DIE
GRAAN- EN OLIESADEBEDRYF
VAN SUID-AFRIKA – ‘N REIS DEUR TYD
ႈ
INTERNASIONALE MARK-
TOEGANG EN UITVOERE
WAS GEDURENDE 2012
HOOG BOAAN GRAAN SA SE
AGENDA EN HIERDIE DRYF
HET UITEINDELIK VRUGTE
AFGEWERP. GEDURENDE DIE
2012-BEMARKINGSJAAR,
WAT VANAF 1 APRIL 2011
TOT 31 MEI 2012, GESTREK
HET, HET KOREA 45 234 TON
WITMIELIES EN 302 259 TON
GEELMIELIES VANAF SUID-
AFRIKA INGEVOER; TAIWAN
161 550 TON GEELMIELIES
EN MEXIKO 1 091 501 TON
WITMIELIES.
AS ’N BLYK VAN WAARDERING
AAN DIE LANDE WAT SUID-
AFRIKAANSE GRAAN
AANGEKOOP HET, HET
GRAAN SA TYDENS
KONGRES 2012 AAN DIE
AMBASSADEURS VAN
MEXIKO, DIE REPUBLIEK VAN
CHINA (TAIWAN) EN SUID-
KOREA (IN HUL AFWESIGHEID)
ELKEEN ’N TOEKENNING
OORHANDIG.
2011 het die destydse Voorsitter van Graan SA, mnr Neels Ferreira, saam met die
Minister van Landbou, me Tina Joemat-Pettersson, gesprekke met die Chinese
regering daaroor gevoer. Dit het uiteindelik vrugte afgewerp met die onderteke-
ning van ’n fitosanitêre protokol in Desember 2014 deur die Suid-Afrikaanse en
Chinese regerings vir die uitvoer van mielies na China, wat dit vir die plaaslike
bedryf moontlik maak om surplus mielies daarheen uit te voer.
Graan SA was ook betrokke by die vestiging van ’n protokolooreenkoms met
Venezuela, in oorleg met die betrokke staatsdepartemente.
Die hoë kwaliteit van Suid-Afrikaanse graan speel ’n belangrike rol in die sukses
wat met die ontwikkeling van buitelandse markte behaal word. Deel van Graan SA
se strategie oor uitvoere is juis om die kwaliteitsnorme van Suid-Afrikaanse graan
te beklemtoon en seker te maak dat goeie kwaliteit produkte ten alle tye uitgevoer
word, ten einde die vestiging van langtermynverhoudings te ondersteun.
Graan SA is ten nouste betrokke wanneer enige aanpassing in graderingsregula-
sies of aspekte rakende voedselveiligheid met die oog op uitvoere ter sprake kom.
In hierdie verband word goeie samewerking van die Departement van Landbou
verkry, wat Graan SA in staat stel om ook op hierdie terrein na die belange van
produsente om te sien.
Ten einde die uitvoermarkte vir mielies verder te ontgin, word moontlikhede vir
waardetoevoeging tot mielies in samewerking met die Departement van Handel
en Nywerheid ondersoek. Dit blyk dat daar inderdaad ’n uitvoermark vir produkte
soos mielieblom bestaan. Daar het byvoorbeeld aan die lig gekom dat Suid-Korea
Suid-Afrikaanse mielies aankoop wat hulle dan in mielieblom verwerk en aan
Maleisië verkoop. Die bedoeling is om die waardetoevoeging plaaslik te doen en
dan die verwerkte produk uit te voer.
Graan SA vervul in hierdie proses slegs ’n fasiliteringsrol en meen dat die produ-
sente en uitvoerders self die inisiatief moet neem om die geleenthede te benut
en tot praktiese uitvoering moet bring. Nuwe konsepte word na die mieliespesia-
liswerkgroep verwys wat dit dan verder voer.
Graan SA ondersoek ook moontlike markte vir ander graansoorte, want hoewel
hulle nie sulke groot volumes soos mielies oplewer nie, word daar ook van tyd tot
tyd oorskotte geproduseer waarvoor ander markte gevind moet word. Hoewel die
hoeveelheid koring wat in Suid-Afrika geproduseer word, hoegenaamd nie in ’n
land soos China se behoeftes kan voorsien nie, bied die goeie kwaliteit daarvan
die geleentheid om nismarkte te ontwikkel waar goeie premies verdien kan word.
Die fokus met Graan SA se uitvoerbeleid is tweeledig: Eerstens, om produksie
oor die lang termyn volhoubaar te kry en, tweedens, om buitelandse markte vir
Hector Valezzi (ambassadeur van Mexiko)
het sy toekenning van Neels Ferreira (voor-
malige Voorsitter van Graan SA), regs, in
ontvangs geneem.
Neels Ferreira het Michael (Pei-Yung) Hsu
(ambassadeur van die Republiek van China
[Taiwan]) vir die mielies wat die land in-
gevoer het, bedank.
Graan SA het ook die landboubesighede wat
die meeste graan uitgevoer het, vereer. An-
drew Martalas, Voorsitter van die South Af-
rican Cereals and Oilseeds Trade Association
(SACOTA), het die toekenning namens die
vereniging se bestuur en hul lede in ontvangs
geneem. Saam met hom was Neels Ferreira.