38 / 44
Desember 2017
36
Samewerking verseker
‘n beter toekoms
S
owat 350 produsente uit sentraal Suid-Afrika het die 14de
Senwes Toekomsfokusdag op 27 September op NAMPO
Park buite Bothaville bygewoon. Dié geleentheid, wat in
die
Nasie in Gesprek
-formaat aangebied is, met die tema,
Landelike gemeenskapsamewerking, het die kollig laat val op
samewerking tussen plaaslike gemeenskappe, besighede, muni-
sipaliteite en produsente.
Die paneelbespreking is voorafgegaan deur kort boodskappe van
die verteenwoordigers van Senwes, Graan SA en die Jongboer-
komitees van Vrystaat Landbou en Agri Noordwes. Mnr Luan van
der Walt (landbou-ekonoom: Graan SA) het jongboere aangemoedig
om by georganiseerde landbou betrokke te raak.
“‘n Ware leier neem nie net verantwoordelikheid vir sy eie werk nie,
maar ook vir dit wat sy toekoms beïnvloed. Neem eienaarskap deur
betrokke te raak by georganiseerde strukture wat tyd en geld in die
toekoms van die landboubedryf belê,” het hy gesê.
Gemeenskapsamewerking vir
beter dienslewering
Die hoofspreker, mnr Andries Nel, adjunkminister van Samewer-
kende Regering en Tradisionele Sake, het produsente bedank vir
hul bydrae tot die ekonomiese groei in Suid-Afrika en genoem dat
die onlangse 2%-groeisyfer grotendeels aan die landbousektor te
danke is.
Hy het tong in die kies bygevoeg dat hy ook boer, omdat diegene
wat in die politiek betrokke is volgens die Chinese met die tong boer.
In sy toespraak het hy die wanprestasie van munisipaliteite
bespreek, wat volgens hom toegeskryf kan word aan swak leierskap,
politieke onstabiliteit en kompetisie om beskikbare bronne. Nel
het genoem dat navorsing toon dat ‘n derde van Suid-Afrikaanse
munisipaliteite na wense funksioneer met ‘n derde wat disfunk-
sioneel is.
AKTUEEL
1: Die paneel geniet ‘n ligte oomblik tydens die
Nasie in Gesprek
-opname:
Theo Vorster (fasiliteerder), Johan van Huyssteen, Nompumelelo Runji,
Andries Nel, oudminister Roelf Meyer en Francois Strydom.
2: Senwes se Jongboer Toekomsfokusdag is in samewerking met Senwes,
Graan SA en die Jongboerkomitees van Agri Noordwes en Vrystaat Landbou
aangebied. Dié organisasies is verteenwoordig deur Boet Wilken (voorsitter:
Vrystaat Landbou se Jongboerkomitee), Luan van der Walt, Danie Minnaar
(voorsitter: Senwes) asook Agri NW Jongboerkomitee se visevoorsitter,
Louis Wessels en voorsitter, Gideon van Zyl.
3: Dit was die eerste keer dat verteenwoordigers van die African Farmer’s
Association (AFASA) die Senwes Toekomsfokusdag bygewoon het. In die middel
is voorsitter van AFASA in die Vrystaat, Esther Moloi, saam met twee ander
vroulike produsente van Harrismith, Mavis Mtlokwa, links, en Joyce Maphisa.
LOUISE KUNZ,
SA Graan/Grain
medewerker
1
2
3