EIENAAR/UITGEWER
GRAAN SA
POSBUS 74087, LYNNWOOD RIDGE, 0040
Tel: 086 004 7246
www.grainsa.co.zaREDAKSIE
Dr Dirk Strydom
BESTUURDER: GRAANEKONOMIE EN BEMARKING
Tel: 086 004 7246 • Sel: 082 852 4810
E-pos:
dirks@grainsa.co.zaREDAKTEUR
: Estie de Villiers
Tel: 081 236 0534
Sel: 083 490 9449
Faks: 086 275 4157
E-pos:
estie@infoworks.bizBESTURENDE REDAKTEUR:
Johan Smit
Tel: 018 468 2716 • Sel: 082 553 7806
E-pos:
johan@infoworks.bizADVERTENSIEVERKOPE
KOLBE MEDIA
– Kaapstad
Jurgen van Onselen – Advertensiekoördineerder
Tel/faks: 021 976 4482 • Sel: 082 417 3874
E-pos:
jurgen@kolbemedia.co.zaSCHMILTZ MARKETING
– Johannesburg
Ruth Schultz – Advertensiekonsultant
Tel: 081 480 6413 • Sel: 083 583 5243
E-pos:
ruth@schmiltz.co.zaISSN 1814-1676
Estie de Villiers
Redakteur,
SA Graan/Grain
Wat is jou
gunstelingtjoppie?
I
emand vertel nou die dag van sy Nederlandse skoonouers wat nog
nooit skaapvleis geëet het nie. Hy het toe hulle in Suid-Afrika kom
kuier vir hulle skaap gebraai, maar die vleis in die kombuis van die
bene afgesny sodat hulle nie moet gril vir die bene nie...A nee a, dit is
dan juis die lekker: Om daardie laaste vleisies sommer so met die hand
skoon van die been af te eet!
As ek ‘n skaaptjoppie op die vuur ruik, laat dit my altyd terug verlang
plaas toe. Daar het ons amper elke Saterdagaand skaap gebraai. (Kan
seker ook nie anders as ‘n mens met skape boer nie?)
Elkeen van ons het mos maar ‘n gunstelingtjoppie: ‘n Rug-, boud- of ‘n
bladtjop. Vir my bly ‘n lekker gebraaide skaapribbetjie een van die lek-
kerste lekkers. (Ja ek weet, dit is glad nie aan te bevele vir ‘n mens se
cholesterol nie. Maar lekker bly darem maar lekker!) As ons braai, verkies
ek enige tyd skaap bo steak, hoender, vis, vark of
gourmet
-sosaties – net
jammer dat dit so buitensporig duur vir ons stadsjapies is dat dit deesdae
‘n luukse is om skaap te braai!
Wat is jou gunsteling?
Ek reken die Oesdag is ook so: Bekend en geliefd en elkeen het sy gun-
steling “braaivleis” by die Oesdag: Of dit die vee-afdeling is, of om tussen
die nuwe masjinerie deur te loop, of om ‘n sosatie of pannekoek te kom
geniet of sommer net saam met ou vriende of landboukennisse te kuier.
Hierdie spesiale NAMPO-uitgawe van
SA Graan/Grain
bied ‘n goeie oor-
sig van wat jy vanjaar van die Oesdag kan verwag en wat die uitstallers
by hulle standplase en stalletjies aanbied. Die Oesdag bied ouderge-
woonte aan elke besoeker ‘n unieke platform om met die landboubedryf
se toprolspelers te netwerk, vriendskapsbande te versterk en om bo alles,
dit wat die unieke en steeds groeiende landboutentoonstelling bied, te
kom geniet.
As jy my vra om een aspek van die Oesdag uit te sonder, sal dit behoorlik
‘n moeilike versoek wees. Ek dink die meeste dames is in hul skik met
die vroueprogram wat weer sedert verlede jaar terug op die Oesdag-
program is. En dat daar ook meer uitstallers as in die verlede is wat op
die dames/die algemene publiek fokus asook ‘n padstal-saal met oulike
plaasprodukte. (Ek sien veral uit na die twee kosredakteurs van
Sarie
en
Landbouweekblad
wat mekaar die Woensdag die stryd in die kombuis
gaan aansê: Elkeen gaan ‘n houer met geheime bestanddele ontvang en
moet dan hul kookvernuf demonstreer.)
Effektiwiteit met tegnologie
NAMPO bly ook in pas met die nuutste tegnologie – die tema is juis
vanjaar “Effektiwiteit met tegnologie” – en die Oesdag spog boonop
met ‘n nuwe toep. Inligting soos die lys van uitstallers, kontaknommers
vir akkommodasie, die daaglikse program en ‘n terreinkaart is daarop
beskikbaar. Vars nuus word ook voortdurend op die toep gelaai.
Volgens Alzena Gomes (skakelbeampte van Graan SA) kan ‘n mens by-
voorbeeld na ‘n spesifieke produk op die toep soek, waarna jy dan in-
ligting sal kry oor watter uitstallers dit aanhou en hoe om daar uit te kom.
Die NAMPO Oesdag/NAMPO Harvest Day-toep is in die toepstoor (
App
Store
) beskikbaar en kan opgespoor word bloot deur “NAMPO” in te tik.
Verder verseker die elektroniese kaartjiestelsel – waar ‘n mens sommer
vooraf tuis jou kaartjie kan aankoop – moeitelose en doeltreffende toe-
gang tot die Oesdag. Opbetaalde Graan SA-lede sal hul gratis NAMPO-
kaartjies reeds in April elektronies ontvang, tesame met die eksklusiewe
ledeparkeringsvoordeel.
Voorsitter groet
Die Oesdag groet vanjaar vir Cobus van Coller. Hy was twaalf jaar lank
lid van die NAMPO Oesdagkomitee, waarvan vanjaar sy agtste NAMPO
as voorsitter van dié komitee sal wees voor hy die tuig neerlê. Ons gaan
beslis “die haastige produsent met die radio in die hand wat hier, daar
en oral is en altyd ‘n glimlag vir almal het” mis. Lees die onderhoud wat
met hom gevoer is op bladsy 4.
Ondersteun ons adverteerders
Baie dankie aan elkeen van ons adverteerders: Sonder julle sal dié
NAMPO-uitgawe nie moontlik gewees het nie. Gaan maak gerus ‘n
draai by hulle en kyk wat’s nuut op hulle standplase.
Lekker NAMPO!