3 / 92
1
November 2018
MEDEWERKERS
vir hierdie uitgawe
Conrad Basson, Brett Binnekade, Willem Botes, Pietman Botha, dr Maryke Craven, Mariëtta Cronjé, prof Chris S Dannhauser, Jannie de Villiers, Alzena Gomes,
Jan Greyling, Simon Hodgson, dr Willem Hoffmann, Paul Janse van Rensburg, ds Koos Kirsten, Raylene Kleinhans, Helenus Kruger, Louise Kunz, Corné Louw,
Karina Muller, Charné Myburgh, Owen Rhode, Francois Rossouw, dr Jeanetta Saayman-du Toit, Nadine Schutte, prof Stefan Siebert, Douw Steyn, George Steyn,
dr Johann Strauss, Liana Stroebel, Gerrie Trytsman, prof Johnnie van den Berg, Luan van der Walt en Petrus van Rooyen
m
y swaer-hulle se dogter – die oudste kleinkind in ons
familie – skryf vanjaar matriek. Die matriekafskeid-
rok was skaars in die kas weggepak of daar moes
agter die boeke ingeskuif word. Dit het my sommer
aan my skooldae herinner.
Voor ’n eksamen moes ek altyd eers my kamer skoonmaak en my
lessenaar en notas organiseer, regpak en netjies maak voor ek kon
begin studeer. (Miskien was dit ’n bietjie van ’n uitsteltegniek...?) Ek
kan steeds nie behoorlik funksioneer as dit rondom my deurmekaar is
nie…’n Geordende chaos werk net eenvoudig nie vir my nie.
Dit is een van die dinge waaroor ek en my huismense – veral tydens
’n naweek (wanneer hulle net ’n bietjie wil ontspan en nie noodwendig
wil opruim nie) – die heel meeste vassit. Dit is vir my ontspannend
om na organiseerwenke op Pinterest te soek en televisieprogramme
te volg waar ’n span inwals en iemand se huis van bo tot onder
regpak en organiseer...Nie vir my huismense nie! En met dié dat die
einde van die jaar naderspoed, is dit mos nou juis die ideale geleent-
heid om orde in jou huis en werksplek te skep – voor die nuwe seisoen,
nuwe jaar en nuwe skooljaar begin.
Maar voor dan moet ’n mens seker ook vakansie gaan hou. In ons
kollig op buitelewe en reis vertel Francois Rossouw, aanbieder van
4x4SPORT op RSG, meer van die toere wat hulle na die mooiste, mees
afgeleë en ongeskonde plekke onderneem – en wat ’n mens nét met
’n 4x4 kan bereik. Volgens hom kan jy sonder ’n gids wat die omge-
wing ken, maklik verdwaal of bitter naby aan die natuurskatte verby
ry sonder om daarvan te weet. Op bladsy 48 verduidelik hy onder an-
dere hoe hulle die roetes beplan.
Dink jy daaraan om ’n 4x4 te koop? Lees op bladsy 49 watter as-
pekte om in ag te neem wanneer jy besluit watter 4x4 om te koop.
Francois sê daar is nie meer ’n ding soos ’n slegte 4x4 nie, maar wel
voertuie wat swak diens lewer, “omdat dit vir ’n doel aangewend word
waarvoor dit nie geskik is nie”.
En van matriek gepraat...Deesdae is daar mos maar min geleenthede
waarheen jy kan optof soos wat ons na die matriekafskeid van ouds
gedoen het. Een só ’n geleentheid waarna ons dames jaarliks uitsien,
is die Graan SA Toekenningsgeleentheid, waarvoor manlief sy manel-
pak uit die kis moet haal en jy jou behóórlik kan uitvat vir dié skit-
tergeleentheid. Baie geluk aan elke produsent wat tydens die aand ’n
toekenning ontvang het. Julle maak ons trots! Kyk gerus op bladsy 13
tot bladsy 22 wie toekennings ontvang het.
Lekker lees (en regpak) tot aanstaande maand.
ESTIE DE VILLIERS,
redakteur
VOORPUNT
Ontmoet ons
medewerkers...
W
eidingsgewasse word al meer as dekgewasse
aangewend – veral waar lewende hawe as
laaste element in ’n siklus op dié dekgewasse
geplaas word. Daar is verskillende opsies en
verskillende stelsels wat deel vorm van bewarings-
landbou, wat oorweeg kan word. Op
bladsy 28
tot
bladsy 37
kyk
PROF CHRIS S DANNHAUSER
(emeritus professor: Weidingkunde) in drie artikels
na die gebruik van weidingsgewasse as dekge-
wasse in bewaringslandbou.
’n
Nuwe NAMPO-seisoen het aangebreek. Toe
die helder Overbergson in September oor die
groen koring- en die goudgeel kanolalande digby
Bredasdorp Park kop uitsteek, het Graan SA se
werk in die suide ’n nuwe era begroet. Altesaam
16 245 besoekers het die eerste NAMPO Kaap van-
jaar bygewoon.
JAN GREYLING
(vryskutjoernalis)
het die geleentheid namens die tydskrif bygewoon
en lesers kan van
bladsy 23
af loer wie almal
daar was.
D
ie genoomvolgordebepaling van broodkoring
is uiteindelik afgehandel. Op
bladsy 77
verduidelik
WILLEM BOTES
(Universiteit van
Stellenbosch) wat dit beteken. “Soos wat ons as
navorsingsgemeenskap voortbou op die werk,
gaan ons meer effektief met die identifikasie
van gene word. Ons sal ook volgordebepaling
geroetineerd vanaf ons eie programme se
teelmateriaal doen.”
I
n the article on
page 40
,
GERRIE TRYTSMAN
(independent researcher) discussed the following
CA aspects under investigation at the cover crop
screening trial on the farm Humanskraal, Ottosdal
area: Maize grain yields and water use efficiency
and soil organic matter and the role it fulfils in
regenerating the soil with the co-operation of
microorganisms.
H
ELENUS KRUGER
se liefde
vir fotografie het reeds op
skool wortel geskiet. “Die
aanvoeling daarvoor het ek
sekerlik by my kunstige ma
geërf. Ek het vinnig besef
dat ek my sakgeld kan aanvul deur foto’s
aan my maats te verkoop. Nadat ek op
Harrismith gematrikuleer het, het ek fotografie by Central University
of Technology (wat toe bekend was as Vrystaat Technikon) studeer,”
vertel hy. “Ek het ’n paar jaar as fotograaf by die Departement van
Landbou gewerk, wat aan my ’n agtergrond in landboufotografie
besorg het. Landbou is tans steeds ’n omgewing waarin ek lief is
om te werk.”
Sy gunsteling tydverdryf is reis en die Karoo is een van sy voorkeur-
bestemmings. Hy doen graag reis- en dokumentêre fotografie vir ont-
spanning; is getroud met Carien, ’n joernalis by
Landbouweekblad
en
hulle het twee hondekinders, die Skotse Terriërs Bika en Teran.
Helenus is een van die beoordelaars in ons fotokompetisie en het
ook die foto’s by die Graan SA Toekenningsgeleentheid in Oktober
geneem. Foto’s van dié geleentheid is op
bladsy 13 tot bladsy 22
te sien.