11 / 112
steeds gemengde gevoelens rakende die
akkuraatheid, maar in terme van tendense
begin die produsente meer vertroue kry in
die geloofwaardigheid van die oesskatting.
In 2016 het slegs 55%van die afgevaardigdes
gedink die oesskatting is geloofwaardig.
In 2017 het dit verbeter na 63%. 2015/2016
was ‘n baie moeilike jaar vir die skatting
van ‘n oes; tog het die oesskatting steeds
10% akkuraatheid behaal.
In terme van bemarking bly dit ‘n bekom-
mernis dat slegs 12% van die produsente
meer as 60% van hul oes voor-plant kon
verskans. Dit beteken dat slegs ‘n handjie
vol van die produsente wel die hoë pryse
kon benut.
Die grootste rede hiervoor is dat dit laat
gereën het en dat dit druk geplaas het
op moontlike produksierisiko’s. Gegewe
die droogte in die vorige seisoen en die fi-
nansiële posisie van produsente was die
produksierisiko natuurlik groter.
Produsente het ook aangedui (77%) dat
daar wel ‘n behoefte vir Safex-kursusse is.
Graan SA het reeds van die kursusse vir
sekere areas beplan. Die lesers is welkom
om navraag oor kursusmoontlikhede by
mnre Dirk Strydom of Luan van der Walt
te doen.
Om die finansiële druk te probeer verlig, is
dit belangrik om optimale opbrengste te
bereik deur gebruik te maak van onder
andere goeie praktyke en goeie saad-
tegnologie.
Graan SA het ‘n sterk fokus op bewa-
ringspraktyke en Kongres het aangedui
dat die praktyke wel aangewend word.
Die praktyke wat die meeste aangewend
word, is gewasrotasiestelsels en geen-
bewerkingspraktyke.
Dit was verblydend om te sien dat
82% van die produsente proewe op hul
plase doen. Produsente is ook uitgevra
hoe hul besluite neem rakende die tipe
kultivar wat hul beoog om te plant. 43%
van die produsente neem hul besluit
gebaseer op hul eie proewe, gevolg deur
studiegroepproewe.
Dit is weer eens by Kongres bevestig dat
geskikte markinligting en hoë gehalte
navorsing van uiterste belang is vir pro-
dusente wat winsgewend en volhoubaar
wil wees. Die afgelope droogte het natuur-
lik ook verskeie finansiële uitdagings vir
die produsente geskep. Dit was duidelik
sigbaar in die terugvoer by Kongres.
Grafiek 3: Totale mielie-oesskatting (oor- of onderskatting).
Grafiek 4: Persentasie verskansing voor-plant.
Grafiek 5: Bronne vir besluitneming in terme van kultivaraanplantings.
Graan SA/Sasol fotokompetisie
9
August 2017