7 / 128
< 5
www.nampo.co.zanampo 2017
Oesdag/Harvest Day
Graan SA/Grain SA
Volgens mnr Toit Wessels (assistent-bestuurder: NAMPO en
Bemarking, Graan SA) is die tema van vanjaar se Graan SA NAMPO
juis “Ontvou die toekoms”.
“Die organisasie wil steeds verseker dat die NAMPO Oesdag dié
beste platform en markomgewing vir die nuutste innovasie, tegnolo-
gie en inligting aan die landboubedryf is,” het hy gesê.
Cobus beaam dit: “700 plus uitstallers sal aan vanjaar se NAMPO
Oesdag deelneem. Ons het ook heelwat nuwe uitstallers in die
nuwe, uitgebreide terrein – naby die saadplotte. Ons fokus vanjaar
ook veral op bewaringsboerderytoerusting en tegnologie.”
Volgens dié twee kan besoekers aan die Oesdag vanjaar na ‘n hele
paar nuwighede uitsien:
Hulle is tans besig om nog standplase in die omgewing van die
saadplotte uit te brei en uitstalplekke naby die hoofingang (by die
Gedenkmuur) word ook ontwikkel.
Die bestaande 4x4-baan is opgegradeer en daar word ook ‘n
nuwe demonstrasiebaan (sien
Figuur 1
) vir motorfietse,
quads
en
side-by-side’s
op die nuwe ontwikkeling van die terrein gebou.
Die tentehotel skuif na waar die ploegkompetisie vroeër jare
gehou is (by Hek 3) en ‘n nuwe ablusieblok is hier aangebou.
Daar is nog oorsese uitstallers wat vanjaar bykom – vanaf
Kanada, die Verenigde Koninkryk, Rusland en Indië. Daar is
ook vanjaar vir die eerste keer ‘n Kanadese Paviljoen. Die ander
oorsese uitstallers van Argentinië, Israel, Frankryk, Amerika en
Italië sal weer teenwoordig wees.
Die jeugskou sal soggens in die bees-/perde-arena plaasvind.
Cobus sonder ook die saadplotte uit. “Maak gerus ‘n draai by die
saadplotte, waar verskeie gewasse geplant is sodat Jan Alleman
(veral stadsjapies) ‘n bietjie deur die gewasse kan stap en sien hoe
die gewasse vertoon.”
Internasionale jong afslaerskompetisie
Nog ‘n eerste by die Oesdag is die Toyota/Veeplaas/Graan SA in-
ternasionale jong afslaerskompetisie wat tydens NAMPO 2017
plaasvind. Dit is die eerste internasionale afslaerskompetisie wat in
Afrika gehou word.
Dit is ook een van die enigste geleenthede in die wêreld waar lande
se jong afslaers teen mekaar kan deelneem. Die Suid-Afrikaanse
jong afslaer van die jaar, mnr Steven Mathews, neem deel teen onder
andere afslaers van Namibië, Botswana, Argentinië en Amerika.
Dit vind vanaf Dinsdag, 16 Mei tot Donderdag, 18 Mei tussen 14:00
en 16:00 by die veilingskompleks op NAMPO Park plaas.
Enige persoon wat betrokke is in die lewendehawebedryf of wat
belangstel in die afslaersbedryf sal dit geweldig interessant vind
om te sien (en te hoor!) hoe die verskillende lande se afslaers hul
vaardighede uitleef.
Bywoningsgetalle
Die 50ste Oesdag is verlede jaar aangebied en ‘n rekordgetal besoe
kers het die Oesdag oor die vier dae besoek – ten spyte van ‘n droë,
uitdagende jaar vir landbouers. Op ‘n vraag of hulle vanjaar meer be-
soekers by die Oesdag verwag met die gunstige landboustoestande
wat daarbuite heers, antwoord Cobus: “Die landboubedryf se getalle
het oor die jare dieselfde gebly (en daal dalk selfs bietjie) as gevolg
van die ekonomie van skaal in landbou – kleiner boerderye word
deur groter boerderye oorgeneem, maar ons sien jaarliks dat daar
al hoe meer besoekers vanuit die buiteland (oorsee en Afrika-lande)
asook die verbruiker (stadsjapies) is wat die Oesdag besoek.
“Daar is natuurlik ‘n paar faktore wat ook die besoekersgetal bepaal,
soos die weer tydens die Oesdagweek en die aktiwiteite waarmee
produsente op daardie tydstip van die seisoen op hul plase besig is:
In die somersaaigebied begin produsente gewoonlik dan te oes en
in die wintersaaigebied is produsente klaar of amper klaar geplant.
Oesdagkomitee
Toit het die Oesdagkomitee en Oesdagpersoneel bedank vir hul
hulp en leiding met die reël van die Oesdag. “Die Oesdagkomitee
is my ‘reëls en beleidmakers’ en die span wat my ondersteun met
hul jarelange kennis en ondervinding van NAMPO. Hulle is ook die
sleutelpersone wat voor NAMPO en die week van NAMPO werk en
my arms hoog hou,” vertel Toit.
3: Die NAMPO Oesdag is besig om sy vere reg te skud vir die 51ste Oesdag wat van 16 Mei tot 19 Mei op NAMPO Park, naby Bothaville,
gehou sal word.
3