SA Graan Maart NAMPO 2015

6 / 124

< 4
NAMPO 2015
Oesdag/Harvest Day
NAMPO Oesdag drabeeld van graanprodusente uit
Adri Theron , SA Graan/Grain
medewerker
Dit is net graanprodusente wat tus-
sen beurtkrag en “beurtkos” staan. As
ons nie graanprodusente het wat die
risiko’s aanvat wat die graanbedryf in-
hou nie, gaan ons dieselfde situasie met
kos as met elektrisiteit hê – te min kos
vir Suid-Afrika. Volgens mnr Jannie
de Villiers, uitvoerende hoofbestuurder
van Graan SA, is die uitdaging om die
gaping tussen beurtkrag en “beurtkos”
te vul daarin geleë dat mense ‘n een-
heidsgevoel het oor landbou. Die emosie
om die groep mense wat sorg dat daar
driemaal ‘n dag kos op jou tafel is, te
beskerm, moet ontstaan.
“Graan SA se NAMPO Oesdag is daarom
vir ons ʼn belangrike beeldbougeleent-
heid om daardie eenheid oor landbou
te kan skep. Dit moet so ver gaan dat
‘n onderwyseres byvoorbeeld vir haar
leerlinge vertel dat die broodjie wat
hulle vandag eet, die produk is van die
koring wat ‘n produsent geplant het,”
gesels De Villiers entoesiasties. Hierdie
tyd van die jaar is almal by Graan SA
druk besig met voorbereidings vir die
Oesdag. SA Graan/Grain was gelukkig
om hom so tussendeur 'n oomblik te
laat stilstaan om ‘n paar vrae oor die
komende Oesdag te beantwoord:
HOEKOM WORD DIE NAMPO OESDAG
AANGEBIED?
Daar is verskeie redes waarom NAMPO
gehou word, waarvan die belangrik-
ste oorkoepelende doel verseker is om
graanprodusente te ondersteun om
hulle produktiwiteit en winsgewendheid
te verhoog ten einde volhoubare voed-
selsekerheid vir ons land in die hand te
werk. Die ander belangrike redes is:
 Om graanprodusente die geleent-
heid te gee om te sien wat die
mark bied – wat is nuut op die
mark en hoe vergelyk die verskil-
lende produkte met mekaar as jy
hulle saam op een terrein sien. Hulle
kan ook die verskeidenheid evalueer
– van die grootste tot die kleinste
en die goedkoopste tot die duurste
en ook watter funksies die verskil-
lende produkte bied. Daar is iets
van alles sodat die produsent be-
hoorlike vergelykings kan tref.
 Die tweede doel behels netwerk-
geleenthede. Die hele waardeketting
se verteenwoordigers kom NAMPO
toe, want hulle kan met mekaar
kommunikeer en bande versterk.
Omdat daar nie geskeduleerde
programme is nie, is daar ruim
geleentheid om rond te beweeg en
met verskaffers te kommunikeer
oor produkte en dienste waarvan
hulle meer inligting benodig. Vir
alle produsente, maar veral ook vir
ons opkomende produsente, is dit
‘n goeie geleentheid om by mentors
of verskaffers aan te doen om te
leer hoe sekere produkte of diens-
te werk. Graan SA gebruik ook die
geleentheid om politici en beleid-
makers te nooi om landbou en sy
mense eerstehands te kom ervaar.
 Derdens is dit ‘n geleentheid vir
beeldbou. Ons doen moeite om die
media uit te nooi en te ontvang,
want mense wat NAMPO nie ken
nie, kry ‘n heel ander indruk van ons
as hulle eerstehands met die nuut-
ste tegnologie en produkte kennis
maak – veral satelliettegnologie en
presisieboerdery. Die beeld wat ons
wil uitdra, is dat boerdery ‘n weten-
skaplike besigheid is.
 Vir ons as organisasie is dit ook ‘n
geleentheid om ʼn inkomste te ge-
nereer. Ons moet dus verseker dat
dit ‘n winsgewende besigheid is,
waaruit ons weer vir produsente
dienste kan lewer.
HOEVEEL UITSTALLERS IS DAAR EN
NA WATTER NUWIGHEDE KAN BE-
SOEKERS UITSIEN?
Ons verwag hierdie jaar ongeveer 650
uitstallers, waarvan 60 internasionale
uitstallers gaan wees. Dit sluit lande
soos Italië, Frankryk, Argentinië, die
Verenigde State van Amerika (VSA)
en Israel in. Daar is ‘n hele aantal nu-
wighede waarna besoekers kan uitsien:
 ‘n Opwindende toevoeging is die
saadproefpersele. Agt saadmaat-
skappye het hierdie jaar saad-
proewe op die terrein aangeplant.
Die uitdagings is groot met die
droogte vroeër in die jaar en omdat
sekere gewasse al teen die Oesdag-
week ryp gaan wees, maar dit hou
die voordeel in dat elke saadmaat-
skappy sy eie produkte in werklike
omstandighede kan vertoon.
 Met die uitbreiding van die ter-
rein het ‘n besoek aan NAMPO ‘n
“ver stap”-geleentheid geword en
om dit aan te spreek, is ‘n interne
vervoerstelsel ingebring met ‘n paar
sleepwaens wat sekere roetes op die
terrein diens. Só kan besoekers op-
klim en na die ander kant van die
terrein of die uitgaande roete ry
– dit is vinniger en nie so vermoei-
end nie. Dit is ‘n nuwe diens aan
Oesdaggangers wat ons hoop suk-
sesvol sal wees.
 Die nuwe elektroniese kaartjiestelsel
maak dit vir besoekers moontlik
om hul kaartjies oor die internet
te koop. Hopelik gaan dit meewerk
dat mense uit die stad kaartjies
moeitevry in die hande kan kry en
dat dit die toegangsvloei sal ver-
hoog. Om besoekers aan te spoor
om hul kaartjies vooraf te koop,
gaan die elektroniese kaartjies R10
goedkoper wees as by die hekke.
 Graan SA gaan vanjaar ‘n tenthotel
beskikbaar maak – soos wat dit by
groot geleenthede soos die Argus
gedoen word. Die instansie wat dit
bedryf, gaan eenhonderd twee-
mantente en ablusiegeriewe oprig.
Besoekers kan vooraf bespreek by
en die
tarief sluit ontbyt in. Ons wil dit net