ႄႇ
HOOFSTUK 6
Die gemoedelike atmosfeer wat hier heers, is kenmerkend aan Graan SA se Oes-
dag en die samesyn is altyd bemoedigend. Dit is ook ’n belangrike netwerkgeleent-
heid vir produsente om met mekaar te kommunikeer en oplossings uit te ruil vir
volhoubare produksie op plaasvlak. Gesinne met stootwaentjies wat oor die mid-
daguur sommer onder ’n koelteboom op die gras uitspan is ook ’n bekende gesig.
PAD VORENTOE
Graan SA se NAMPO Oesdag ressorteer sedert April 2016 onder dr Dirk Strydom,
Bestuurder: Graanekonomie en Bemarking. Mnr Toit Wessels, voorheen verbonde
aan Graan SA as ledebemarker in die Wes-Kaap, is intussen bevorder tot Assistent-
bestuurder: NAMPO Oesdag en Bemarking en neem met ingang van 1 Oktober
2016 die oesdagleisels oor met Loxton wat hom as mentor ondersteun.
TEN SLOTTE
As terugblik oor die afgelope vyf dekades, beskryf Van Coller se kommentaar na
afloop van die 50ste Oesdag in 2016 die oesdagkarakter soos volg: “Dit het oor die
afgelope halfeeu ontwikkel tot ’n handelsmerk wat moderne landbou in Suid-Afrika
akkuraat uitbeeld. Dit spreek tot die algemene publiek as verbruikers van ons land-
bouprodukte; dit spreek tot alle produsente in ons land; dit spreek tot besluitne-
mers in regeringskringe en die bedryf; dit spreek selfs tot die internasionale arena
en die groeiende belangstelling uit die buiteland bevestig dit.”
Graan SA se NAMPO Oesdag het gewis ontwikkel tot ’n integrerende deel van
landbou in Suid-Afrika in geheel. Dit is ’n beproefde resep wat bestaan uit:
• Permanente fasiliteite en moderne infrastruktuur;
• rigtinggewende landbou-leierskap;
• die toewyding van SAMPI-, NAMPO- en Graan SA-hoofbestuurslede en -per-
soneel;
• volgehoue ondersteuning van plaaslike en internasionale insetverskaffers;
• dienswilligheid van vrywilligers oor baie jare heen;
• groeiende jaarlikse bywoning deur produsente en die algemene publiek; en
• bydraes tot gemeenskappe en die streeksekonomie.
In perspektief gesien het SAMPI se lede letterlik en figuurlik die Oesdag se hoeksteen
gelê en die fondasie gegooi. Die NAMPO-generasie het die gebou se struktuur voltooi
en die dak opgesit. Dit het die weg gebaan vir Graan SA as ’n verenigde graan- en olie-
sade-organisasie om die gebou se finale afronding te doen en die aansig en interieur
in te kleur om volhoubaar die pas aan te gee in die moderne era van landbou.
Gesinne wat onder die koeltebome uitspan is ’n bekende gesig by NAMPO.
DIE INFRASTRUKTUUR
OP NAMPO PARK IS
OOR JARE GESKEP EN
UITGEBREI OM ’N GROOT
GETAL BESOEKERS MET
GEMAK TE HANTEER EN
OM UITSTALGERIEWE VAN
’N HOË STANDAARD AAN
UITSTALLERS TE KAN BIED.
SELFS DIE AANLOOPBAAN
KON VANJAAR ’N TOTAAL
VAN 365 VLIEGTUIE EN
HELIKOPTERS OOR DIE VIER
DAE GEMAKLIK HANTEER.
GRAAN SA IS GERAT OM
AANSTAANDE JAAR DIE
50STE NAMPO OESDAG
MET TROTS AAN TE BIED.
– Mnr Cobus van Coller,
Oesdagvoorsitter; 2015.
“
”