3 / 124
1
September 2015
MEDEWERKERS
vir hierdie uitgawe
Annelie Barnard, Dirk Bruwer, Bennie Buys, Abrie Coetzee, Thys Coetzee, Maryke Craven, Chris Dannhauser, Ron Derby, Jannie de Villiers, Hannalene du Plessis,
Du Preez Kritzinger, Magda du Toit, Bradley Flett, Alzena Gomes, Sonia-Mari Greyling, Dirk Hanekom, Justin Hatting, Nico Hawkins, Elbé Hugo, Astrid Jankielsohn,
Tinashe Kapuya, Koos Kirsten, Dirk Kotzé, Sakkie Koster, Landi Kruger, Louise Kunz, Cobus le Roux, Lacea Loader, Hans Lombard, Corné Louw, Gerrie Ludick, Jannie Myburgh,
Nokulunga Mzimela, Krishna Naicker, Hestia Nienaber, Jolanda Nortjé, Ockie Olivier, Goddy Prinsloo, Tshima Ramakuwela, Loureine Salomon, Aneen Schoeman,
Charlie Reinhardt, Ruth Schultz, Wandile Sihlobo, Gerrie Smit, Hendrik Smith, Dries Sonnekus, Tarekegn Terefe, Wayne Truter, Gerrie Trytsman, Coretha Usher,
Pieter van der Merwe, Peet van der Walt, Elize van der Westhuizen, Leon van Wyk en Lex Visser
s
eptembermaand is partytjiemaand in ons huis – dan verjaar al
twee ons dogtertjies. En diegene met kleiner kinders sal weet:
Dit is (naas Kersfees) dié grootste en belangrikste gebeurtenis
in ‘n kind se jaar. Reeds maande voor die tyd word die tema
beplan – net om elke week (indien nie elke derde dag nie!) verander te
word. Die tema pas aan volgens die Disney-fliek wat nou bo-aan hulle
drie-keer-op-‘n-dag-kyk-lysie is.
Ek dink verlede jaar het elke tweede dogtertjie ‘n Frozen-partytjie ge-
had. Hierdie jaar het seuns en meisies ‘n Minions-partytjie...As jy nie
weet wat Frozen of Minions is nie, het jy vir seker nie kleinkinders of
kleintjies in die huis nie! Enige mamma sal vir jou die Frozen-temalied-
jie uit haar kop kan sing...
In my ouerhuis was dit tradisie om as een van ons verjaar, spek vir ont-
byt te kry. Dit was ‘n luukse wat net met verjaarsdae geëet is. As jy
vroegoggend wakker word, kon jy ruik: Iemand verjaar en vandag vier
ons fees! Ek dink produsente sal net só partytjie hou as hulle uiteindelik
die stryd teen onkruide, peste en plae gewen het!
Landbouchemiese middels of plaagdoders is een van die produsent se
grootste uitgawes. Alhoewel die koste daarvan nie dieselfde beloop as
kunsmis of diesel nie, is dit een van dié belangrikste insette om ‘n goeie
oes te verseker. Dit verg ook deskundige kennis oor die effektiewe en
verantwoordelike aanwending daarvan ten einde die gewasse teen
peste en plae te beskerm.
Plaag- en siektebeheer raak al hoe meer gespesialiseerd en vereis nie
alleen kennis van die plantbeskermingsmiddels nie, maar ook tegniese
vaardighede en toerusting vir die effektiewe aanwending van die mid-
dels. Swak onkruidbeheer sal kompetisie tussen onkruide en die gewas
veroorsaak wat tot gewasopbrengsverliese lei en die gewas kan onder
sekere omstandighede ook deur onkruiddoders beskadig word. Die
korrekte gebruik van die gewasbeskermingsmiddel kan dus nie genoeg
beklemtoon word nie.
SA Graan/Grain
het vir hierdie uitgawe by van die ghoeroes in die bedryf
gaan aanklop om vir ons lesers die jongste inligting oor oesbesker-
mingsmiddels te verskaf en om produsente te help met hulle plaag- en
onkruidbeheerbeplanning. Meer hieroor in ons fokus op geïntegreerde
plaagbeheer op bladsy 29 tot bladsy 89.
Ons kuier ook saam by die 2015 Graan SA/Syngenta Graanprodu-
sent van die Jaar-finaliste (bladsy 8 tot 13) en jy kan die finaliste in die
Graan SA/ABSA Bestaansboer van die Jaar-, Graan SA/Syngenta
Kleinskaalboer van die Jaar- en Graan SA/ABSA Nuwe Era Kommersiële
Boer van die Jaar-kompetisie ontmoet (bladsy 15 tot 25). Die wenners
word in Oktober aangewys tydens ‘n spoggeleentheid in Johannesburg
en ek is seker daar gaan dan ook groot feesgevier en partytjie gehou
word saam met dié produsente!
Geniet hierdie uitgawe van
SA Graan/Grain
.
ESTIE DE VILLIERS,
redakteur
VOORPUNT
Ontmoet ons
medewerkers...
Y
olandi Kruger, beter bekend
as Landi, is ’n gebore
Bloemfonteiner wat op ‘n
plaas by Bainsvlei groot-
geword het. Sy het by Kovsies
studeer. “Ek was nog altyd baie lief
vir die landbou, maar was nie seker of
ek ‘n loopbaan daarvan sou kon maak
nie. Ek het BCom (Finansiële Bestuur) studeer met Landbou-
ekonomie as ‘n ekstra vak. In my derde jaar het ek besef
daar is baie loopbaangeleenthede in die landbou en my
honneurs in Landbou-ekonomie voltooi.”
Sy het as graanverkryger by OVK op Ladybrand begin en in
2012 by die Graan SA-span aangesluit. Tans werk sy as ‘n
data-administreerder/ekonoom in die Landbou-ontwikkelings-
afdeling – wat ontwikkelende boere ondersteun. Sy is betrokke
by die opstel van besigheidsplanne vir dié boere asook die be-
planning en uitrol van ander projekte in die program. Sy is besig
met haar MBA-graad by Kovsies, “so tyd vir mans, kinders of
stokperdjies was daar nog nie,” skerts sy. Op bladsy 15 stel sy
ons aan die finaliste in die jaarlikse Graan SA-kompetisie vir
ontwikkelende produsente bekend.
H
ael is ‘n realiteit waarmee alle produsente
ongelukkig moet saamleef. Die vernietigende
aard van hierdie natuurlike verskynsel, is
gewoonlik duidelik bespeurbaar in die verslete
blare, gekneusde stamme en soms beskadigde
koppe van die mielies. Die tipe skade wat aangerig
word, hang af van die ouderdom van die plante
toe die haelskade plaasgevind het. Skade wat deur
hael aangerig word, is ongelukkig nie net beperk
tot fisiese waarneembare skade nie en dit kan
soms nog ‘n nare nadraai hê met die voorkoms
van siektes, soos stam- en kopvrotte.
Drs
MARYKE CRAVEN
en
BRADLEY FLETT
(LNR-Instituut vir Graangewasse) vertel op
bladsy 66
meer oor haelskade en die voorkoms
van stam- en kopvrot by mielies.
T
o celebrate the 25th anniversary of the Protein
Research Foundation (PRF) a decision was
made to host a Soybean Symposium during July.
Information regarding weed control was shared
with nearly 300 attendees of the two symposiums
held in Delmas and at NAMPO Park.
LOUISE KUNZ
(
SA Graan/Grain
contributor) attended the sympo-
sium at NAMPO Park. Read about it on
page 81
.
“P
resisie” verwys na die verfyning van
praktyke – iets wat landbou broodnodig
het. Dit verklaar ook waarom ons al hoe meer
van “onkruidbestuur” in pleks van “onkruidbe-
heer” hoor, maar is daar ‘n verskil? Volgens
prof
CHARLIE REINHARDT
(Universiteit van
Pretoria en Villa Academy) is geïntegreerde
onkruidbestuur “presisie-onkruidbeheer”
–
bladsy 88
.