ႇ
HOOFSTUK 7
GRAAN SA,
AGRI SA, PROVINSIALE
UNIES EN ANDER
BEDRYFSORGANISASIES
KAN MET REG DIE
VOEDSELSEKERHEID WAT
ALLE SUID-AFRIKANERS
GENIET, AS EEN VAN
HUL GESAMENTLIKE
SUKSESSE TOE-EIEN. DIE
GOEDKOOPSTE, GEHALTE
VOEDSEL TER WÊRELD WAT
PLAASLIK GEPRODUSEER
WORD, WORD ALLEENLIK
BEWERKSTELLIG
DEUR SAMEWERKING
DEUR DIE TOTALE
VOEDSELWAARDEKETTING
EN KRY NOU EERS DIE BREË
ERKENNING VANWEË DIE
REALITEIT VAN DIE HUIDIGE
RAMPSITUASIE WAARIN
SUIDELIKE AFRIKA
HOM BEVIND.
–
Mnr Louw Steytler
Voorsittersboodskap,
Graan SA Jaarverslag 2015
Die langtermynbeplanning word op die strategiese uitvoerplan gebaseer en in
die proses word ’n onderskeid tussen sogenaamde protokolmarkte en permit-
markte gemaak.
Protokolmarkte verwys na lande waarmee formele ooreenkomste gesluit
en prosesse in plek geplaas is om te verseker dat bepaalde gesondheids- en
kwaliteitsvereistes nagekom word. Hierdie markte en ooreenkomste skep
langtermynverbintenisse en word op die hoogste politieke vlak goedgekeur. Die
protokolmarkte bied ’n groot voordeel in terme van sekerheid en vergemaklik
behoorlike langtermynbeplanning.
Permitmarkte verwys na markte waarmee ooreenkomste meer op ’n
ad hoc
-basis
gesluit word, soos wat geleenthede van seisoen tot seisoen mag ontstaan. Baie
van die uitvoere van landbouprodukte na Afrikalande geskied op grond van per-
mitooreenkomste, omdat daardie lande self ook graan produseer en hul vraag na
ingevoerde produkte gereeld beïnvloed word deur die grootte van hul eie oeste.
Studies en ontledings van langtermynscenario’s toon dat Afrikalande al hoe meer
besig is om selfonderhoudend te raak ten opsigte van graan. Namate dit toeneem,
sal invoere vanuit Suid-Afrika uit die aard van die saak afneem. Suid-Afrika sal dus
toenemend nuwe markte moet ontwikkel ten einde van surplusproduksie ontslae
te kan raak.
Gedurende die 2010/2011-finansiële jaar was Graan SA betrokke by die uitvoer van
mielies na Mexiko, Taiwan en Korea. Dieselfde markte is in die volgende jaar be-
dien en het in daardie jaar saam met Japan Suid-Afrika se grootste uitvoere op-
geneem. Graan SA se personeel spandeer baie tyd en aandag aan skakeling met
die buitelandse markte se verteenwoordigers en bring van tyd tot tyd besoeke aan
ambassades sowel as rolspelers in die lande waarheen uitgevoer word.
Asië en die Midde-Ooste bied goeie geleenthede vir die ontwikkeling van uit-
voermarkte op ’n langtermynbasis – met ander woorde protokolmarkte. Ge-
durende Desember 2014 het Graan SA ’n besoek aan die Midde-Ooste gebring
en gesprekke met die oog op bemarking van Suid-Afrikaanse graan in Iran en
Saoedi-Arabië gevoer.
Die geweldige vraag van die Chinese markte maak dit ’n gesogte teikenmark
wêreldwyd en Graan SA het belangrike insette gelewer in onderhandelings met die
Chinese regering om landbouprodukte daarheen te kan uitvoer. Reeds gedurende
Grafiek 1: Suid-Afrika se totale mielie-uitvoere gedurende 2013/2014.
Japan
Zimbabwe
Namibië
Mexiko
Taiwan
Botswana
Suid-Korea
Mosambiek
Swaziland
Lesotho
Nigerië
Madagaskar
Angola
Kameroen
Noord-Korea
Mnr Louw Steytler
“
”