51 / 53
ႇႃ
HOOFSTUK 4
geskrap, as gevolg waarvan die Nasionale WPO ʼn beroep op wintergraanpro-
dusente gedoen het om die WPO deur middel van vrywillige bydraes te finansier
Die bedoeling was dat die Nasionale WPO se begroting op basis van produksie-
volumes na die verskillende Provinsiale WPO’s toegedeel word.
Hoewel die wintergraanprodusente baie goed tot die vrywillige heffing ter be-
fondsing van die WPO bygedra het, het dit ʼn addisionele koste op hulle gelaai.
Hierdie addisionele koste het later ʼn rol gespeel by die oorweging van samesmel-
ting met die produsente-organisasies van die ander graanbedrywe, wat in die vol-
gende hoofstuk vervat is.
Die WPO se rol in en betrokkenheid by die inisiatief om die verskillende graan-
bedrywe se produsente-organisasies in 1999 onder een dak te verenig, word in
die volgende hoofstuk vertel. Hier word volstaan deur te sê dat die WPO ʼn besliste
bydrae tot die stigting van Graan SA gelewer het.
Na die stigting van Graan SA is die sake waarmee die WPO hom besig gehou het,
deur die Spesialiswerkgroep vir Wintergrane hanteer. Daarna was dié Werkgroep
verantwoordelik vir die identifisering van brandpunte in die wintergraanbedryf,
wat dan na die verantwoordelike afdeling of besturende liggaam binne Graan SA
verwys is.
DIE SORGHUMPRODUSENTE-ORGANISASIE (SPO)
Stigting
Die sorghumprodusente in Suid-Afrika se belange as produsentegroep is tradisio-
neel deur die provinsiale landbou-unies se produsente-organisasies vir graansor-
ghum hanteer.
Dit het gedurende Maart 1994 egter verander met die stigting van die Sorghumpro-
dusente-organisasie (SPO) op 24 Maart 1994 te Vanderbijlpark. Hoewel die SPO ’n
spesialiteitsorganisasie was, was dit steeds by SALU geaffilieer, soos ook die geval
was met NOPO.
Struktuur
Die SPO was nie soos tydens die vorige bedeling in provinsiale strukture verdeel
nie, maar wel in spesifieke gebiede wat sorghumprodusente landwyd sou verteen-
woordig. Die organisasie was naamlik in tien gebiedsbesture georganiseer wat
almal aan die Hoofbestuur en Nasionale Kongres (as hoogste gesag) verantwoor-
ding gedoen het.
Benewens die Kongres en Hoofbestuur, is ʼn Dagbestuur gevorm en ʼn Sekretariaat
ingestel om die sake van die SPO te administreer.
Doelstellings
Die SPO se hoofdoel was om ʼn verteenwoordigende nasionale organisasie vir die
sorghumbedryf te vorm en die belange van die sorghumprodusente te behartig. Die
Mnr Pieter Morkel, Voorsitter van die
SPO, 1999.
Op 9 Junie 1999, tydens hul afsluitingskon-
gres, het die WPO se Hoofbestuur hierdie
gedenksertifikaat onderteken, ter onder-
steuning van die stigting van die GPO.