12 / 112
TERUGBLIK
NAMPO 2017
Spesiale
Augustus 2017
10
Vir die skoner geslag was die nuwe vroueprogram weer ‘n hoogtepunt
op vanjaar se NAMPO kalender. Al die pad van Patensie af: Retha van
der Merwe (predikantsvrou) en haar dogter, Anmagreth (ontwerper
van die Boerenooi-klerereeks), was van die eerste dames wat die groot
wit tent kom besoek het.
Die Suid-Afrikaanse skeerkampioen, Guillaume Strydom van Frankfort,
was tydens die Oesdag in aksie. Met die elektriese skeerder kan hy tot
400 skape op ‘n dag skeer. Guillaume het reeds twee keer in die VSA
aan kompetisies deelgeneem.
Die Angus-beesras is reeds 100 jaar in die land en maak dit een van die
oudste rasse in Suid-Afrika. Tydens die beesparade is dié nasionale
senior kampioen ten toon gestel.
Volgens Isabel Barends, wat praktiese dekoridees tydens die vrouepro-
gram kom demonstreer het, is hierdie veeldoelige skroewedraaier, wat
Marianna du Plessis van Brits gewen het, die enigste een wat ‘n vrou
nodig het vir selfdoen-projekte. Marianna se skoonsuster van Delmas,
Marie Saayman, het die vroueprogram saam met haar bygewoon.
Shweni Mayenzeke is nie net die nasionale handskeerkampioen
nie, maar is ook in 2014 by die Golden Shears Skaapskeer- en Wol-
hanteringskampioenskappe in Ierland gekroon as die wêreldkampioen.
Hy het toe sewe skape in 17 minute en 21,2 sekondes geskeer.
Emke Kriel, René du Plessis en Darinda Byleveld met die boerbokke wat
hulle tydens die jeugskou, wat by die Oesdag gehou is, moes hanteer.
Fotobeeld van NAMPO 2017
I
n die uitgawe plaas ons ‘n paar laaste foto’s van die Graan SA NAMPO Oesdag 2017. Sien julle by
volgende jaar se Oesdag wat vir 15 tot 18 Mei beplan word.
Foto’s:
LOUISE KUNZ, CHRIS MILNE, ADRI THERON
en
JADINE VAN HEERDEN,
SA Graan/Grain
medewerkers