SA Grain Nampo April 2017

6 / 128

< 4
nampo 2017
Oesdag/Harvest Day
Ontvou die toekoms
by NAMPO 2017
Estie de Villiers, redakteur: SA Graan/Grain
NAMPO is elke jaar ‘n hoogtepunt op menige produsent
se kalender, maar hoekom moet produsente elke jaar
Graan SA se NAMPO Oesdag bywoon? Watter waarde hou
dit vir hulle in?
Sonder om te aarsel antwoord mnr Cobus van Coller (voorsitter van
die Oesdagkomitee): “‘n Produsent in Suid-Afrika moet meeding met
gesubsidieerde, internasionale produsente. Die NAMPO Oesdag
bied produsente die nuutste en mees gevorderde tegnologie op een
plek om mededingend en volhoubaar te kan boer.
“Tweedens moet ‘n produsent die Oesdag besoek om te sien wat
daar in die mark beskikbaar is en om te beplan of nuwe planne vir
die komende jaar te maak. Die Oesdag bly die plek waar ‘n produsent
prakties kan waarneem wat in die mark is en wat die nuutste land-
boutegnologie bied. Jy kan met kundiges gesels sodat jy ‘n ingeligte
besluit oor jou boerdery kan neem.
“Derdens kom produsente Oesdag toe om met mede-landbouers te
kommunikeer; te klank of jy as produsent nog op die regte pad met
jou besigheid is. En natuurlik om in ‘n ontspanne atmosfeer weer
vriendskapsbande te smee – en selfs nuwe vriende te maak,” het
hy gesê.
Nie uitsluitlik vir produsente nie
“Die Oesdag is lankal nie meer uitsluitlik net vir produsente nie; dit
is deesdae eerder ‘n gesinsuitstappie. Die dames sal veral bly wees
om te hoor dat die Vroueprogram weer terug is,” het hy gesê. “Dit
vind soggens van 09:45 tot 13:00 in die wit tent naby die Polkadot
Teetuin plaas. Dames kan ook uitsien na ‘n paar nuwe en ‘n bietjie
meer damesuitstallings by die Oesdag.”
Graan SA/Grain SA
Cobus moedig produsente ook aan om ‘n
plan te maak om hul arbeiders saam Oes-
dag toe te bring. “‘n Produsent se groot-
ste en belangrikste bate op sy plaas is sy
werknemers. Jy sorg vir ‘n wenspan as jy
jou werknemers deurlopend op hoogte hou
van jou doel en visie vir die boerdery. Dit is
ook belangrik dat hulle sien teen watter pas
en tempo landbou wêreldwyd verander en
dat hulle daarby sal moet aanpas.
“By NAMPO kan hulle ook sien watter
belangrike rol hulle in landbou speel en
wat hul bydrae tot voedselsekerheid is,”
benadruk Cobus.
Nuut by die Oesdag
Vernuwing is aan die orde van die dag. Die-
gene wat nie bybly met vernuwing nie, bly
agter en daarom maak die Oesdagkomitee
jaarliks seker dat die handelstentoonstelling
aan die voorpunt bly van dít wat nuut in die
mark is.
1: Cobus van Coller
2: Toit Wessels
Figuur 1: ‘n Skematiese voorstelling van die nuwe demonstrasiebaan wat vir motorfietse, quads
en side-by-side’s gebou word.
1
2