SA Graan Maart 2018

12 / 116

Maart 2018
10
Werkgroep besoek nuwe
wêreldklas tegnologiesentrum
Die Produksie/Insetwerkgroep van Graan SA het sy laas-
te vergadering vir 2017 by DuPont se nuwe wêreldklas
tegnologiesentrum buite Delmas gehou.
Van die belangrike sake wat tydens die werkgroepvergadering be-
spreek is, sluit in:
Saad
Die teling-en-tegnologieheffing op saad
Mieliekultivarevalueringsprogram
Sclerotinia toelaatbaar in gesertifiseerde sonneblom- en
sojaboonsaad
Samesprekings met SANSOR
Kunsmis
Kunsmis- en landboukalkpryse
Samesprekings met Fertasa
Die kunsmis- en landboukalkmoniteringsprojek
Kunsmisbokse
Landbouchemikalieë
Chemikalieëprysmonitering
Terugvoer oor samesprekings met AVCASA
Standaard etikettering vir landbouchemiese middels
Kwaliteit van landbouchemikalieë
Onkruiddoderweerstand en kaarte van chemiese groepe
Brandstof
Ruolie en dieselprysvooruitsigte
Dieselrabat
Pryse van smeerolie
Goedkoper diesel by landbou-organisasies
Landboumasjinerie
Prystendense en trekkerverkope
Terugvoer oor samesprekings met SALMA
Invoertarief op trekkerbande
Monitering van onderdelepryse
Logistiek van landboumasjinerie wat nie gelisensieer kan
word nie
Verder het algemene sake soos water, elektrisiteit, koperdiefstal,
die minimum loon en finansiering ook aandag geniet.
Na afloop van die vergadering het die werkgroeplede die fasiliteite
besoek. Gevorderde tegnologie soos dubbel haploïede, fotometrie
en die gepatenteerde Pioneer Versnelde Gewastegnologiestelsel
(Pioneer Accelerated Yield Technology [AYT] System) word in
hierdie sentrum gebruik.
Hierdie tegnologie bied ondersteuning om teelsiklusse te verkort
en verbeter die akkuraatheid ten opsigte van telingsdoelwitte
(onder andere verbeterde droogteverdraagsaamheid, plae en siek-
teverdraagsaamheid, asook verbeterde opbrengs met beperkende
insette). Buiten ‘n tegnologiesentrum op die perseel, is daar ook ‘n
insektaria – die grootste privaat insektaria in Afrika – waar eienskappe
ontwikkel word om plaaslike vernietigende plae te bestuur.
“Dit wat ons hier gesien het, behoort plaaslike graan- en olie-
sadeprodusente gemoedsrus te gee en opgewonde te maak
dat daar in hierdie tipe fasiliteite geïnvesteer word en dat ge-
lokaliseerde navorsing hier op eie bodem gedoen word. Hierdie tipe
fasiliteite word gewoonlik net in lande soos Amerika gesien,” aldus
mnr André Kirsten (voorsitter van die Produksie/Insetwerkgroep).
Vir enige vrae oor die bedrywighede van dié Werkgroep kan
Corné Louw by of André Kirsten by andre@
gekontak word.
GRAAN SA
CORNÉ LOUW, senior ekonoom, Graan SA
Tydens die Produksie/Insetwerkgroep se besoek aan Dupont verlede jaar was die volgende persone teenwoordig: Israel Motlhabane,
Michel Gildenhuys, Martina Benade (Agri SA), Michelle Mokone, dr Dirk Strydom, Requier Wait (Agri SA), Luzelle Botha, André Kirsten,
Petru Fourie, Ryk Pretorius, Jan-George Pretorius, Willem Groothof, Jaco Breytenbach (visevoorsitter), Sarel Haasbroek, Corné Louw en
Du Preez Kritzinger (Pioneer).