6 / 8
DIE
GRAAN- EN OLIESADEBEDRYF
VAN SUID-AFRIKA – ’N REIS DEUR TYD
VI
Outeur se
VERTREKPUNT EN AGTERGROND
Daar bestaan ’n onnoembare hoeveelheid navorsingswerke, artikels, skripsies,
menings, ondersoeke, studies en ander materiaal, om nie eers van oorlewering te
praat nie, wat op verskeie individuele aspekte van die verskillende faktore fokus en
wat lig daarop kan werp. Vir hierdie redes is die benadering in hierdie boek nie om
tegniese feite of die kronologiese verloop van gebeure vir akademiese doeleindes
weer te gee nie, maar eerder om die verhaal van graanproduksie in Suid-Afrika te
vertel, met spesifieke verwysing na die verhaal van Graan SA.
In die proses is sorg aan die dag gelê om feite en gebeure so korrek as moont-
lik weer te gee. Bronne wat daarvoor gebruik is, sluit in persoonlike onderhoude
met mense wat ten nouste by die verhaal betrokke was, geskiedkundige landbou-
publikasies, amptelike verslae, navorsingsresultate, webtuistes, tydskrifte, notules
en jaarverslae. ’n Bronnelys word aan die einde van die boek verstrek.
Die uitgangspunt was ook nie om al Graan SA se werksaamhede op te teken nie,
maar om die geskiedenis en agtergrond in ’n verhalende trant aan te bied en slegs
enkele hoogtepunte uit te lig wat hoofsaaklik strek tot met Desember 2015.
INLEIDING
Hoewel graanproduksie in Suid-Afrika reeds kort na die vestiging van Jan van
Riebeeck in die Kaap ontstaan het, word in hierdie publikasie feitlik uitsluitlik ver-
wys na die omstandighede en verwikkelings met betrekking tot graanproduksie
en -bemarking in Suid-Afrika sedert die beëindiging van die Tweede Boere-oorlog
in Mei 1902.
Graan SA se ontstaan in 1999 was nie ’n losstaande gebeurtenis wat in isolasie
beskou kan word nie. Dit is voorafgegaan deur byna ’n eeu se ontwikkeling van die
graanbedryf en georganiseerde landbou in Suid-Afrika en, ten einde die vestiging
van Graan SA en sy rol in die graanbedryf behoorlik te kan verstaan, bevat die
eerste vier hoofstukke van die boek inligting oor die omstandighede en gebeure
wat dit voorafgegaan het.
Die ontwikkelings het ook ’n invloed gehad op die ontwikkeling van die strukture
van georganiseerde landbou en die uiteindelike stigting/vestiging van Graan SA.
Oorkoepelend gesien kan die Suid-Afrikaanse landbou se geskiedenis in die
algemeen oor die afgelope eeu of wat in twee duidelik onderskeibare tydvakke
Die geskiedkundige ontwikkeling van landbou en spesifiek die
graanbedryf in Suid-Afrika is deur soveel faktore, gebeure,
omstandighede, invloede en mense beïnvloed dat dit ’n
totaal onbegonne taak sou wees om alles in een werk saam
te vat en die rol van elkeen van die faktore daarin te probeer
verduidelik. Met dit in gedagte is besluit om ’n beperking op
die omvang van die boek te plaas en net op sekere temas en
gebeure te fokus.
NOTAS