6 / 116
4
e
k kom nou die dag op ‘n deel in die Bybel af waar die volk
Israel vir die Here sê: “Ons weet nie wat om te doen nie.”
My gedagtes het onwillekeurig na Suid-Afrika gegaan
oor al ons omstandighede. Ons is behoorlik omring deur
moeilike omstandighede: Ekonomies, polities, wat ver-
houdinge betref en selfs die natuur. Nou waarheen nou?
Dit is elke dag se vraag en bepeinsing. (Ek dink my bepeinsing sal ek
met ‘n lang “y” wil spel.)
Ons land is in verskeie krisisse en saamstaan is die enigste pad
vorentoe. Ek verstom my oor sommige instansies se leiers wat dan
nog skoor soek en fout vind met ander terwyl dit nie voor hulle eie
deure skoon is nie. Ek moes ook weer mooi in my eie hart kyk na
my besorgdheid oor ons land. Dit behoort tog nie aan my nie,
maar dan weer het ons ‘n roeping om hier te wees en die taak wat
ons opgelê is, uit te voer. Hoe gaan ons in sulke moeilike tye volhou-
baar kos kan produseer dat ons rustig kan woon en werk soos die
belofte strek?
Die droogte van 2015 en 2016 het die ver-
moë om baie fokus op die korttermyndinge
te plaas. Baie energie en hulpbronne word op
die oorlewing van die hier en die nou geplaas.
Alhoewel die huidige omstandighede oorkom
moet word, was daar ‘n paar ernstige stra-
tegiese tendense aan die einde van 2015 wat
langtermynaandag vereis: Die intensiteit van
die klimaatverandering en die toename van
meer gerugte van inmenging in die mark deur
die regering. Hierdie twee tendense sal ern-
stig onder die loep geneem word tydens die
Graan SA Kongres van 2016.
Daar is al hoe meer stemme wat aansluit by
die koor dat die land op pad is na ‘n algehele
ineenstorting. Is ons gewoon net op ‘n onom-
keerbare trajek of kan dinge nog verander? Uit
die aard van ons wese as graanprodusente
bly ons optimiste. Net toe almal teen Kersfees
dog die koeël is nou deur die kerk, plant die
produsente sowat 700 000 ha in tien dae se
tyd. Dit wil gedoen wees!
‘n Graan SA-opname op 15 Januarie van-
jaar het aangedui dat die mielie-aanplantings
sowat 1,3 miljoen hektaar gaan wees. Die
Oesskattingskomitee se syfer op 25 Januarie
(en na ‘n paar lekker buie reën) was 1,99 mil-
joen hektaar. Dit kan ook as 1,26 miljoen pitte per minuut uitgedruk
word. Hierdie is ‘n tipe voedselsekerheidskapasiteit wat nie te ver-
smaai is nie. Ons weet egter dat die mielies nog lank nie in die silo’s
is nie, maar ten minste is daar al ‘n kans dat ons iets gaan stroop.
Graan SA wil graag tydens die Kongres van 2016 die buitelyne van
die toekomspad van graanprodusente in die land probeer trek sodat
daar behoorlik beplan kan word vir wat nodig is om nie net te oorleef
nie, maar vorentoe te kan gaan.
Die mark was sedert 1997 wreed, dog regverdig, maar dit wat voor-
lê mag dalk selfs meer onvoorspelbaar wees. Ons het nog altyd die
produsent as die vertrekpunt van voedselproduksie gesien en dit
sal interessant wees om te sien waar die produsente geposisioneer
gaan wees in die bedeling wat nou gaan volg.
‘n Mens kry party dae die indruk dat ander partye meen hulle vorm
die middelpunt! Tyd gaan ons leer, maar die prys van foute kom baie
mense in ons land baie duur te staan.
Nou waarheen nou?
JANNIE DE VILLIERS,
uitvoerende hoofbestuurder/CEO
“
Ons het nog altyd die
produsent as die vertrekpunt
van voedselproduksie gesien
en dit sal interessant wees
om te sien waar die
produsente geposisioneer
gaan wees in die bedeling
wat nou gaan volg.
“
STANDPUNT
POINT OF VIEW
Graan SA
Maart 2016