8 / 124
< 6
NAMPO 2015
Oesdag/Harvest Day
www.nampo.co.zaHierdie wenresep
is op pad na ‘n halfeeuviering
Johan Loxton en Cobus van Coller tydens verlede jaar se Graan SA
NAMPO Oesdag.
Wanneer besoekers na afloop van die NAMPO Oesdag hul
herinneringe oor ‘n koppie koffie bespreek, spring die
Oesdagkomitee (wat uit 13 komiteelede bestaan) reeds
aan die werk met die volgende een se beplanning. Eer-
stens word alle administrasie van die pas afgelope Oes-
dag afgehandel. Daarna word probleemareas wat deur die
komitee, personeel van Graan SA, uitstallers en besoe-
kers aangemeld is, gefilter sodat noodsaaklike veranderings
en verbeterings eerste aangespreek kan word. Beplanning,
begroting, goedkeuring en implementering is volgens Loxton
die resep wat gevolg word.
Mnr Cobus van Coller, voorsitter van die Oesdag, voeg by dat
dié nabetragtingsvergadering wat na afloop van elke Oesdag
gehou word, help om positiewe en negatiewe punte uiteen
te sit. Sodoende word verseker dat die volgende Oesdag nog
beter sal wees. Hulle ontvang gedurende die Oesdag uit alle
oorde komplimente, versoeke en voorstelle.
“Baie van die mense wat voorheen betrokke was by Graan SA
en die NAMPO Oesdag gee waardevolle terugvoer wat nie
gering geskat kan word deur die komitee nie,” aldus Loxton.
Hy noem ook dat hulle twee keer per jaar met van die groter
uitstallers vergader en ook hulle insette in ag neem. Met teg-
nologie wat amper daagliks verbeter, kan hierdie landbou- en
handelstentoonstelling nie anders as om jaarliks te vernuwe
nie. Volgens Loxton en Van Coller is hulle nou in die tweede
fase van ‘n driejaarplan om uitbreidings en verbeterings aan
die Oesdagterrein aan te bring sodat nuwe en bestaande uit-
stallers geakkommodeer kan word.
Daar word gekyk na die vraag na uitstalruimte asook wat
tot hul beskikking is om infrastruktuur in plek te kry voordat
die plan uitgerol kan word. Die komitee is tevrede met die
vordering op die nuwe terrein. Loxton noem dat een van die
uitstallers wat verlede jaar na ‘n groter standplaas verskuif
het, reeds vanjaar ‘n gebou oprig. “Kleiner en tydelike struk-
ture is reeds opgerig en ander ontwikkelinge, soos die vestig-
ing van gras, vind ook plaas. Die saadproefpersele is een van
die grootste uitbreidings vir vanjaar,” voeg hy by.
Daar word in 2015 ook iets nuuts aangebied vir die skoner
geslag. Met die afstel van die damesprogram, kan aansienlik
meer uitstallers wat spesifiek op die behoeftes van dames
gerig is, geakkommodeer word in die saal waar die program
voorheen aangebied is. Hierdie besluit sal na afloop van die
2015 Oesdag weer geëvalueer word. Omdat Suid-Afrikaanse
produsente onder moeilike omstandighede boer, bly dit vir
Graan SA belangrik om jaarliks hierdie positiewe landbou-
geleentheid aan te bied. Die NAMPO Oesdag bly die plek waar
‘n produsent prakties kan sien wat in die mark is en wat die
nuutste landboutegnologie bied.
“Jy kan op een dag, onder ‘een dak’ met kundiges gesels en
dan ‘n ingeligte besluit neem nadat die inligting, pryse en
dienste vergelyk is,” is Van Coller se verduideliking van die
waarde wat die NAMPO Oesdag vir hom as produsent inhou.
Hy glo dat die uitbreiding van die wildskomponent beslis
belangstelling gaan lok. Nuwe wildsuitstallers, soos wildsge-
nootskappe, gaan waardevolle inligting met belangstellendes
kom deel. Hierdie komponent wat stelselmatig by die Oesdag
ingefaseer word, stel ‘n verdere vertakking van die boerdery-
bedryf ten toon.
Besoekersgetalle oor die afgelope drie jaar het bewys dat daar
‘n gemiddeld van meer as 70 000 besoekers oor die vier dae
deur NAMPO Park se hekke beweeg. Bywoning word nie te
erg beïnvloed deur landboutoestande soos die droogte van
hierdie seisoen nie. Aankope by uitstallers kan wel afneem,
maar dit bly ‘n positiewe geleentheid wat produsente nie wil
misloop nie. Die weer beïnvloed wel besoekersgetalle en omdat
die reënseisoen juis voorheen besoekergetalle laat afneem het,
is die besluit 13 jaar gelede geneem om die Oesdag twee weke
later te verskuif sodat Oesdagbesoekers die uitstalruimtes in
droë toestande kan besoek.
Loxton vertel dat hy steeds opgewonde raak oor elke NAMPO
Oesdag. “Die spangees en samewerking tussen die komitee,
bestuur en personeel gedurende die Oesdag laat my elke jaar
trots voel op dit wat op NAMPO Park plaasvind,” gesels hy.
Met die 50ste Oesdag wat volgende jaar aangebied word,
is ‘n subkomitee reeds geïdentifiseer om na dié hoogtepunt
op die NAMPO-kalender om te sien. Die komitee beplan ook
om diegene wat voorheen betrokke was by die Oesdag vir
insette te nader. “Hierdie is ‘n geleentheid om erkenning te
gee aan almal wat vroeër jare betrokke was by die Oesdag.
Dit gaan ‘n geleentheid wees vir die hele landboubedryf om
landbou te vier,” gesels die twee oor die viering van die 50ste
bestaansjaar. “Ons is werklik bevoorreg om hierdie platform,
die NAMPO Oesdag, te hê waar die beeld van landbou uit-
gebou kan word en waar netwerkgeleenthede geskep word,”
sluit Loxton af.
Vervolg van bladsy 5