SA Grain Nampo April 2017

3 / 128

Verandering
Ek is nie lief vir verandering nie – seker soos die meeste van
ons. Toe ons sewe jaar gelede van die Noordwes Provinsie af
Nelspruit toe getrek het, het ek amper vir ‘n hele maand ge-
huil totdat die treklorrie voor ons huis gestop het en ek besef
het: Dit is nou so; daar is nie omdraaikans nie.
Ons is gek oor tuinmaak en het entoesiasties in die nuwe tuin in-
gespring. Oral rose en laventelbosse geplant – presies soos in ons
tuin in Klerksdorp. Want “in die Laeveld druk jy net ‘n stok in die
grond dan groei dit” – of so het ons gehoor. Wonderlik! Geen ryp
nie – ons sou heeljaar ‘n pragtige groen tuin hê.
Ek wonder hoeveel duisende rande ons verloor het aan plante wat
gevrek het...wat net nie hier geaard het nie. Die een pestilensie na die
ander het dit geteister en alhoewel alles aanvanklik so pragtig hier
groei, dit nooit ryp nie en aan die begin amper elke aand gereën het,
is hier swamme en roes en goggas waarvan ons nog nooit voor ons
skuif gehoor het nie, wat ons plante aangeval het! Totdat ons besef
het: Adapt or die.
Dit was ‘n nuwe klimaat; ander grond. Ons sou inheemse plante
of plante wat by die spesifieke klimaat aangepas is, moes plant:
Vreemde plante wat ons glad nie geken het nie. En vandag is ons
dol oor ons Laeveldse tuin vol bromelia’s, orgideë, takbokvarings en
lugplante – sonder rose en fyntuin.
eienaar/uitgewer
graan sa
POSBUS 74087, LYNNWOOD RIDGE, 0040
Tel: 086 004 7246
REDAKSIE
Dr Dirk Strydom
BESTUURDER: GRAANEKONOMIE EN BEMARKING
Tel: 086 004 7246 • Sel: 082 852 4810
E-pos:
besturende redakteur: Johan Smit
Tel: 018 468 2716 • Sel: 082 553 7806
E-pos:
redakteur: Estie de Villiers
Tel: 081 236 0534 l Sel: 083 490 9449
Faks: 086 275 4157
E-pos:
advertensieverkope
KOLBE MEDIA – kaapstad
Jurgen van Onselen – Advertensiekoördineerder
Tel/faks: 021 976 4482 • Sel: 082 417 3874
E-pos:
INFOWORKS MEDIA PUBLISHING – Johannesburg
Ruth Schultz – Advertensiekonsultant
Tel: 081 480 6413 • Sel: 072 855 2450
E-pos:
ISSN 1814-1676
Net só moet ‘n produsent ook voortdurend aanpas – of ondergaan.
Aanpas by ‘n veranderende omgewing; ‘n wisselvallige mark; ander
bewerkingspraktyke; nuwe tegnologie. En waar is ‘n beter plek
om op hoogte van die nuutste tendense te kom as by Graan SA se
NAMPO Oesdag? Alles “onder een dak” bymekaar.
Soos wat Cobus van Coller (voorsitter van die Oesdagkomitee) tereg
sê: “Die NAMPO Oesdag bied produsente die nuutste en mees ge-
vorderde tegnologie op een plek, om mededingend en volhoubaar te
kan boer. Hier kan jy sien wat daar in die mark beskikbaar is, sodat jy
kan beplan of nuwe planne vir die komende jaar kan maak.
“NAMPO bly die plek waar ‘n produsent prakties kan waarneem wat
daar in die mark beskikbaar is en wat die nuutste landboutegnologie
bied. Jy kan met kundiges gesels sodat jy ‘n ingeligte besluit oor jou
boerdery kan neem,” het hy gesels. Die tema van vanjaar se Oesdag
is juis: “Ontvou die toekoms”.
“Die organisasie wil steeds verseker dat die NAMPOOesdag dié beste
platform en markomgewing vir die nuutste innovasie, tegnologie
en inligting aan die landboubedryf is,” het Toit Wessels (assistent-
bestuurder: NAMPO en Bemarking, Graan SA) entoesiasties vertel.
Hierdie spesiale NAMPO-uitgawe bied ‘n goeie oorsig van wat jy
van vanjaar se Oesdag kan verwag en van wat die uitstallers by
hulle standplase en stalletjies aanbied. Met meer as 700 uitstallers
wat aan die Oesdag deelneem, is daar ook heelwat nuwe uitstallers
in die nuwe, uitgebreide terrein – naby die saadplotte – en volgens
Cobus fokus hulle vanjaar veral op bewaringsboerderytoerusting
en -tegnologie.
Daar is verder ‘n hele paar nuwighede waarna Oesdaggangers
kan uitsien: ‘n Nuwe demonstrasiebaan vir motorfietse, quads en
side-by-side’s, die jeugskou wat soggens in die bees-/perde-arena
plaasvind en nuwe oorsese uitstallers wat vanjaar bykom. Die
dames sal veral verheug wees om te hoor dat die Vroueprogram
terug is en dat daar nuwe uitstallers (spesiaal vir die dames) by-
gekom het. Lees op bladsy 4 en 5 meer oor wat om van vanjaar se
Oesdag te verwag en op bladsy 8 en 9 wie wanneer by die Vroue-
program gaan gesels.
Ondersteun ons adverteerders
Doen asseblief moeite en gaan maak ‘n by draai by ons adverteerders
en ondersteun hulle. Sonder hulle sal so ‘n spesiale uitgawe nie moont-
lik gewees het nie. Baie dankie aan elkeen van ons adverteerders.
Sien jou by NAMPO!
Estie de Villiers
Redakteur: SA Graan/Grain