11 / 76
9
May 2017
oortuig dat bewaringslandbou wel suksesvol in hoofsaaklik sande-
rige grond toegepas kan word.
Dr Annemie Erasmus, navorser van LNR-Graangewasse, het
kongresgangers ingelig dat insekte se rol en die impak wat landbou
daarop het, oor die algemeen onbekend en onderbeklemtoon
is. Tydens haar aanbieding het dr Erasmus ‘n hele aantal jare
se navorsingsdata oor die impak van bewaringslandbou en
konvensionele stelsels op sekere insekpopulasies bekend gestel.
Sy het gewys watter belangrike diens voordelige insekte by
bewaringslandbou kan lewer en watter rol hul speel om produsente
meer volhoubaar te maak.
Nader aan die einde van die kongres het mnr Tommie Wiersma
van Ottosdal onkruidbeheer in bewaringslandbou bespreek en
produsente met goeie wenke huis toe gestuur. Dié kongressessie
is gevolg deur planterdemonstrasies, waarna mnre Derek Mathews
(Sannieshof), Jurie Bezuidenhout (Migdol) en Gerhard Cronjé
(Bultfontein) terugvoer gegee het oor bewaringslandbou in die
Noordwes Provinsie, met bewaringslandboustories van produsente
wat weer eens die waarde van die praktyk beklemtoon het.
Die Ottosdal Bewaringslandboukonferensie is afgesluit met
‘n paneelbespreking met die tema “Waarom huiwer boere om
oor te slaan na bewaringslandbou?”. Na afloop van middagete
kon produsente op ‘n halfdag-bewaringslandboutoer gaan wat
onder meer plaasbesoeke en praktiese besprekings ingesluit het.
Graan SA en die Ottosdal-geenbewerkingsklub sien uit daarna om
alle bewaringslandbou-entoesiaste, sowel as produsente wat nog
oorreding benodig, by volgende jaar se kongres te verwelkom.
1: Hannes Otto van die Ottosdal-
geenbewerkingsklub verwelkom
konferensiegangers.
2: Die bewaringslandboubeginsels is
voor op die verhoog ten toon gestel
en het die deelnemers gedurig herin-
ner waarop hul moet fokus.
3: ‘n Paar van die produsente wat die
konferensie op Ottosdal bygewoon
het.
4: Produsente besigtig ‘n profielgat.
5: Proewe om van te droom.
1
3
5
4
2