36 / 44
Januarie 2016
34
VENNOOTSKAPPE BELANGRIK
vir sosio-maatskaplike ontwikkeling op platteland
“U
it ‘n persepsiestudie-opname wat Agri SA onder
‘n verteenwoordigende groep van Suid-Afrika se
verbruikersgemeenskap laat doen het, het begrip en
waardering vir die landbou duidelik na vore gekom,
maar daar is tog ‘n siening dat produsente meer kan doen om
landelike ontwikkeling te ondersteun.”
Mnr Johannes Möller het dié resultaat met kongresgangers
tydens die lewering van sy presidentsrede gedeel by verlede jaar
se Agri SA-kongres wat op 15 en 16 Oktober net buite Pretoria
plaasgevind het. “Op die sosiaal-maatskaplike ontwikkelingsterrein
is daar ‘n groot behoefte wat dringend aangespreek moet word
om ‘n stabiele omgewing vir die volhoubare beoefening van die be-
dryf te skep.
“Sukses lok gewoonlik ondersteuning. Daar is groot potensiaal
om op hierdie terrein vennootskappe te vorm omdat armoede en
ongelykhede ‘n reuse uitdaging vir alle ernstige rolspelers in ons
samelewing en ekonomie is óf behoort te wees. Sodoende kan ons
waarskynlik ook meer hulpbronne vir ontwikkeling help ontsluit en
waar daar gapings is, leiding verskaf,” was sy woorde.
‘n Agtpunt sosio-maatskaplike ontwikkelingstrategie vir landbou is
deur mnr Christo van der Rheede (adjunk-uitvoerende direkteur:
Agri SA) aan die kongres voorgehou waardeur die georganiseerde
landbou saam met vennote ‘n groter impak op hierdie sensitiewe
terrein kan maak. Vir inklusiewe groei is sake-ontwikkeling, mense-
ontwikkeling, voedselsekerheid en eienaarskapsekuriteit nodig.
Luidens ‘n Agri SA persversklaring sal die sukses van dié strategie
afhang van die vermoë van Agri SA om vennootskappe met alle
rolspelers in die waardeketting te vestig. “Talle projekte wat reeds
onderneem word se impak kan veelvoudig vergroot word as dit
beter belyn en gekoördineer word. Agri SA sal hulleself as ‘n
koördineerder vestig om dit te bereik,” het Van der Rheede gesê. Vir
meer inligting oor dié strategie, besoek gerus Agri SA se webtuiste
by
www.agrisa.co.za .Mnr Senzeni Zokwana (Minister van Landbou, Bosbou en Visserye)
wat kongresgangers op die eerste dag toegespreek het, sê dat
volgens STATS-SA (GHS 2014) ervaar ongeveer 14,1 miljoen
Suid-Afrikaners onvoldoende of ernstige onvoldoende toegang
tot voedsel.
“Toenemende vlakke van absolute armoede is aangeteken in die
Oos-Kaap. Sowat 74% van die mense in die Oos-Kaap leef onder die
broodlyn van R800 of minder per maand. In Alfred Nzo leef ongeveer
40% van die bevolking onder die broodlyn, terwyl sowat 44,7% van
die mense werkloos bly. Hierdie syfers is regtig kommerwekkend
en het implikasies in die hoër afhanklikheid van maatskaplike bystand
in die vorm van toelaes,” aldus Zokwana.
Hy sê die doel van verlede jaar se Wêreldvoedseldag was om
bewusmaking te skep deur te fokus op die rol wat huishou-
dings kan speel in die uitwissing van armoede en hongersnood, wat
voedselsekerheid vir almal sal skep. “Voedselproduksie moet ge-
beur in harmonie met die produksie van natuurlike hulpbronne.
Indien ons die omgewing bewaar en voed, sal die omgewing in ruil
daarvoor vir ons sorg.”
Volgens Zokwana het Brasilië, Rusland, Indië en China (die Brics-
lande) se ministers tydens die Brics-konferensie in Rusland saam-
gestem dat beide armoede en voedselonsekerheid aangespreek
moet word deur middel van ‘n kombinasie van sosiale veiligheids-
nette en -maatreëls wat daarop gemik is om landbouvolhoubaarheid
te verhoog.
“Verder het die ministers ook ingestem dat investering in ‘n sosiale
beskermingstelsel as ‘n kritiese katalisator sal dien vir inklusiewe
groei en volhoubare ontwikkeling. Die bevordering van die vestiging
van meer omvattende voedsame sosiale beskermingsprogramme is
nodig en laastens is daar ook ooreengekom dat die bekendstelling
van die nuwe ontwikkelingsbank as ‘n kragtige instrument kan dien
vir die finansiering van infrastruktuur-ontwikkelingsprojekte in die
landbousektor.”
Hy het die belangrikheid van openbare/privaatsektorvennootskappe
beklemtoon om sodoende die vermeerderde investering wat in die
waardeketting nodig is, te ondersteun.
AKTUEEL
RUTH SCHULTZ,
SA Graan/Grain
medewerker
1: Graan SA se afgevaardigdes wat die
Agri SA-kongres bygewoon het, is: Voor:
Jan Grey (hoofbestuurslid), Andries Theron
(visevoorsitter), Louw Steytler (voorsitter),
Victor Mongoato (visevoorsitter),
Willem Groothof (hoofbestuurslid) en
Theo Ferreira (hoofbestuurslid). Agter:
Israel Motlhabane (hoofbestuurslid),
Cobus van Coller (hoofbestuurslid),
Jaco Breytenbach (hoofbestuurslid),
Jannie de Villiers (uitvoerende hoof-
bestuurder), Chris Schoonwinkel
(hoofbestuurslid) en Jaco Minnaar
(hoofbestuurslid).
1