19 / 27
ႃႋ
HOOFSTUK 6
• Graan SA se nuwe BBP-ontvangslokaal is in 2002 in gebruik geneem.
• Teen 2002 is bykans 80 ha ingespan vir die praktiese meganisasie-demonstrasies.
• ’n Ligte vliegtuig word sedert 2003 gebruik om die verkeer te monitor en ver-
keersverslae beskikbaar te stel.
• Die grootste getal werktuie en implemente in die geskiedenis van die Oesdag is
in 2004 gedemonstreer oor ’n wydte van nagenoeg 4 km.
• ’n Ledelokaal vir uitsluitlike gebruik van Graan SA se volopbetaalde lede, is in
2006 op die terrein ingerig. Die lokaal is in 2014 na die ou Klub 200-gebou ver-
skuif aangesien dit nader aan die lede-parkeerarea geleë is en beter fasiliteite
bied om gaste te ontvang.
• Hoewel die beheerde meganisasie-demonstrasies vir sowat 40 jaar ’n belang-
rike komponent van die Oesdag was, het die Oesdagkomitee, na goedkeuring
deur die Hoofbestuur van Graan SA, ingestem dat daar vanaf 2009 nie meer
praktiese demonstrasies aangebied word nie. Die besluit is geneem om uitstal-
lers van werktuie tegemoet te kom in hul poging om kostes – en meer spesifiek
die vervoer van die werktuie – te beperk en om hul voortgesette deelname aan
die Oesdag te verseker.
• Uitstallers wend sedertdien rekenaartegnologie, elektroniese tentoonstellings
en selfs gesimuleerde ervarings op hul standplase aan om hul statiese uit-
stallings te ondersteun.
Graan SA het tot sowat 2001 van vrywil-
lige kombuiswerkers gebruik gemaak.
Prof Jonathan Jansen, Rektor van die
Vrystaatse Universiteit, (middel) in die
BBP-ontvangslokaal tydens sy besoek
aan die Oesdag in 2012. Saam met hom is
mnre Jannie de Villiers en Anton Botha van
Graan SA.
Deel van die spesiale behandeling vir
Graan SA-lede is ’n ledeparkeerarea en
vervoer daarvandaan na die ledelokaal.
Graan SA-lede word in die ledelokaal getrakteer.
Die Oesdag se rol as gespreks- en dialoogplatform het sedert 2013 beslag gekry met die Nasie in Gesprek-forum waarvan daar tydens
die Oesdagweek TV-opnames gemaak en dan wyd gebeeldsend word. Dié toevoeging stimuleer diskoers wat gevoer word oor aktuele
landbousake asook makro-faktore wat die ekonomie en samelewing beïnvloed.