NAMPO 2019

3 / 140

1 Graan|Grain
Estie de Villiers
redakteur, SA Graan/Grain
eienaar/uitgewer
graan sa
POSBUS 74087, LYNNWOOD RIDGE, 0040
Tel: 086 004 7246
REDAKSIE
Dr Dirk Strydom
BESTUURDER: GRAANEKONOMIE EN BEMARKING
Tel: 086 004 7246 • Sel: 082 852 4810
E-pos:
redakteur: Estie de Villiers
Tel: 081 236 0534 • Sel: 083 490 9449
E-pos:
besturende redakteur: Johan Smit
Tel: 018 468 2716 • Sel: 082 553 7806
E-pos:
publiseringspan
Ingrid Bailey, Elmien Bosch
en Marisa Fourie (bladuitleg)
advertensieverkope
KOLBE MEDIA – kaapstad
Jurgen van Onselen – advertensiekoördineerder
Tel/faks: 021 976 4482 • Sel: 082 417 3874
E-pos:
SCHMILTZ MARKETING – Johannesburg
Ruth Schultz – advertensiekonsultant
Tel: 081 480 6413 • Sel: 083 583 5243
E-pos:
N et toe ons almal weer gerat is vir die daaglikse “beurt-
sonder-krag”, blyk dit dat beurtkrag vir eers iets van
die verlede is. Ek, moet in die stilligheid erken, het
nogal daarvan gehou. In die aande het ons as ge­
sin saam bordspeletjies by ʼn paraffienlamp gespeel
– soos kleintyd se vakansietye op Waenhuiskrans. En
soos wat ’n tannie nou die dag in ’n gesprek opmerk: Een van die
voordele van beurtkrag is dat kinders gedwing word om buite te
speel en nie hul tyd voor ’n skerm deurbring nie.
Jy hoef jou egter nie dié Meimaand tot beurtkrag-uiterstes te
wend om tyd saam met jou familie deur te bring nie: Bring hulle
saam NAMPO Oesdag toe en spandeer hier kwaliteittyd saam.
Begin die uitstappie deur ’n heerlike piekniekmandjie soos van ouds
te pak vir die tog Bothaville toe: Koffie in ’n fles, tamatie-en-kaas-
toebroodjies, hardgekookte eiers en koue wors.
Julle kan saam na al die vee wat by NAMPO vertoon word,
gaan kyk: Amper al die bekendste beesrasse wat by SA Stamboek
geregistreer is, is by NAMPO te sien met die Wagyu Beestelers­
genootskap as nuwe toevoeging. Wat skape en varke betref, word
bykans al die rasse wat op die amptelike register is deur telersge-
nootskappe en verteenwoordigers by die Oesdag uitgestal.
Die welbekende perde- en parade-ring langs die Caltex-saal
is afgebreek en nuut (en groter) agter die Beeskompleks opgerig
om die perdegenootskappe beter te akkommodeer. Besoekers wat
’n passie vir dierehantering het en graag die jongklomp in hulle
vaardighede wil ondersteun, kan uitsien na die NAMPO Jeugskou.
Die spoggeleentheid word in die nuwe parade-ring aangebied.
Die verskillende kategorieë van die jeugskou vind daagliks tussen
10:00 en 12:00 plaas en Vrydag vanaf 13:00 tot 15:00.
Plaasnostalgie
Maak ook ’n draai by die Engen museum en wys die kinders hoe die
trekkers waarmee Oupa geboer het lyk. Vanjaar sal daar ongeveer
40 trekkers, vier vragmotors asook 20 stilstaande enjins uitgestal word
– alles in ’n lopende toestand.
Die Boereplanne-kompetisie het mense oor die jare aangemoedig
om skeppend te dink. Loer by Landbou Boereplanne in om te kyk na die
slim boereplanne wat op die plase gemaak word.
Adrenalienverslaafdes en rowwe terrein-entoesiaste kan weer
uitsien na opwindende vertonings op die doelgeboude hoofbaan
en motorfietsbaan op NAMPO Park. Al die uitstallers wat viertrek-
en sportnutsvoertuie in hul reeks het, sal dit op die Standard Bank
4x4-baan demonstreer terwyl verskeie motorfietse, vierwielmotorfietse
en side-by-side’s hul vaardighede op die Maxxis Adventure Track ten
toon sal stel.
Honger na al die gestap en kyk na nuwe trekkers en toerusting?
Bykans 20 eetplekke op die terrein maak voorsiening om besoekers se
honger te stil: Kies en keur tussen die eetgoed of jy wil hap-en-stap en
of jy êrens rustig wil sit en eet.
En as Pa gou by die saadplotte ’n draai wil maak om met die saad-
verteenwoordigers te gesels, kan Ma stelling inneem in die wit tent
naby die Polkadot-teetuin en ontspan by die Vroueprogram.
Goeie nuus vir ouers is die nuwe Senwes-speelpark agter die
SAMPI-saal: Ouers kan hul kleinspan daar laat om onder streng toesig
opvoedkundig gestimuleer te word.
NAMPO Oesdag 2019: Die ideale geleentheid om daarvan ’n ge­
sinsuitstappie te maak. Sien jou daar!
Maak dit ’n
gesinsuitstappie
Graan
ISSN 1814-1676
Medewerkers
Mariëtta Cronjé, Jan Greyling,
Louise Kunz en Karina Muller