ႉ
HOOFSTUK 6
Graan- en oliesadebedryf word een
Eenwording in die graan- en oliesadebedryf het bykans twee dekades later in 1999
gevolg ná die deregulering van landboubemarking in 1997. Spesialiteitsorganisasies
wat produsente uit die mielie-, wintergraan-, sorghum- asook olie- en proteïensade-
bedrywe verteenwoordig het, het gesamentlik die grootste landbouprodusente-
organisasie in die land gestig. Die Oesdag was weer eens deel van die bates wat
NAMPO na die nuutgestigte spesialiteitsorganisasie gebring het.
Die aanvanklike benaming – die Graanprodusente-organisasie (GPO) – het op
8 Maart 2000 plek gemaak vir ’n splinternuwe korporatiewe identiteit, toe die
“Graan SA” eenparig deur die jaarkongres goedgekeur is.
Met ’n trotse geskiedenis wat oor vyf dekades strek, is die Oesdag vandag ’n kom-
binasie van die nuutste landboutegnologie, produkverskeidenheid, innovasie,
gesprekvoering, ’n mekka van netwerkgeleenthede en landbou-gasvryheid, wat sy
reputasie gestand doen as suidelike Afrika se vertoonvenster van landbou.
Graan SA het tydens ’n spesiale geleentheid tydens NAMPO 2016 erkenning gegee
aan uitstallers, vrywilligers, landbouleierskap en personeel se bydrae tot die Oes-
dag sedert 1967. Spesiale erkenning is verleen aan sewe van die 1967-Oesdag se
agt uitstallers wat vandag nog uitstal asook aan sestien uitstallers wat onafgebroke
sedert 1974 op die huidige terrein uitstal.
DEUR PRODUSENTE VIR PRODUSENTE
Sedert sy ontstaan word die Oesdag besit en aangebied deur vrywillige graan-
produsente-organisasies: Eers SAMPI, later – ná eenwording in die mieliebedryf
in 1980 – deur NAMPO; en sedert die konsolidasie van graanorganisasies in 1999
deur Graan SA.
Die wenresep van ’n doeltreffende komiteestelsel, ondersteuning van vrywilligers
uit die gemeenskappe in die graanproduksiegebiede én toegewyde personeel, het
daartoe bygedra dat die Oesdag vandag wyd erken word as die grootste landbou-
uitstalling in privaat besit ter wêreld.
Dieselfde determinasie van mielieprodusente wat tot die stigting van SAMPI
gelei het, het in die organisasie van die Oesdag weerklank gevind, met ’n beginsel
van “deur boere vir boere” wat spoedig posgevat het. As jong organisasie kon
SAMPI nie juis voltydse personeel bekostig nie en lede moes self moue oprol om
die werk gedoen te kry. Jaarliks het meer as 200 vrywilligers bestaande uit lede
van Graan SA en sy voorgangers en hul gesinne asook mense uit die gemeen-
skap wat die saak van die Oesdag ondersteun, ingespring om verversings voor
te berei en te bedien.
Spesiale erkenning is verleen aan ses van die 1967-Oesdag se agt uitstallers wat vandag
nog uitstal, asook aan 17 uitstallers wat onafgebroke sedert 1974 op die huidige ter-
rein uitstal. By die funksie was personeel van New Holland SA, Argo, Barloworld Agri,
Kempston Agri (Claas), Eqstra (Deutz & Same), Shell, Syngenta, Rovic Leers, Pannar, Sen-
wes en Bessemer.
Video: ’n Gedenk-DVD-produksie om die 50ste
Oesdag in 2016 te herdenk, is in opdrag van
Graan SA vervaardig.
UITSTALLERS IN 2016
WAT SEDERT 1974 OP
NAMPO PARK UITSTAL
1. New Holland SA
2. Argo Industrial
3. John Deere
4. Northmec
5. Barloworld Agriculture
6. Kempston Agri (Claas)
7. Eqstra (Deutz & Same)
8. Shell
9. Syngenta
10. Andrag Agrico
11. Erdvark Implemente
12. Rovic Leers
13. Pannar
14. Senwes
15. Engen
16. Bessemer