DIE
GRAAN- EN OLIESADEBEDRYF
VAN SUID-AFRIKA – ‘N REIS DEUR TYD
ႃႆ
Klankgreep: Vertelling oor die oprigting van die
NAMPO-saal – mnr Giel van Zyl.
Globalisering het daartoe gelei dat internasionale deelname, naamlik afvaardigings
én individuele of georganiseerde uitstallers, reeds sedert die tagtigerjare ’n algemene
gesig by die Oesdag geword het. Die
Western Australian Regional Manufacturers
het
in Suid-Afrika se politieke sanksiejare besluit om hier te kom uitstal aangesien Wes-
Australië se landboutoestande met dele van Suid-Afrika ooreenstem. Die Australiese
paviljoen is uiteindelik in die vroeë 1990’s as die Oesdag se eerste internasionale
paviljoen gevestig.
Gemeenskappe
Die NAMPO Sekondêre Landbouskool en Hoërskool Bothaville se leerders het jaar-
liks tydens die Oesdag kom diens doen op die terrein, waarvoor die skole ’n bedrag
ontvang het en in ruil van die fasiliteite kon gebruik vir skoolfunksies. NAMPO
Sekondêr is vandag steeds betrokke by die Oesdag.
Nog ’n plaaslike gemeenskapsinisiatief wat ontstaan het, was die Mieliehoofstad
Toerismeforum se gastehuisprojek wat nie net gastehuise nie, maar ook privaat
wonings wat aan die sogenaamde mieliegradering voldoen, betrek om akkommo-
dasie tydens byvoorbeeld die Oesdag en Kongres te verskaf. Teen 1995, toe die
projek afgeskop het, was die bedbesetting op 80 gaste aangeteken. ’n Totaal van
200 gastehuise in die Bothaville-omgewing en buurdorpe het egter akkommodasie
aan ongeveer 5 400 besoekers verskaf gedurende NAMPO 2016.
Die Rotariërklub asook die Hervormde Kerk van Bothaville was die eerste gemeen-
skapsorganisasies wat wegneemetekiosks as fondswerwingsaksie bedryf het,
terwyl al die ander restaurante en kospunte onder beheer van die Oesdag was
Die NAMPO-saal wat in 1998 in aanbou was.
Die Muur van Herinnering is in 1998
opgerig.