< 5
www.nampo.co.zaNAMPO 2015
Oesdag/Harvest Day
buite die parkeerarea, aan die kara-
vaanpark se kant van NAMPO Park,
opslaan. Dit skep die geleentheid vir
besoekers om nader aan die terrein
oor te bly. Op hierdie manier poog
ons om ons geriewe te verbeter en
meer slaapplek te voorsien.
Nog ‘n nuutjie is die nuwe NAMPO
toep (
app
) wat ons vanjaar bekend-
stel. Dié toep maak dit vir besoekers
makliker om toegang tot inligting te
kry sonder om met handevol bros-
jures rond te loop. Nadat die toep
afgelaai is, kan die QR-kode van ʼn
deelnemende uitstaller geskandeer
word. Die uitstaller se inligting of
dié van sy produk sal dan elektro-
nies na jou toe gestuur word en die
uitstaller sal jou kontakbesonder-
hede ontvang. Dit is ‘n toegevoegde
waarde waardeur ons vir die uit-
stallers beter toegang tot die be-
soekers verleen en ook vir besoekers
ʼn beter diens lewer. Die beplanning
is om die toep verder te ontwikkel
vir meer gebruike en verdere waar-
detoevoeging.
Dit lyk asof al meer produsente hulle
in ‘n mate tot wild as opsie begin
wend. Meer uitstallers wat die be-
hoefte aan wildboerdery aanspreek,
word daarom betrek.
Die laaste toevoeging is nou wel nie
iets nuuts nie, maar met die om-
vang van beurtkrag wat ons die af-
gelope jaar ervaar, voorsien ons dat
daar baie meer navrae gaan wees
oor alternatiewe maniere om krag
op te wek – veral sonkrag – en
poog ons om ook in daardie behoef-
te te voldoen.
IS DAAR SPESIALE VOORDELE VIR
GRAAN SA-LEDE?
Graan SA se eerste prioriteit is in alle
opsigte sy lede. Daarom is daar altyd
‘n hele paar spesiale reëlings wat getref
word om hierdie geleentheid nommer
een op hul kalender te maak:
Alle lede kry gratis toegang tot
NAMPO. Hulle kan by die ledehek
inkom en kry gratis parkering naby
die ledelokaal asook vervoer met ‘n
gholfkarretjie tot by die ledelokaal
waar ons hulle ontvang en waar
hulle gesellig kan verkeer en ontspan.
Hulle kry die geleentheid om op
hoogte te kom en te bly met die
nuutste produkte en dienste.
Die wins wat uit die NAMPO Oesdag
gegenereer word, word aangewend
om beter dienste aan ons lede te
lewer hetsy dit markinligting, na-
vorsing, beeldbou of onderhandeling
met die regering oor temas soos
grondsake behels.
Dit is die direkte voordele vir lede. Die
organisasie behoort aan sy lede – die
lede is die aandeelhouers in Graan SA.
Dit moet vir Graan SA-lede aange-
naam wees om deel te wees van die
terrein, fasiliteite en so ‘n geleentheid.
WAT IS JOU VISIE VIR NAMPO?
Ons poog om al hoe meer rolspelers by
NAMPO te betrek. Daar is altyd nuwe
ontwikkelinge en veranderings in die
graanbedryf en ons sal graag op die voor-
punt daarvan wil bly om seker te maak
ons spreek die heel nuutste tendense
aan. Ons sal ook nog meer rolspelers wil
betrek om vir produsente te illustreer
watter ander waardetoevoegingsge-
leenthede daar is. Ons ken die bedryf
soos hy nou daar uitsien, maar sal graag
ons produsente op hoogte wil bring van
enige geleenthede op verbetering wat
daar mag bestaan.
NAMPO is die grootste landbou- en
handelstentoonstelling in die Suidelike
Halfrond, maar ons sal in die toekoms
al meer deelnemers uit Afrika hier wil
ontvang – nie net die afvaardigings wat
hiernatoe kom vir waarneming nie, maar
ook produsente van die Afrika-lande om
hulle hier van die nuwighede te kom
vergewis en van moontlike toekomstige
produkte en dienste kennis te neem. Dan
bly beeldbou en die belangrikheid van
die graansektor vir voedselsekerheid ʼn
prioriteit. Daarin dra Nasie in Gesprek
by tot die debat wat maak dat ons vol-
houbaarheid in plek kan hou.
Hierdie wenresep
is op pa na ‘n halfeeuviering
Louise Kunz,
SA Graan/Grain
medewerker
As
‘n mens in ag neem dat die NAMPO Oesdag in 2016 vir
die 50ste keer aangebied sal word, is die resep wat jaarliks
gevolg word ter voorbereiding van dié besondere geleentheid,
beslis een wat werk! Mnr Johan Loxton, bestuurder: Kom-
mersiële Dienste van Graan SA, is reeds 19 jaar betrokke
by die Oesdagreëlings. Hy vertel dat die oorspronklike doel
van hierdie landbou- en handelstentoonstelling was om pro-
dusente die geleentheid te gee om op een dag, op een plek,
‘n verskeidenheid produkte te kan sien en vergelyk en ook as
produsente met mekaar en insetverskaffers te kan verkeer.
Vervolg op bladsy 6
“Dit is die een faktor wat in die 49 jaar nog nie verander
het nie – die Oesdag het dus om die regte rede ontstaan,”
voeg hy by. In die era waarin ons leef, is vernuwing egter
aan die orde van die dag en daarom kyk die Oesdagkomitee
jaarliks na die aanbieding van die Oesdag om te verseker
dat dié landbouvertoonvenster aan die voorpunt bly, veral
wat tegnologie en produkte betref. “Vernuwing moet plaas-
vind, daarom moes die manier van aanbieding oor die jare
verander, maar die doel van die NAMPO Oesdag bly deur-
gaans dieselfde,” noem hy.
Die NAMPO Oesdag is ‘n geleentheid vir
beeldbou en die organisasie doen moeite
om die media uit te nooi en te ontvang.
Hierdie was een van die onderhoude wat
verlede jaar met Jannie de Villiers gevoer is.