8 / 9
DIE
GRAAN- EN OLIESADEBEDRYF
VAN SUID-AFRIKA – ‘N REIS DEUR TYD
ႊ
UIT GESPREKKE MET
PRODUSENTE IS DIT WEER
EENS DUIDELIK DAT DIT NOU
MAAR EENMAAL ’N UNIEKE
GROEP MENSE IS WAT IN
’N KORT TYDJIE MOEILIKE
OMSTANDIGHEDE NA DIE
DROOGTE OORKOM HET EN
WEER IN DIE KOMENDE JAAR
RISIKO SAL AANGAAN OM
VOEDSELSEKERHEID IN DIE
LAND TE HELP SKEP.
EK HET ’N BEWONDERING
VIR DIÉ KARAKTEREIENSKAP
VAN GRAANPRODUSENTE
EN HUL POSITIEWE
EN VERSTOMMENDE
DEURSETTINGSVERMOË
OM VOORT TE GAAN
MET BOERDERY.
– Mnr Jannie de Villiers
Na afloop van NAMPO 2015
in ʼn persverklaring.
ondernemings besit die planttelersregte, tegnologie en fasiliteite wat vir saad-
produksie nodig is. Graan SA het hierdie realiteit met die Departement van Land-
bou bespreek in die lig van die risiko’s wat dit vir voedselsekerheid in die land
inhou. Voortspruitend daaruit het die Departement van Landbou in samewerking
met Graan SA ’n beleidsdokument, bekend as die Agricultural Policy Action Plan,
opgestel wat aanbevelings van Graan SA ingesluit het.
NAVORSING EN ONTWIKKELING
Graan SA is deurlopend met die regering in gesprek vir groter ondersteuning ten
opsigte van navorsing en ontwikkeling van nuwe tegnologie. Befondsing is een
van die grootste remskoene vir navorsing. Die graanbedryf is grootliks afhanklik
van befondsing deur die Mielietrust, die Sorghumtrust, die Wintergraantrust en
die OPOT, vir die befondsing van navorsingsprojekte. Graan SA is gevolglik aktief
betrokke by gesprekke met die regering om addisionele fondse vir landbounavor-
sing beskikbaar te stel ten einde die eise van die tyd te kan aanspreek.
’n Groot probleemmet navorsing ten opsigte van graan was dat produsente se behoef-
tes nie vinnig genoeg beslag in navorsingsaksies gekry het nie. Om dit aan te spreek,
het Graan SA ’n navorsingstrategie vir elke kommoditeit opgestel wat die behoeftes,
soos deur die werkgroepe geïdentifiseer, en die doelwitte aanspreek. Dit word dan na
navorsingsinstansies wat in staat is om die navorsing uit te voer, verwys.
Die Landbounavorsingsraad (LNR), wat vir landbounavorsing in Suid-Afrika verant-
woordelik is, beskik nie in alle gevalle oor die kapasiteit om al die navorsingsbehoeftes
te kan bevredig nie. Graan SA het daarby betrokke geraak deur samewerkingsooreen-
komste tussen die LNR en universiteite te fasiliteer ten einde die totale beskikbare
navorsingskapasiteit te koördineer en meer effektief aan te wend.
ONTWIKKELENDE LANDBOUPROGRAM
Die Ontwikkelende Landbouprogram, wat in Hoofstuk 8 behandel word, het, onder
andere, ook ten doel om ’n bydrae tot voedselsekerheid te maak deur die ontwik-
keling van nuwe graanprodusente. Graan SA besef hoe belangrik dit is om goeie
verhoudings met die regering en veral die Departement van Landbou te handhaaf
en hulle ingelig te hou van die aksies waarmee die organisasie besig is in belang
van landbou in Suid-Afrika. Gevolglik word op gereelde basis met die Minister van
Landbou en sy departement geskakel en word hulle blootgestel aan programme
van Graan SA in ’n poging om beter begrip en samewerking, in belang van voed-
selsekerheid, te vestig.
Mnr Jannie de Villiers
“
”