9 / 76
7
KANTLYN
Op die
May 2017
13 t/ha/jaar verlore
50% to 70%
Nr 1 en Nr 2
Die gemiddelde grondverlies onder graanverbouing
as gevolg van watererosie in Suid-Afrika is 13 t/ha/jaar,
wat beteken dat daar tussen 2 ton en 3 ton grond verlore
gaan vir elke ton mielies wat per jaar produseer word.
Bron: Le Roux
et al.
(2008)
Water erosion prediction at a
national scale for South Africa. Water SA
34: 305 - 314.
South Africa have lost 50% to 70% of its soil carbon
under crop fields due to tillage practices.
Source: Presentation of CM Swanepoel at the Sustainable Soil
Management Symposium 5 - 6 November 2015, Stellenbosch
Atrazine is die nommer een skadelikste landbou-
chemikalie (as gevolg van toksisiteit) en glifosaat
nommer ses (as gevolg van die hoeveelhede gebruik)
vir menslike gesondheid in Suid-Afrika.
Bron: Dabrowski
et al.
(2014)
Prioritizing agricultural pesticides used in
South Africa based on their environmental mobility and potential
human health effects. Environment International
62: 31 - 40.
DS KOOS KIRSTEN
WOORD
Uit die
n
a skool het ek gaan studeer en gedurende my studiejare
het ek begin om die Bybel sistematies deur te lees.
In Eksodus 34:7 het ek iets gelees wat my baie laat
kopkrap het. Toe ek dieselfde ding in Numeri 14:18
lees, het ek begin moeite doen om agter te kom wat dit
presies beteken en wat dit vir ons as gelowiges inhou.
Numeri 14:18: “Die Here is lankmoedig en groot van goedertieren-
heid, wat die ongeregtigheid en oortreding vergewe, maar nooit
ongestraf laat bly nie.”
Die vraag wat in my gemoed ontstaan het, is hoe die Here dit regkry
om te vergewe en ook te straf. Beteken vergewe dan nie dat daar
geen straf is nie? Of is die straf nou net minder en tydelik en nie
swaar en ewig nie? Hoe werk dit?
Lank na al hierdie vrae my begin kwel het, het ek die antwoord
ontdek. Wat ‘n ontdekking was dit nie vir my nie en daarmee saam ‘n
groot verligting en dankbaarheid. Die oplossing vir al hierdie vrae lê
opgesluit in Christus.
Die mens (ek) het gesondig. Die mens moet volledig betaal vir al
hierdie sondes. Jesus Christus het mens geword en in die plek
van die mens kom staan en volledig vir die mens se sondes betaal
(2 Korintiërs 5:15). God het al my sondes aan Christus toegereken
en Hom in my plek gestraf. Só laat God dan geen sonde ongestraf
nie. Omdat die sonde dan nou gestraf is, kan God my vergewe en
sy lankmoedigheid en goedertierenheid aan my bewys. Vir my is dit
die toppunt van genade.
Alle mense se sondes word egter nie vergewe nie en almal word
nie gered nie. Alleen hulle wat in Christus glo as hulle Verlosser
en Saligmaker word vergewe en word gered. Sonder geloof kan
niemand gered word nie. As jy glo, reken God Christus se volmaakte
gehoorsaamheid, geregtigheid en heiligheid aan jou toe, soos Hy
jou sondes aan Christus toegereken het. As God dan nou na jou as
gelowige kyk, sien Hy volmaakte gehoorsaamheid, geregtigheid
en heiligheid en skenk Hy die ewige lewe aan jou.
Vir my is hierdie gedagtes opnuut weer ‘n heerlike troos. God betoon
sy oneindige lankmoedigheid, goedertierenheid en genade aan
my, omdat Christus vir al my sondes betaal het. Ek gaan nie gestraf
word nie, want Christus het my straf gedra.
Dankie, Here Jesus Christus!
Baie geluk aan
Willie Moolman van
Delmas wat vir die
April-uitgawe van
SA Graan/Grain
die
gratis Bybel gewen het.
Gee gerus jóú mening van die kantlyn af:
estiedv@mweb.co.za083 490 9449
INFLASIE
Die jaarlikse verbruikersprysindeks (VPI)
vir Maart 2017 was 6,1% vanaf die 6,3%
in Februarie 2017.
Die jaarlikse voedsel en nie-alkoholiese
verversingsindeks vir Maart 2017 was 8,7%
vanaf 9,9% in Februarie 2017 en 11,4%
in Januarie 2017.
Die jaarlikse produsenteprysindeks (PPI)
vir Februarie 2017 was 5,6%. Die landbou,
bosbou en visserye se PPI was jaar-op-jaar
in Februarie 2017 -3,2%.
Bron: Statistieke SA