< 6
www.nampo.co.zaSPECIAL EDITION
AKTUEEL
NAMPO 2018
NAMPO Oesdag
beklemtoon nuwe tegnologie
Graan SA/Grain SA
Eerder beter as groter
Graan SA se NAMPO Oesdag is dinamies en elke jaar streef
die organiseerders daarna om tred te hou met die verande-
rende behoeftes, vereistes en verwagtinge van produsente en
rolspelers in die landbousektor. Die organiseerders het egter
vir die onmiddellike toekoms, na die vergroting van die terrein
die afgelope twee jaar, die besluit geneem dat daar eerder na
“beter” as “groter” gestreef gaan word.
Van die aksies wat in dié verband plaasgevind het, is die beskik-
baarstelling van ‘n internasionale tent uitsluitlik vir oorsese be-
soekers en uitstallers. Hierdie gebaar van gasvryheid, wat ook
in Argentinië en die VSA toegepas word, sal aan internasio-
nale afgevaardigdes en uitstallers ‘n heenkome bied gedurende
skou-ure waar hulle asem kan skep of onderling kan vergader.
Die ontvangslokaal vir belangrike gaste is ook vergroot omrede
daar ‘n toenemende behoefte is vir spasie met die oog op
amptelike ontmoetings en gesprekvoering. Die bestaande
raadsaal is omskep in twee areas sodat kleiner groepe daarin
kan vergader en ruimte is geskep vir ‘n groter raadsaal.
Plaaslike Oesdaggangers drink egter nie aan die agterspeen
nie. Vanjaar sal kommersiële landbouers nie minder nie as 700
plaaslike en 14 internasionale uitstallers se produkte en ken-
nis tot hul beskikking hê. Die organiseerders het ook daarop
ag geslaan dat produsente hand-aan-hand met graanboerdery
hulle voorliefde vir wild uitleef. Hiérdie produsente kan gevolg-
lik voortaan uitsien na ‘n wildsaal.
Die vergrote skouterrein het ook daartoe gelei dat daar aan-
sienlik meer sitplekke aangebring is, waar moeë bene kan rus.
Nie-winsgewende organisasies in die gemeenskap sal ook weer
eens die kosstalletjies hanteer. Sodoende word noodsaaklike
befondsing in die gemeenskap teruggeploeg.
Die fokus op ‘n beter, eerder as ‘n groter NAMPO Oesdag, sal
ook deurgaans aangewend word om die gevoel van ‘n land-
boufamilie – soos omskryf deur ‘n Italiaanse afvaardiging – te
behou en uit te brei.
SUID-AFRIKAANSE KOMMERSIËLE PRODUSENTE
is in-
ternasionaal bekend vir hul ontvanklikheid vir nuwe tegnologie in die
landboubedryf. Die aanwending van sodanige tegnologie word as een
van die hoofredes beskou waarom Suid-Afrika kan roem op volhoubare
voedselproduksie binne ‘n dikwels onvriendelike landbou-omgewing met
klein winsmarges. Die tema “Effektiwiteit met tegnologie” is derhalwe
gepas vir NAMPO Oesdag 2018 en vind groot byval by produsente.
“Hiérdie jaarlikse hoogtepunt op die landboukalender bied ‘n gediver-
sifiseerde handelstentoonstelling met ‘n wye verskeidenheid van nuwe
tegnologie, produkte en dienste op een terrein. Produsente kan sodoen-
de vergelykings tref en ingeligte besluite neem met die oog op vol-
houbare produktiwiteit en winsgewendheid,” sê mnr Jannie de Villiers,
uitvoerende hoofbestuurder van Graan SA. “Graan SA streef dus daar-
na om die NAMPO Oesdag handel-georiënteerd te hou, met spesifieke
fokus op landbou.
SA Graan/Grain
redaksiespan
“Die NAMPO Oesdag is ook die één geleentheid waar rolspelers
soos kommersiële en opkomende boere, produk- en diensverskaffers,
politici en ander beleidvormers, staatsamptenare, buitelanders, media
en die algemene publiek skouer kan skuur binne ‘n unieke atmosfeer
van welwillendheid. Ons lede leer mekaar ook beter ken en waardevolle
produksiekennis word uitgeruil. Op ‘n informele en ontspanne wyse en
ver verwyder van amptelike raadsale, skep die Oesdag ‘n geleentheid
waar gedagtes, onder meer oor sensitiewe landboukwessies, deur
rolspelers aan beide kante van die spektrum, uitgeruil kan word. We-
dersydse begrip word hierdeur bewerkstellig.
“Hierdie landboutentoonstelling dien ook as ‘n opvoedingsmeganisme
vir kommersiële landbou. Dit is nie ongehoord dat diegene wat verant-
woordelik is vir die bepaling en uitvoering van landboubeleid, asook
landboudrukgroepe, daarop wys dat hulle kennis en insig verbreed het
na ‘n besoek aan die NAMPO Oesdag nie. ‘n Aspek wat veral onder
hulle aandag kom, is die hoë kostes van kommersiële landbou en die
uitdagings vir opkomende boere.
“Suid-Afrika is ook die enigste land in Afrika wat kan roem op voed-
selsekerheid – en gevolglik word daar jaarliks ‘n groot aantal Afrika-
besoekers en -afvaardigings by die Oesdag ontvang. Jongmense wat
aspireer om produsente te word, asook die algemene publiek, kom ook
diep onder die indruk van die uitdagings van kommersiële landbou.
“As ‘n beeldbou-aksie vir kommersiële landbou is die NAMPO Oesdag
ook van onskatbare waarde. Dit skep onder meer ‘n geleentheid om
al die aangeleenthede rakende kommersiële landbou onder die
besoekende media se aandag te bring. Nie alleen bevorder dit media-
verhoudinge nie, maar ook ingeligte mediaverslaggewing. Die ingerigte
mediasentrum kom daarom handig te pas.
“Die aanbieding van dié landbouskou is egter nie sonder probleme nie.
Ondanks voortdurende gesprekvoering met provinsiale gesagsbekleërs
en die finansiële voordele wat die Oesdag vir die Vrystaat inhou, bly die
grootste kopseer die toegangspaaie na NAMPO. Dit het daartoe gelei
dat heelwat meer besoekers na NAMPO toe vlieg en hoë eise word aan
die grond-aanloopbaan gestel. ‘n Ondersoek na die teer daarvan het
egter getoon dat dit onekonomies sal wees.
“‘n Belangrike voordeel van die Oesdag is dat dit as langtermynbeleg-
ging vir Suid-Afrikaanse kommersiële landbou dien. Die Oesdag word
winsgewend bedryf en die inkomste word gebruik tot voordeel van
Graan SA se lede, winsgewende kommersiële landbou en volhoubare
voedselsekerheid,” het hy gesê.
“Graan SA beskou die NAMPO Oesdag as een van die beste bydraers
om hierdie doelwitte bereikbaar en volhoubaar te maak.”
Volgens Jannie de Villiers is die netwerk geleenthede wat die
NAMPO Oesdag lewer ‘n belangrike, bydraende faktor tot
winsgewende en volhoubare landbouproduksie.