EIENAAR/UITGEWER
GRAAN SA, POSBUS 88, BOTHAVILLE 9660
BESTURENDE REDAKTEUR:
Johan Loxton
Tel: 08600 47246
Faks: 086 509 7276
E-pos:
johan@grainsa.co.zaREDAKSIE
REDAKTEUR
: Estie de Villiers
Tel: 013 752 5731
Sel: 083 490 9449
Faks: 086 275 4157
E-pos:
estiedv@mweb.co.zaADVERTENSIEVERKOPE
KOLBE ADVERTISING
– Kaapstad
Jurgen van Onselen
Tel/Faks: 021 976 4482
Sel: 082 417 3874
E-pos:
jurgenvo@iburst.co.zaISSN 1814-1676
'n Groot probleem...
Ons
oudste dogtertjie lê nou een
aand met slapenstyd in haar bed en sê
ewe skielik uit die bloute, baie benoud:
“Mamma, ek het ‘n groot probleem.”
Effens verskrik en bekommerd (soos eni-
ge mamma seker) vra ek haar wat die
groot probleem is.
“Ek weet nie of ek eendag moet gaan
boer of wilde diere moet gaan mak
maak nie...”
Ek kon nie anders as om te glimlag vir
dié sewejarige se groot dilemma nie. Die
liefde vir die natuur en boerdery loop dik
in haar are. Gelukkig lê daar nog ‘n hele
klompie jare voor waartydens sy kan tob
oor die “groot probleem”.
As jy dalk ook ‘n “groot probleem” het
oor watter kultivar jy volgende sei-
soen moet plant; watter werktuig jy
moet aankoop; watter 4x4 die beste op
jou plaas gaan werk; of watter bees-
of skaapras jy moet oorweeg om in
jou boerdery in te bring; maak dan
beslis ‘n draai by vanjaar se Graan SA
NAMPO Oesdag – die vertoonvenster
van landbou.
By die NAMPO Oesdag kan jy die nuut-
ste werktuie, implemente en toerusting
en nog vele meer op een terrein; op een
dag (jy gaan sukkel, want NAMPO Park
is baie groot, maar dit is moontlik); met
mekaar vergelyk en produkkennis op-
doen om ‘n ingeligte besluit te neem oor
wat vir jou boerdery gaan werk. Hier
kan jy ook die nuutste landboutegno-
logie besigtig en al die vrae vra waaroor
jy wonder.
Hierdie spesiale Graan SA NAMPO Oes-
dag-uitgawe bied ‘n goeie oorsig van wat
jy by NAMPO kan verwag en wat die
uitstallers by hulle standplase en stal-
letjies aanbied.
Die uitstallers (wat bevestig het en kor-
rek was met die ter perse gaan van dié
tydskrif) is in afdelings in dié spesiale
NAMPO-fokusuitgawe ingedeel en al-
mal wat by die Oesdag uitstal plus hul
standplaas/stalletjie word op die eerste
bladsy van ‘n spesifieke afdeling gelys.
Ons adverteerders word ook spesiaal
op dié bladsye uitgelig. Doen asseblief
moeite en gaan maak ‘n draai by hulle
– sonder hulle sou hierdie fokusuitgawe
nie moontlik gewees het nie.
Waar jy wil wees
Die NAMPO Oesdag is natuurlik ook ‘n
ideale geleentheid om saam met vriende
en familie van regoor die land te kuier
– dit is niks vreemd om oud en jonk in
die skaduwee van ‘n boom te sien sit en
gesels en iets te ete geniet nie.
‘n Mens kan nie anders as om met ‘n
glimlag by die Oesdag rond te loop nie
– hier voel ‘n mens tuis – dit is jou
“dam se eende”. Dit is waar jy wil wees.
Sien jou by NAMPO!
Voorwoord
Estie de Villiers
redakteur
: SA Graan/Grain