6 / 92
4
e
k het ‘n klompie jare gelede ‘n boek gelees oor leier-
skapstyle in tye van verandering. Die skrywer (Alan Rox-
burgh:
Crossing the bridge
) het baie moeite gedoen om
te verduidelik wanneer die samelewing verandering
beleef en wat nodig is, vir jou as leier, om onder sulke
omstandighede te doen.
Sy beskrywing van verandering was: Verandering vind plaas wan-
neer daar vaste oortuigings is wat begin verdwyn of wanneer daar
twyfel daaroor ontstaan. Suid-Afrika is tans op só ‘n plek. Ons is nie
seker of ‘n lig gaan aangaan as jy dit aanskakel nie en baie dorpe en
stede is selfs nie meer seker van die water in hul krane nie.
As grondeienaars is ons nie meer so seker of ons dit gaan behou
of nie. Die kerk neem besluite wat indruis teen ons diepgewortelde
geloof en die droogte en weervoorspellings van nog droogtes, kom
staan vierkantig voor ons as graanprodusente se geloof. Wat staan
ons te doen as elke weervoorspeller, en selfs nou ook politici, som-
mer drie jaar se droogte kom voorspel? Dit daag ons diepgewortelde
geloof uit!
Die droogte van 2015 los diep letsels in ons graangemeenskap. In die
noordweste van die land is dit nie so ongekend nie, maar die Swart-
land beleef sulke erge droogtes beslis minder gereeld. Die koring
wat op die lande staan en selfs nog op party plekke groen voorkom,
is leeg binne. (Dit klink vir my nogal soos mense wat poste vul, maar
nie diens lewer nie...) Leë are kan nie salarisse of paaiemente betaal
of diesel koop nie.
Ons kan die beste landboupraktyke toepas,
maar plante kan nie sonder water klaarkom
nie. Ons harte gaan uit na julle wat die droog-
te nie op ‘n televisieskerm volg nie, maar op
die lande. Ons weet dit is net julle wat die
toestande op die lande moet omsit in rand en
sent, wat regtig die impak daarvan verstaan.
Daar is of was nog altyd ‘n diepgaande ge-
sonde verhouding tussen Graan SA en die
verskillende graantrusts. Die produsente was
immers daar toe dit gestig is, maar dit is aan
die verander. Nuwe trustees met ander sie-
nings en beperkte kennis oor waar die geld
vandaan kom en vir watter doel dit geskep is,
maak dit al hoe moeiliker.
Ons het verlede jaar in ons jaarverslag al iets
van die ou bestaande verhoudinge wat aan die
verander is, probeer deurgee. Die goeie nuus
is dat die oue altyd plek maak vir die nuwe. Ons sal binnekort verder
hieroor terugvoer gee. My saak handel egter vandag oor wat ons te
doen staan rakende die diepste oortuigings wat aan die verander is
en wat die taak van ‘n leier in sulke gevalle is.
Roxburgh se raad is dat ‘n mens baie mooi moet gaan delf om die
diepe waarhede waarin ons steeds vas glo en waaraan ‘n mens kan
vashou, uit te grawe. Dit is waaraan ons mekaar moet bly herinner.
Hy noem onder andere die voorbeeld van Daniël wat in ballingskap
steeds by die waarhede gebly het waarin hy vas geglo het, al was
alles rondom hom vreemd.
Mense gaan in sulke tye heen en weer oor ‘n brug van die oue en
die nuwe. Jou werk as ‘n leier is om op die brug te staan en die
verwarde mense rigting te gee met vaste waarhede. Harder werk en
vinniger hardloop gaan nie in hierdie fase so goed werk nie. Daar
is baie emosies en diverse sieninge van, en optredes rakende die-
selfde dinge.
Een ding is egter vir my duidelik en dit is dat die graanbedryf ‘n
nuwe raamwerk en veld vir die toekoms sal moet uitteken en dat
ons met ons bestaande vennote in ‘n nuwe verhouding moet tree,
om selfs meer onafhanklik van die staat en volhoubaar te kan
produseer. Dit gaan tyd neem en daar is nie opleiding daarvoor
nie.
Google Maps
het ook nog nie hierdie roetes opgeteken nie.
Sterkte!
Dinge is aan die verander
JANNIE DE VILLIERS,
uitvoerende hoofbestuurder/CEO
“
Verandering vind plaas wanneer
daar diepgewortelde oortuigings
is wat begin verdwyn of wanneer
daar twyfel daaroor ontstaan.
“
STANDPUNT
POINT OF VIEW
Graan SA
November 2015