NAMPO 2019

11 / 140

produkinligting
9 Graan|Grain
Jaco du Preez, New Holland
New Holland Landbou beplan weer ’n groot teen-
woordigheid by die NAMPO Oesdag in Mei vanjaar.
Die indrukwekkende tentoonstelling van masjinerie
op standplaas A2 en A3 weerspieël ons toewyding
om deel te vorm van enige boerderypraktyk en die
ontwikkeling daarvan. Daar sal weer verskeie spesiale
aanbiedings wees, so hou die media dop vir verdere inligting.
Trekkers: Nuwe toevoegings verbreed die reeks
New Holland se omvattende trekkerreeks strek vanaf 35 kW tot
447 kW en is in verskeie spesifikasievlakke beskikbaar om aan die be-
hoefte van enige applikasie te voldoen.
Wanneer in tafeldruifwingerde gewerk word, is die nuwe TD3.50F
die oplossing. Die tweedegenerasie-TD90F (vier-silinder, 4wd-een-
heid) wat 65 kW krag lewer en ’n power shuttle-ratkas het, is weer
ideaal vir sitrusboorde.
Die beproefde en alombekende 7610 maak sy terugkeer,
terwyl die TS6.120 hoëgrondvryhoogte-trekker (high clearance) ook
te sien sal wees. Die TT3.50 met sy nuwe New Holland-stilering en
1 800 kg-hyservermoë, verteenwoordig die klein reeks. Die nuwe
T5-reeks (66 kW tot 82 kW) met sy 16 x 16 electro command -ratkas
gaan ook uitgestal word.
Stropers: Maksimum produktiwiteit
Ons gaan weer die CR dubbelrotor-stroperreeks uitstal, wat sy plek
in die Guinness World Book of Records verdien het. Dié stroper toon
brute krag en ongeëwenaarde kapasiteit. Kom kyk hoekom hierdie
dubbelrotorstropers wêreldleiers is wat kapasiteit, graankwaliteit, lae
brandstofverbruik en veelsydigheid betref.
Drie modelle uit die CR-reeks, naamlik die CR6.80, CR7.90 (intel-
lisense) en CR9.80 sal ten toon gestel word met meer opsies as ooit
wat ook nou die nuwe intellisense insluit. New Holland se unieke
variërende voer- (varifeed) en buigbare (flex) fyngraantafels kompli-
menteer hierdie reeks om enige gewas met sorg van die land af te kry.
Hooimaak: ’n Volledige reeks
Die hooimaakreeks sluit verskeie opwindende produkte in. Eerstens
is daar die nuwe RB150 veranderlike kamer-rondebaler wat baal­
groottes vanaf 0,9 m tot 1,5 m kan maak en ook met net bind. Die
beproefde BR6090-rondebaler is ook steeds in rotofeed - en rotocut -
opsies beskikbaar.
Verder vorm die gewilde BC5070-stampbaler en driepunt- en
sleeptipe-skyfsnyers ook deel van die uitstalling. Twee modelle sleep-
tipe-snyerkeusers, naamlik die 313 en 316, is steeds toegerus met die
Mowmax 2-snybalk, wat bestaan uit groter skywe vir verhoogde
kapasiteit en ’n skoon, lae snit.
Spuite: Veelsydigheid
Ons Guardian-spuite spog steeds met ’n ongeëwenaarde grond-
vryhoogte en ’n unieke suspensie wat enige terrein kan baasraak.
Met verskeie opsies wat tenkgrootte, balkwydte en seksiebeheer in-
sluit, kan die hoëkwaliteitspuit pasgemaak vir enige applikasie bestel
word. Intellispray is standaard op hierdie spuite beskikbaar, wat met
impulse spuit en ook outomaties kompenseer vir wanneer daar ge-
draai word. Die nuwe SP310F sal hierdie jaar ten toon gestel word.
Ligte konstruksietoerusting
Hierdie masjiene word nou deur geselekteerde New Holland Land-
bou-handelaars beskikbaar gestel in die mark. Die gewilde B90B-TLB
sal ook ten toon gestel word.
Precision Land Management (PLM)
Presisietoerusting en -sagteware sal deel vorm van die uitstalling
wat ’n volledige reeks van verskeie satellietstuurstelselopsies insluit
om aan die produsent se unieke behoeftes te voldoen. Vind ook
hier meer uit oor sagteware vir die analise van opbrengsdata om
produksiekoste te verlaag en koste te bespaar, asook gevorderde
telematiese stelsels wat masjinerie met mekaar in die land kan sin­
kroniseer.
AGXTEND is ook nuut hierdie jaar op NAMPO en is die toon-
aangewende platform vir innoverende tegnologie in die land-
bousektor. Ons ontwikkel en bied baanbrekerstegnologie wat
produsente toelaat om hulle doeltreffendheid en sodoende hulle
ekonomiese sukses te verbeter. PLM-spesialiste rugsteun nie net
fabrieksgemonteerde stelsels nie, maar kan ook toerusting voorsien
soos deur die kliënt se boerderypraktyk benodig word.
Ons promosiewinkel sal weer ’n verskeidenheid van die nuutste
klerereekse, skaalmodelle, speelgoed en vele meer te koop aanbied
en ons nooi elke besoeker en kliënt om ’n draai te maak. Ons span
wil jou ontmoet, so kom drink ’n koppie koffie en sien self hoekom
New Holland dié keuse vir die innoverende produsent is.
Ons span wil
jou ontmoet!
P
2019