10 / 128
< 8
nampo 2017
Oesdag/Harvest Day
www.nampo.co.zaVroueprogram weer terug
– Dié wit tent bied opwindende program
SA Graan/Grain
redaksie
G
oeie nuus, dames, die Vroueprogram is terug! Ná twee
jaar se afwesigheid keer dié gewilde program met ‘n nuwe
hoofborg en splinternuwe ligging terug na Graan SA se
NAMPO Oesdag.
VIA
, die Afrikaanse, 24-uur vermaak-leefstylkanaal wat kraakvars
leefstyl- en realiteitsprogramme aanbied, is die hoofborg van 2017
se Vroueprogram. Vanjaar se program word daagliks van 09:45 tot
13:00 in die groot, wit tent wat naby die teetuin opgerig is, aangebied.
Ná afloop van die program kan die skoner geslag oor ‘n koppie tee
oor een van die volgende onderwerpe wat by die Oesdag aangebied
gaan word, gaan gesels.
Kry sielskos vir die dag
Retha de Villiers, die vrou aan die sy van Graan SA se uitvoerende
hoofbestuurder, Jannie de Villiers, gaan elke oggend die program
om 09:45 met ‘n besondere boodskap open.
Hierdie ma van drie het ‘n passie en roeping vir die opbou en ontwik-
keling van Christenvroue en lei sedert 1990 ‘n vrouebybelstudiegroep
by die NG Gemeente
Moreletapark. Sy is deel
van ‘n internasionale
vrouebediening, “Revive
our hearts, South Africa”,
wat vroue help om God
se ontwerp vir hul lewens
te ontdek en om hierdie
waarhede ook doelbe-
wus aan die volgende
generasie oor te dra.
Graan SA/Grain SA
Kuier in die plaaskombuis
Elma Postma, aktrise en eerste aanbieder van die
Boer soek ‘n vrou
-
reeks, kom saam met Arina du Plessis (kosredakteur:
Landbouweek-
blad
) in die
Plaaskombuis
in die groot, wit tent kuier.
Landbouweekblad
stel tydens die Oesdag die tiende uitgawe van
hulle gewilde glanskostydskrif,
Landbou Boerekos
, bekend. Die tema
van die nuutste uitgawe is “Kook en kuier in die Oos-Vrystaat”. Hul
fokus in die tydskrif op eg Oos-Vrystaatse boerekos, streekskos met
plaaslike bestanddele en kuier in plaaskombuise.
Elma en Arina gaan tydens NAMPO fokus op Oos-Vrystaatse
plaasprodukte en resepte demonstreer uit die nuwe reeks van
Plaaskombuis
(
Landbouweekblad
se kosprogram op
VIA
).
Só lyk hulle program:
Appels – tert, slaai en sop, Dinsdag om 10:00;
Mielies – polenta, paptert en wafels, Woensdag om 11:00;
Vleis – kerrie, boerewors en sosaties, Donderdag om 10:00; en
Suiwel – melktertgevulde pannekoek, melkkos, macaroni-en-
kaasskywe, Vrydag om 12:00.
My plek of joune?
Isabel Barends, die aanbieder van die
VIA
-reeks,
My plek of joune?
is
die eienaar van die dekoronderneming Love Lemon Interiors in Kaap-
stad. Dié reeks handel nie net oor die dekor-aspek nie, maar fokus
ook op die persoonlike verhoudings tussen huisbewoners.
Al het sy van jongs af ’n liefde vir dekor gehad, het sy eers na die
geboorte van haar eerste kind ‘n kursus in interieurontwerp gevolg
en toe besef dit is haar passie. Vir haar is goeie voorbereiding die
belangrikste stap om ‘n projek suksesvol af te handel.
Haar NAMPO-temas sluit in:
Dekor 101 – Só pak jy dekor aan, Dinsdag om 12:00;
Die toorkrag van ‘n verfkwas, Woensdag om 10:00;
Divas doen dit self, Donderdag om 12:00; en
Die duiwel is in die detail – Vrydag om 11:00.
1: Retha de Villiers
2: Elma Postma
3: Arina du Plessis
4: Isabel Barends
1
2
3
4