3 / 68
1
February 2016
MEDEWERKERS
vir hierdie uitgawe
Abrie Coetzee, Kobus Coetzee, Chris Dannhauser, Jannie de Villiers, David Evans, Bradley Flett, Alzena Gomes, Elmarie Helberg, Elbé Hugo, Willie Human,
Tinashe Kapuya, Koos Kirsten, Dirk Kotze, Corné Louw, Tjaart Myburgh, Joggie Otto, Laura Pendrali, Alana Pretorius, Louis Reynolds, Loureine Salomon,
Ruth Schultz, Wandile Sihlobo, Gerrie Smit, Hendrik Smith, Sonia Steenkamp, Liana Stroebel, Adri Theron, Wayne Truter, Gerrie Trytsman, Johnnie van den Berg,
Marlene van der Walt, Schalk van Wyk, Nico Vermaak en Johan Viljoen
i
s die gebruik van sakdoeke besig om uit te sterf? Ek praat nie
van die groot papiersneesdoekies wat sommige mans gebruik nie.
Ek praat van ‘n propperse groot lapsakdoek. Soos dié wat my pa
altyd gebruik het. Dié soort wat elke wasdag gewas en gestryk
moes word. In ons uitgebreide vriendekring is daar maar twee
mans wat altyd ‘n sakdoek by hulle het.
Jy sou my pa nooit sonder ‘n sakdoek kry nie. “‘n Mens weet mos nooit
wanneer jou neus kriewel, ‘n nies jou oorval, jou bles in die warm son
sweet of een van die kleinkinders met ‘n nerfaf knie by jou aankom nie
– heel handig om sommer die trane, ‘n loopneus en die bloed mee af
te vee,” het Pa hieroor geredeneer. My ouma het ook altyd ‘n fyn sak-
doekie byderhand gehad – in haar
brassière
se bandjie of trui se mou
gebêre. My twee meisiekinders noem dit “hoesdoekies”. Na hierdie sei-
soen kan ons die sakdoek egter herdoop na “huildoekie” toe.
Ek dink die afgelope seisoen moes produsente se sakdoeke meer as
een keer trane afvee...en nie net ‘n kleinkind s’n nie. Sommige weer-
kenners bespiegel dat dit die ergste droogte in meer as 90 jaar is. Ek
self moet sluk aan die knop in my keel as ek die foto’s op
sien van uitgeteerde diere wat met honger, leë oë na die kamera lê en
staar, van lande wat verlede seisoen groen in die mielies gestaan het
en wat vanjaar soos ‘n prentjie uit ‘n woestynlandskap lyk. En ek sit
in ‘n koel kantoor...in die stad. Ek het nie diere wat my honger aankyk
nie. Ek kan ‘n gieter vat en die kraan oopdraai as die plante in die tuin
verlep hang...ek is nie DAAR nie.
In sy rubriek
Graan SA Standpunt
vertel Jannie de Villiers (uitvoe-
rende hoofbestuurder: Graan SA) van die hartverskeurende reis wat
hy die begin van Januarie aangepak het om self te gaan kyk wat in die
droogtegeteisterde gebiede aangaan. “Hoe sou ek die Minister kon
adviseer as ek dit nie eerstehands gesien het en dít wat in die lande
aangaan self beleef het nie?”
Hy vertel van die wedervaringe op sy reis. En wonder hoe ‘n mens jou
emosies in woorde kan omsit sodat ander dit ten volle kan verstaan:
“Wie is ek om te probeer om produsente se emosies oor hul plase en
hul mense te omskryf en die diere wat nie verstaan waar die gras en
water is nie?”
Want wat sê ‘n mens vir iemand wat sien hoe alles waarvoor hy en sy
voorgeslagte so hard gewerk het, besig is om voor hom weg te droog?
Dood te brand? Dood te gaan? Ons in die dorpe en stede probeer om
te help – hoe klein ons bydrae ook al is. Al is dit net om ‘n 5 liter water
saam met jou kind skool toe te stuur sodat dit na die mense gestuur
kan word waar daar nie meer drinkwater is nie. Óf om ‘n donasie te maak
tot die Droogterampfonds. Óf om net op jou knieë te gaan...
In hierdie tyd hoor ‘n mens egter ook aangrypende stories van hoe
buurmanne mekaar help: Weiding beskikbaar stel, ‘n planter stuur as
daar ‘n paar druppels by jou geval het om gou te help klaar plant, vreem-
delinge wat voer skenk en van ver af laat aanry.
Want soos wat Jannie de Villiers sê: “Saam staan en saam oorleef – dit
is wat ons sal moet doen.”
Sterkte!
ESTIE DE VILLIERS,
redakteur
VOORPUNT
Ontmoet ons medewerkers...
t
ydens die November Redaksievergadering is die jaarlikse
afsluitingsfunksie gehou wat deur verskeie van die tydskrif
se gereelde medewerkers bygewoon is. Baie dankie aan
elkeen wat so getrou bydraes vir die tydskrif instuur. Lees
ook die artikel op
bladsy 13
.
T
he beginning of 2016 saw heightened concerns
about the erratic rainfall distribution, with all
previous maize projections being revised down-
wards to ‘severe’ and ‘disaster’ scenarios. Many
fear that Southern Africa may be on the
brink of the worst drought recorded in history,
surpassing the levels reached in 1992. Will South-
ern Africa cope with the current drought? Read
what
WANDILE SIHLOBO
(Grain SA) and
TINASHE KAPUYA
(Agbiz) write about it on
page 38
. It is important to note that the summer
crops are still in early growing stages, hence there
is no certainty about the final crop production
volumes. All these factors will affect the import
volumes and prices, but the emerging outcome
will be much clearer within the next two to three
months, once crop assessments have been
completed across the SADC region.
N
et omdat die feesseisoen verby is, beteken dit
nie ‘n mens moet nou ophou onthaal nie. Op
bladsy 61
verduidelik
ABRIE COETZEE
(onthaal-
en dekorspesialis) in sy rubriek
Kuier saam met
Abrie
hoe hy vir
high tea
dek. Van porseleinkop-
pies (erfstukke) tot teepotte, melkbekertjies en
suikerpotjies met gedraaide voetjies en rosies;
klein, goue koekvurkies en lepeltjies en ‘n klontjie
suiker wat met ‘n knyptangetjie geskep word tot
fyn servette en
petit-fours
, pienk malvakoek en
wasige sponskoeke – alles pragtig en heerlik vir
die perfekte
high tea
.
D
aar is al baie in die literatuur geskryf oor
die voor- en nadele van verskillende plant-
spasiërings by grondbone, maar dit laat die pro-
dusent met meer vrae as antwoorde. Op
bladsy 18
vertel
LOUREINE SALOMON
(LNR-
Instituut vir Graangewasse) waarom die korrekte
spasiëring van grondbone essensieel is. Volgens
haar is daar egter meer as net plantspasiëring wat
in ag geneem moet word wanneer grondbone
aangeplant word. Goeie beplanning strek van
voor planttyd tot midde-in oestyd.