9 / 116
Kyk intussen uit vir tydskrif
se elektroniese weergawe
Vandag (3 September) het ek
SA Graan/Grain
in die pos gekry...
die Julie-uitgawe. Dis so ’n oulike, insiggewende en in ons huis, welkome
tydskrif, wat regtig gelees, gebêre en herlees word. Ek is net gefrustreerd dat
ons tydskrif alewig so byna twee maande laat is...Lyk my die posdiens faal ons
meer en meer.
Hoekom ek dit nou eers noem? ’n Mens kla nie sommer oor klein lastighede nie
– daar is belangriker goed. Sou u dit oorweeg om die tydskrif dalk elektronies
aan ons te stuur? Maar ek wil ook graag die gedrukte boek byderhand hê!
Dankie vir jul lekkerlees-blad.
Groetnis uit ’n dor, droë Albertinia waar die reën vandag ’n dag nader is as wat
dit gister was.
Rolene Oosthuizen
Baie dankie vir jou e-pos, Rolene. Ons is bewus van die Julie-uitgawe se uitpos
wat teen ’n ekstra slakkepas gevorder het, weens die destydse staking by die
Poskantoor. Kyk gerus in die eerste week van die maand op Graan SA se web
tuiste vir die nuwe tydskrif, wat as ’n e-boek daar verskyn. Lede van Graan SA
ontvang die nuutste uitgawe kraakvars via die Joyn app of die Telegram app.
Die tydskrif gaan ook eersdaags met sy eie Facebook-bladsy spog. Hou dié spasie
dop…Red.
Graan SA/Sasol fotokompetisie
Ds koos kirsten
woord
Uit die
h
oe lank sal dit nog aanhou? Al die korrupsie, geld
verduistering, diefstal en al die ander misdaad. Elke
dag se nuusberigte is vol van nog nuwe voorvalle van
misdade en bedrog. Ons leef in ‘n tydperk wat geken
merk word deur magsvergrype, grondgrype, geldgrype
en die grype na enige iets wat waarde het. Hoe lank nog?
Nou blyk dit boonop dat die land se ekonomie glad nie so gesond is
as wat aanvanklik gedink is nie. Dit dra daartoe by dat werkloosheid
toeneem en mense se skuldvlakke verhoog. Hoe lank nog? Hoe
lank kan dinge so aanhou voordat daar iets drasties gaan gebeur?
Niemand weet nie! Ons as Christene moet nie vra hoe lank nog
nie, maar wat staan ons in hierdie omstandighede te doen? Ons
moet in die eerste plek nie teen die omstandighede rondom ons
vaskyk nie, maar ons oog op Jesus Christus aan die regterhand
van God gevestig hou (Kol. 3:1). Hy sit immers as Koning aan die
regterhand van die Vader en regeer oor die hele wêreld. Niks
gebeur sonder sy wil of sonder dat Hy dit toelaat nie. Hy sal eendag
terugkom om oor almal te oordeel. Alles is in sy hande.
Verder moet ons ook onthou dat Hy ook oor ons regeer. Hy is en
bly ons Here en Koning en hou ook ons lewens in sy hande. Dit
maak dus nie saak hoe goed of sleg dit gaan nie, by Hom is ons
veilig. Niks in tyd of ewigheid kan ons van sy liefde skei nie.
Die land kan ten gronde gaan, oeste kan misluk, geld kan waarde
verloor, alles kan onbekostigbaar word, maar die genade en liefde
van God verloor nie hulle waarde nie. Niemand kan dit van jou steel
of roof nie. Daarby verseker die Here ons dat Hy nie wispelturig
is nie. Hy is nie nou so en môre anders nie. As Hy vandag sê dat Hy
jou liefhet, sê Hy dit môre ook – en tot in ewigheid.
Ons moet ons nie blind staar teen die misdaad en onreg van die
dag nie, maar verder kyk en die dinge raaksien wat ewigheidswaarde
het. Daarop moet ons ons harte en gedagtes rig.
7
October 2018
18%
Trekkerverkope van 487 eenhede in Augustus is
aansienlik minder (byna 18%) as die 591 eenhede
wat verlede Augustus verkoop is.
7%
Stroperverkope van nege eenhede is drie eenhede
minder as die twaalf eenhede wat verlede Augustus
verkoop is. Vir die jaar tot dusver is stroperverkope
nou ongeveer 7% laer as verkope verlede jaar.
Verskeie faktore het bygedra tot dié afname in die mark.
Die faktore sluit onder andere in: Die laat mielie-oes,
kommer oor kontantvloei onder produsente, uitdagings
met bankfinansiering en politieke onsekerhede.
– Persverklaring van die Suid-Afrikaanse Landboumasjinerieassosiasie
op 11 September 2018
Gee gerus jóú mening van die kantlyn af:
estie@infoworks.biz
083 490 9449
Afname in mark
Kantlyn
Op die