3 / 44
1
January 2016
MEDEWERKERS
vir hierdie uitgawe
Pietman Botha, Piet Croucamp, Chris Dannhauser, Jannie de Villiers, Alzena Gomes, Tinashe Kapuya, Koos Kirsten, Hans Lombard, Corné Louw,
Pieter Rademeyer, Ruth Schultz, Wandile Sihlobo, Gerrie Smit, Hendrik Smith, Liana Stroebel, Wayne Truter en Gerrie Trytsman
o
upa Henry is dood sonder dat hy ooit die see gesien het
– wat nog te sê oorsese lande! Hy was gelukkig en tevrede
om net op die plaas te wees. My ma het na hulle troue die
eerste keer vir my pa die see gaan wys. Selfs hý was op sy
gelukkigste as hy net op die plaas kon wees. Pa het sommer
fisies siek geword as hy vir ‘n paar dae by iemand moes
gaan kuier of met vakansie was. En as jy van vlieg gepraat het, het hy jou
net ‘n skewe kyk gegee.
Ek was bevoorreg om Indië aan die begin van Desember te kon be-
soek. Die bandevervaardiger BKT het 120 joernaliste van oor die wêreld
genooi om hulle nuwe bandefabriek in Bhuj te besoek en ‘n kongres
in Moembaai by te woon. (Meer hieroor in die Februarie-uitgawe van
SA Graan/Grain
.)
Wat ‘n ervaring! Wat ‘n belewenis! Ek was al in Europa, maar Indië
was ‘n heel nuwe kulturele belewenis! Buiten dat die mense hulle eie
unieke, kleurvolle kleredrag het, is hulle kos ook baie anders as die
Westerse kos waaraan ons gewoond is. ‘n Mens kry kerriegroente vir
ontbyt, middag- en aandete en nou en dan ‘n stukkie hoender of vis by.
Dit is ongelooflik geurig en baie lekker, maar ‘n plaasdogter wat van
haar rooivleis hou, droom mos maar later van ‘n sappige steak en ‘n stuk
biltong met geelvet! Dit is ook nogal ‘n (skrikwekkende!) ervaring om in
Moembaai te ry. (Gelukkig hoef ek nie self te bestuur het nie – ek sou ‘n
senuweewrak wees!) Die Moembaaiers glo nie aan flikkerligte nie. Die
belangrikste “instrument” in die hele motor/bus/taxi/motorfiets is die
toeter. As jy by iemand verby gaan, druk jy die toeter. As iemand te naby
aan jou ry, druk jy die toeter. As jy wil draai, druk jy die toeter. En as jou
toeter nie werk nie, het jy ‘n probleem...
Moembaai het die ongelooflikste mooi geboue. Dit het, volgens ons
toergids, die tweede meeste Art Deco-geboue in die wêreld. Daar is
egter ook ‘n skerp kontras: Jy ry verby superrykes se miljoen dollar-
huise om net ‘n entjie verder aan verby gehuggies (amper soos
die plakkershuise in Suid-Afrika) te ry waar die mense ‘n winkel aan die
voor- of onderkant bedryf en agter (of bo-op) die winkel bly.
Vir my was een van die hoogtepunte van die toer die interaksie met die
joernaliste van ander lande. Ons het mekaar omtrent oor-en-weer
uitgevra oor ons lande van herkoms en spesifiek oor landbou in die
vreemde lande. Persepsies is weerlê en vriendskapsbande is gesmee.
My voorneme vir die nuwe jaar is om uit my gemaksone te beweeg en
meer oop te wees vir nuwe ervarings – soos met die reis na Indië.
Kyk uit vir
Graangids
Saam met die uitgawe van
SA Graan/Grain
word die
Graangids
, ‘n land-
bounaslaangids, versprei. Buiten kontakbesonderhede van insetver-
skaffers, word waardevolle inligting oor saad, geldsake en finansiële
dienste, bemesting, werktuie en toerusting asook geïntegreerde plaag-
beheer hierin gepubliseer. Dit is ‘n handige publikasie om sommer voor
in jou bakkie se paneelkissie of naby die foon te bêre.
Voorspoed vir 2016!
Groete!
ESTIE DE VILLIERS,
redakteur
VOORPUNT
Ontmoet ons
medewerkers...
p
iet Croucamp
is gebore in die
suidelike deel van Namibië,
Keetmanshoop, maar het soos
‘n rolbos landswyd grootge-
word en uiteindelik aan HTS Wind-
hoek matriek geskryf.
Sy aanvanklike studies was aan die
Universiteit van Stellenbosch, maar hy het sy Meestersgraad
aan die destydse RAU (nou Universiteit van Johannesburg)
voltooi en ‘n doktoraal aan die Universiteit van die Vrystaat
verwerf. “Ek het uiteindelik by die Universiteit van die
Noorde beland wat geboorte gegee het aan my akademiese
loopbaan. Na vele omswerwinge het ek by die Universiteit
van Johannesburg beland. Omdat my grootoupa se DNS (hy
was ‘n boer uit die suide van Namibië) steeds dikker in my are
vloei as water, het skaapboerdery nog altyd iewers in my wese
geskuil. Ek karring steeds daar, teen my beterwete, aan met
Dorperskaap.
Piet het twee kinders: Lazelle (17) en ‘n 13-jarige “rampokker”,
Schalk. In hierdie uitgawe behartig hy op
bladsy 26
ons
kwartaallikse politieke ontleding.
K
unsmispryse volg meestal internasionale
graanprystendense. Omdat daar groot interna-
sionale graanvoorrade is, is pryse relatief laag en
hou dit internasionale kunsmispryse onder druk.
Die produksiekapasiteit van kunsmis in die wêreld
is ook tans besig om vinniger toe te neem as wat
die vraag toeneem, wat groter kunsmisvoorrade
tot gevolg kan hê. Volgens
CORNÉ LOUW
(Graan SA) – op
bladsy 17
– kan al die bogenoem-
de faktore kunsmispryse onder druk hou.
D
ie jaarlikse Plaaspersoneel Ontwikkelingsdag
wat deur Overberg Agri gereël word, het in
September 2015 in die Wes-Kaap plaasgevind.
Verskeie gassprekers het waardevolle inligting
by hierdie sessies met 400 plaaswerkers gedeel.
Daar is onder andere oor beroepsgesondheid en
-veiligheid op die plaas gesels en die hantering
van persoonlike finansies.
LIANA STROEBEL
(Graan SA) het meer vertel van die verskeie
Graan SA-opleidingskursusse wat vir alle
plaaswerkers in die Wes-Kaap beskikbaar is.
Op
bladsy 27
gee sy terugvoer oor die dag.
P
laasveiligheid is jou eie verantwoordelikheid
en geen beskermingsmaatreëls is ‘n waarborg
dat jy nie ‘n slagoffer van ‘n ernstige geweldsmis-
daad sal word nie.
PIETMAN BOTHA
(
SA Graan/
Grain
medewerker) maan produsente om seker te
maak dat jy ‘n plan het van wat om te doen as daar
‘n insident op jou plaas sou wees. Beskermings-
maatreëls gaan jou nie vrywaar van ‘n insident
nie, maar gaan die booswigte vertraag en/of jou
waarsku om jouself voor te berei op dít wat kan
volg. Meer daaroor op
bladsy 32
.
A
sof in ‘n droom, het mnr Solomon Masango,
die 2015 Graan SA/ABSA/John Deere Financial
Nuwe Era Kommersiële Boer van die Jaar, in
ekstase toegekyk hoe sy splinternuwe John Deere
5403 MFWD-trekker, geborg deur John Deere Fi-
nancial in vennootskap met ABSA, in Oktober 2015
op sy plaas afgelewer word.
ALZENA GOMES
(Graan SA) was ook daar en vertel in
Lede-
landskap
op
bladsy 8
hiervan.