dit weet, kan ons ons pro-
gramme verbeter.” Volgens hom kom alles neer op plantfisiologie.
“Dit gaan oor energieomskakeling in ‘n plant – stikstof is ‘n energie-
komponent, maar hoe essensieel is stikstof op ‘n laat stadium vir ‘n
plant? Dit is net so essensieel soos die mikro-elementekomponent,”
het hy gesê.
65
May 2017
AKTUEEL
ELMARIE HELBERG,
SA Graan/Grain
medewerker
1: Apie Meintjies (Bronkhorstspruit),
Jaco Haasbroek (Delmas) en Roelof le Roux
(Delmas) het baie waarde uit die MBFi-
inligtingsdag op Delmas geput.
2: Verskeie proefpunte waar verskillende
onderwerpe bespreek is, was tydens die dag
beskikbaar.
3: Alejandro Lehmann het baie klem op die
waarde van stikstof by sojabone tydens sy
voorlegging geplaas.
1
3
2
Produk-inligting