'N REIS DEUR TYD

4 / 9

DIE GRAAN- EN OLIESADEBEDRYF VAN SUID-AFRIKA – ‘N REIS DEUR TYD ႆ
word aan die feit dat die VSA, wat 50% van die wêreld se mielies produseer, 25%
van sy oes na die vervaardiging van etanol gekanaliseer het. ’n Tekort aan basiese
voedselsoorte in Mexiko is ook direk aan hul investering in biobrandstof toegeskryf.
In die beleidsdokument vir biobrandstof in Suid-Afrika, word voorsien dat mielies
eers vir die vervaardiging van etanol goedgekeur sal word wanneer meer sekerheid
verkry is oor die moontlikheid om mielies op onderbenutte grond te produseer en
ander vereistes nagekom is.
In 2016 het een van die ergste droogtes in meer as 100 jaar, indien nie die erg-
ste nie, Suid-Afrika getref. Die volledige gevolge en uitwerking daarvan op die
beskikbaarheid en koste van voedsel, werksekerheid, finansiële oorlewing van
boere, ensovoorts sal eers met verloop van tyd duidelik word. Wat ook al daardie
gevolge, dit het opnuut die kollig geplaas op die noodsaaklikheid daarvan om
seker te maak dat ’n goeie balans gehandhaaf moet word tussen grondhervor-
ming, transformasie en die realiteit dat ’n land soos Suid-Afrika, met sy beperkte
hulpbronne en wisselvallige reënval, baie nugter moet wees in sy beplanning
om seker te maak dat sy groeiende bevolking altyd van basiese stapelvoedsel
voorsien kan word.
Graan SA maak deur sy betrokkenheid en inisiatiewe wat hierbo genoem is, sowel
as ander waardevolle insette wat te veel is om hierin te bespreek, toenemend ’n
belangrike bydrae om die volhoubaarheid van landbouproduksie in Suid-Afrika te
bevorder. Meer besonderhede oor al die aksies en inisiatiewe word deurlopend in
verslae en artikels op die webblad gepubliseer.
BUITELANDSE MARKTE VIR GRAAN
Voor 1997 is die bemarking van graan in Suid-Afrika deur die Bemarkingsrade in
terme van die Bemarkingswet beheer. Uitvoer van graan was in daardie tyd hoof-
saaklik tot die SADC-lande en enkele ander beperk. Daar was nie enige doelgerigte
uitvoerplan vir Suid-Afrikaanse graan nie en uitvoere het hoofsaaklik op ’n ad hoc-
basis plaasgevind.
Graan SA het besluit om die leemte aan te spreek en het doelgerig begin met die
ontwikkeling van ’n strategiese uitvoerplan vir plaaslik-geproduseerde grane. Dit
sluit aan by Graan SA se benadering dat produksie uitgebrei moet word, eerder
as om die aanbod te beperk. Die identifisering van potensiële buitelandse markte
en ontwikkeling van volhoubare uitvoermarkte vir graan het inderdaad een van
Graan SA se kernfokusareas geword.
Die droogte wat gedurende 2015/2016 in die
somersaaigebiede voorgekom het, was nie
die enigste dreigende slaggat wat druk ge-
plaas het op Suid-Afrika se voedselsekerheid
nie. Hernude uitsprake deur die regering oor
drastiese grondhervorming; die impak van
beurtkrag én groeiende mynbouaktiwiteite
op bewerkbare landbougrond, was kort op
die hakke daarvan.
Klankgreep: ’n Globale voedselkrisis in
2007/2008 het die aandag op voedselsekerheid
begin vestig – mnr Jannie de Villiers.