7 / 120
< 5
www.nampo.co.zaAKTUEEL
NAMPO 2018
NAMPO se wêreldstandaard bevestig
“Die groot standplase het my veral op die Expo Agro skou in San
Nicolás, Argentinië, opgeval,” so sê mnr Toit Wessels, wat onlangs
dié skou op uitnodiging besoek het.
Wessels, Graan SA se assistentbestuurder: NAMPO en Bemarking,
het gaan ondersoek instel na wat daar vir ons te leer is. “Dat hul
groot standplase het, is gewis. 50 m x 50 m. Hulle sit maklik drie
stropers en vier planters op een standplaas neer.”
Hy sê NAMPO voldoen beslis aan internasionale standaarde en
doen ‘n groot klomp goed reg.
‘n Nuwe toevoeging waarna besoekers aan vanjaar se NAMPO kan
uitsien, is ‘n wildsaal met 14 wild- en wildverwante produkte. Vir
die lekkerbekkiges sal daar die NAMPO Padstal wees, waar alter-
natiewe landbouprodukte soos olywe, kaas en brood – om maar
enkeles te noem – te koop sal wees.
Oor die samestelling en keuse van uitstallers sê Wessels dieselfde
balans en fokus op landbou sal nog gehandhaaf word. Van die sowat
740 uitstallers sal 80% op landbou gerig wees, met die res vir die
vroue en ander lede van die publiek.
Elektroniese aankope, waar geskandeer pleks van ‘n kaart getrek
word, sal al vanjaar op party standplase beskikbaar wees, maar nie
by almal nie. Hierdie fasiliteit is nie verpligtend nie en net ‘n paar
uitstallers gaan daarin belê, sê hy.
“Dit het my laat verstaan hulle wil kom om in sulke swaar tye gehoor en
gesien te word. Om iemand raak te loop wat vir jou vra: ‘Ouboet, hoe
gaan dit met jou? Hoe gaan ons deur hierdie ding kom?’ Die Oesdag is
nog altyd ‘n absoluut sentrale punt vir bymekaarkoms.”
Nuwe platforms
Die groei in NAMPO Oesdag, in pas met al die veranderings in die land-
bou die afgelope paar jaar, was ‘n besondere hoogtepunt: Die platforms
wat geskep is om nuwe toerusting vir die produsent te kan demonstreer,
die daaglikse gespreksforums en die uitbreiding na die nuwe deel van
die terrein, waar daar onder meer op bewaringsboerderytoerusting ge-
fokus word.
Daar is ook kleiner goed, soos die afslaerskompetisie en jeugskou wat be-
trek is. Toyota/Veeplaas/Graan SA se internasionale kompetisie vir jong
afslaers is verlede jaar die eerste keer gehou en het groot aftrek gekry.
Saam met die uitbreidings en toevoegings het die voete nie agtergebly
nie. Die 50ste NAMPO Oesdag se besoekertal in 2016 was 75 116 – te
midde van die rekorddroogte – wat toe ‘n nuwe rekord was. Dit is in 2017
oortref, met 78 683 besoekers en oor die 700 uitstallers – ook die meeste
ooit. Vanjaar se NAMPO kan net dalk weer alle verwagtinge oortref
– veral omdat die tema effektiwiteit met tegnologie is.
Italiaanse pluimpie
Nog ‘n persoonlike hoogtepunt in sy Oesdag-termyn was ‘n besoek deur
‘n Italiaanse groep, wat hul hier in Suid-Afrika kom sien het omdat hulle
die NAMPO-handelsmerk wou koop. Dié groep, wat regoor die wêreld
heen skoue organiseer, het hulle laat besef dat NAMPO eintlik ‘n inter-
nasionaal-erkende handelsmerk is.
Wat NAMPO vir die Italianers laat uitstaan het, is die besondere fami-
lieverbintenisse op die skougronde. “Hoe gesinne saam daar loop en
families mekaar ontmoet. Kinders droom drome daar. Hulle loop en kyk
rond en sê: Eendag as ek groot is wil ek só ‘n trekker hê.”
Van Coller sonder ’n paar Graan SA-personeellede uit sonder wie NAMPO
nie sal wees wat hy vandag is nie en saam met wie hy ‘n aangename pad
gestap het: Rialeen Lombard, Marina Kleynhans, Annemarie de Beer, Bennie
Zaayman, Wim Venter en Johan Loxton (wat reeds afgetree het).
Bewaringsboerdery moet nou meer aandag kry
Wat die toekoms betref, sê Van Coller dat hy bevoorreg is om deel te
wees van die fokus in landbou wat wêreldwyd skuif na groter volhou-
baarheid. Hy beoefen al meer as tien jaar verminderde bewerking en
verbou deesdae ook al hoe meer dekgewasmengsels vir drukbeweiding.
“Daar gaan beslis nog beduidende veranderings kom soos beter me-
todes hoe om volhoubaar te begin boer. Ons moet sonder regeringsteun
internasionaal kan meeding. Dinge soos vee-integrasie in saaiboerdery
met ultrahoëdrukbeweiding en bewaringslandbou gaan al hoe promi-
nenter raak.
“Ek wil my aandag hierop toespits – veral met bewaringsboerdery. Dit
voel vir my ons raak agter. Ek is die geslag wat my grond moet begin
opbou, wat moet terugploeg. As ek dit nie regkry nie, gaan my seun nie
kan boer nie. Ons moet nou die hekke oopmaak. Daar is ‘n enorme
klomp tyd om in te haal.”
Boonop gaan dit met volgende jaar se NAMPO Oesdag vir hom lek-
ker wees om ‘n slag die een te wees wat agter in die bus sit en NAMPO
rustig as kliënt kan deurloop. “Ek sien NAMPO altyd net Saterdae as
mense opruim en ek by die uitgang staan. Dan sien ek eers wat was op
die terrein.”
“Om ‘n skou soos dié elke jaar suksesvol te help reël, is nou wel ‘n groot
uitdaging – beide in terme van tyd en organisasie, maar die blootstelling
wat dit my gebied het, kan nie in geldwaarde omgeskakel word nie,” sê
Van Coller. “Al die mense wat ek ontmoet het en die maatskappye met
wie ek saamgewerk het, het dit vir my die moeite werd gemaak. Dit was
‘n groot voorreg.”
En dan lag hy lekker oor dié motor vanaf Johannesburg wat een so ‘n
Saterdag daar by hom gestop het terwyl hy die uitgang beman. Die
bestuurder het gevra waar NAMPO se ingang is. Die ou was redelik bek-
af toe hy hom meedeel dat die skou ongelukkig verby was en dat hy by
die uitgang was.