10 / 112
Augustus 2017
8
T
ydens die 2017 Graan SA Kongres
is elektroniese toestelle gebruik
om inligting vanaf afgevaardigdes
op ‘n betroubare en tydige manier
te ontvang. Die inligting gee ‘n goeie
oorsig van wat in hierdie produksieseisoen
plaasvind en wat ook moontlike uitkomste
kan wees. Hier is terugvoer van sommige
van die vrae wat meer oor die finansiële
aspekte handel.
Graan SA werk al vir ‘n geruime tyd daaraan
om die dieselrabatstelsel te verbeter en te
verseker dat produsente wel hul eise tydig
ontvang. Natuurlik bly dit ‘n uitdaging en is
daar nog baie onderhandelinge en prosesse
wat voorlê.
Binne die finansiële stelsel bly die diesel-
rabat vir die produsent belangrik. 87% van
die produsente het aangedui dat die rabat
‘n beduidende impak op hul kontantvloei
het. Slegs 30% van die produsente het
die rabat binne twee maande ontvang en
26% van die produsente moes meer as ‘n
jaar wag.
Dit is ook kommerwekkend dat 72% van
die produsente die afgelope twee jaar
geoudit is – gegewe dat die dieselrabat
tans op ‘n 80:20-toedelingsreël gebaseer is.
Graan SA bly toegewyd om die probleme
op te los en hopelik in die toekoms ‘n beter
stelsel in plek te plaas.
Finansiering binne landbou – spesifiek onder
nuwe era-boere – bly ‘n konstante uitdaging
en veral in ons potensiële kommersiële
produsent-kategorie. Titelaktes is uiters
belangrik om finansiering te bekom en
om produsente van die geleentheid om
uit te brei, te ontwikkel en te groei, te
voorsien. By Kongres is dit weer eens deur
Kongresgangers bevestig toe 93% van
die produsente aangedui het dat dit uiters
belangrik is.
Die onlangse reeks droogtes het ‘n enorme
uitwerking op die finansiële posisie van
verskeie produsente gehad. Die meer-
derheid produsente benodig krediet om te
kan plant en met die droogte was die ver-
moë om krediet te verleen, beperk. ‘n Groot
persentasie (56%) van die produsente wat
in staat was om skuld te maak, moes reë-
lings tref vir oordragskuld. Dit was ook
goed om te sien dat produsente die droog-
te ten spyt daarin kon slaag om beperkte
afdankings deur te voer. 76% van pro-
dusente het nie nodig gehad om werkers af
te dank nie.
Almal weet dat markinligting tans een van
die grootste bates binne die boerdery-
omgewing is. Dit is verblydend om te
sien dat produsente al hoe meer van ‘n
verskeidenheid bronne gebruik maak. Dit
is ook verblydend om te sien dat al meer
produsente van Graan SA se markinligting
gebruik maak.
Daar is aangedui dat 30% van die produ-
sente daagliks die Graan SA markverslag
lees en meer as 70% een keer ‘n week.
Die Graanekonomie-afdeling bly daarna
streef om betroubare, onafhanklike inligting
te verskaf.
Dit is krities dat alle rolspelers in die mark
oor genoegsame inligting beskik sodat
die vryemark effektief kan funksioneer.
Graan SA werk konstant daaraan om te
verseker dat die mark oor genoegsame
inligting beskik. Een van die onlangse
projekte wat dit aanspreek, is die statu-
têre rapportering van invoer- en uitvoer-
kontrakte.
By Kongres het 96% van die afgevaardigdes
aangedui dat die inligting op statutêre basis
ingesamel moet word. Produsente voel oor
die algemeen (77%) dat die mark nog nie oor
genoegsame inligting beskik om optimaal
te funksioneer nie.
Die oesskatting het die afgelope paar
jaar beduidende syfers getoon in terme
van akkuraatheid van die oesskatting
gemeet teen werklike lewerings. Gegewe
die terugvoer by Kongres is daar nog
GRAAN SA
Kongres 2017
DR DIRK STRYDOM,
bestuurder: Graanekonomie en Bemarking, Graan SA
– Deel 2
Grafiek 1: Terugbetalingstydperk in terme van die dieselrabat.
Grafiek 2: Gebruik van bronne vir markinligting.