SA Graan Maart 2018

9 / 116

Gee gerus jóú mening van die kantlyn af:
083 490 9449
7
March 2018
DS KOOS KIRSTEN
WOORD Uit die
w anneer het ‘n mens genoeg? Dit is ‘n vraag wat
nie so maklik beantwoord kan word nie. Vir een
persoon is ‘n bietjie al genoeg, maar vir ‘n ander
is dieselfde hoeveelheid glad nie genoeg nie.
Omstandighede en persoonlikhede is baie keer die
bepalende faktor van of iets genoeg is of nie.
Toe die Here die Israeliete die woestyn in gelei het ná die uittog uit
Egipte, het Hy manna aan hulle gegee. In die woestyn waar daar
geen kos was nie, voorsien Hy hulle van manna. Hulle kon daarvan
leef. Al was dit genoeg en ook voedsaam genoeg, het hulle gou
moeg geword daarvoor.
In Num. 11 lees ons dat die volk se lus vir vleis hulle oorweldig het.
Daarby het hulle na die visse, komkommers, waatlemoene, preie, uie
en knoffel van Egipte verlang.
Die Israeliete het teen die Here en teen Moses in opstand gekom.
Die manna was nie meer goed genoeg nie. Hulle wou meer hê! Dit
wat die Here gegee het, was eenvoudig net nie goed genoeg nie.
Hoeveel keer is ons ook nie tevrede met wat die Here aan ons gee
nie? Ons wil altyd meer en beter hê. Daarby wil ons self bepaal wat
goed en wat sleg vir ons is. Ons wil self besluit wanneer genoeg
eintlik genoeg is.
Die Here leer ons in Fil. 4:11 dat ons vergenoeg moet wees. Ons moet
leer om tevrede te wees met dít wat die Here aan ons gee. Ons moet
leer om tevrede te wees met die omstandighede waarin ons lewe:
Of dit nou genoeg reën dat ons ‘n goeie oes kan maak, of te min, of
dalk te veel.
Ons moet leer om tevrede te wees met alles wat die Here in sy almag
en wysheid aan ons gee. Hy weet immers die beste.
Baie geluk aan
AJ Lues van Ermelo
wat vir die Februarie-
uitgawe van
SA Graan/Grain die
gratis Bybel gewen
het.
The Food and Agricultural
Organisation (FAO) estimates that
each year about 40% of food production
are wasted globally. The biggest
portion of that is taking place in devel-
oping countries in the production
and distribution side of the value
chain, which means it is addressable.
New technologies and business
models can be implemented to prevent
the loss of food while it is on the way
from the producer to the market.
– Me Rachel Jafta (chairperson, Media24 Limited) at the
Agri SA Congress in October last year
“
“
Goeie vordering is gedurende die
verslagtydperk gemaak met die
omdraaistrategie vir korings . Deur
Graan SA se fasiliterende rol, is
vennote in die waardeketting tot
nuwe insigte gebring om opofferings te
maak ten einde ’n groter doel te bereik
en samehorigheid in die koringbedryf
te bewerkstellig.
– Mnr Jaco Minnaar, voorsitter, Graan SA,
Graan SA 2017-jaarverslag
“
“
My boodskap aan produsente
is om konstant te verseker dat die
produksie van graan vir jou ekonomies
sin maak. Hou aan fokus op die inkomste-
en die uitgawekant en dus nie net op
tegniese produksie nie, maar ook jou
bemarkingskant sodat die twee in balans
bly. Hou die oog op die bal, en onthou:
Die bal is nie die politiek nie;
dit is jou bankbalans.
– Mnr Jannie de Villiers, HUB, Graan SA,
Graan SA 2017-jaarverslag
“
“